Juan 17

1E irgo ga kjok dogo îya Jesúsdë drëng, ga syõshtono Sbö kong. Tjšê ga “Data, dbar ši öötonge. Bop Wa ëre ios ber kësbang, tjwšõ ara, pja iër ber kësbang, tjwšõ ara bako wšo. 2Tja kong dbo tworop kësbang, nopga šöng kës ši ber tjeng bor wšoshko wšo, tjrëko nopga tworop beno bor kong kës ši iër ber šöng së îyado bop tjok wšo. 3Sbö kjšaraso ši pja, ga tja Jesucristo, tja ichaga pjarë. Nopga ši ber šöng së îyado bop tjok wšo ga woyde ga shji miyde šok guing. 4Pak tworop bor kong shäryër wšo ši shäryoror pjire. Eni ga pja ioror beno kësbang, tjwšõ ara kjok ëre kjing go. 5Kjok ëre wentë ðëm obishko ga tja kësbang, tjwšõ ara bop bokso. Eeri ga Data, tja ios ber kësbang, tjwšõ ara eni obi. 6”Nopga kjok ëre so kjrorop, tworop bor kong. Ga pja ë šoror ba kong šok. Epga bopoya twopdë bor kong, ga bop tjšõkwo košara šok pjšúe. 7Miydara šok ga ðëbo tjeng kës tworop bor kong ši, e twaga pjarë. 8Tjšõkwo šorop bor kong ši, e šoror ba kong šok pjir, ga kjrara šok. Miydara šok pjšú ga tja ter shrono bop shwoy dwayo. Tja ichaga pjarë ši, e jšõe miydara šok bakoe. 9Tja syõshtë nopga tworop bor kong ši kjîshko, epga bopoya kjîshko. Gueniyo tja syõshtë nopga pja miydë ðëm wšeniyo kjîshko ðëme. 10Nopga botoya šöng kës ši, e bopoya. Nopga bopoya šöng kës ši, e botoya bakoe. Ba kjîshko ga tja beno kësbang, tjwšõ ara. 11”Data, pja eröe. Tja shäng kjok ëre kjing go wšo ame. Tja to bop shwoy. Nopga tworop bor kong bop dbo go šira ber šöng kjok ëre kjing go. Eni ga epga dos yõtso bop dbo go, ber šöng kjšaraso wšeni wšo, shji kjšaraso sorë ga eni. 12Tja shäng ba tjok šok obishko ga epga wšikoror, doror dbo tworop bor kong ši go. Eni ga jeno kjšara döe. Weno shäng jer wšo ši e. Shäryono eni, tjšõkwo tak pjang bop tjšõkwo go ba kjîshko ši ber jšõkoyo wšo. 13”Eni tjok ga tja to bop shwoy iröng obi. Gueniyo tja shäng kjok ëre kjing go obishko ga ðëbo ëre šër shäng bop kong eni, epga ber šöng wopjšú jšõkoyo, botoya dik wšo. 14Bop tjšõkwo šoror ba kong šok. Epga, e nopga pja miydë ðëm wšeniyo dik ðëme. Tja eni ðëm bakoe. E kjîshko ga bor nopga îywa nopga pja miydë ðëm wšeniyorë šok shjiktëng. 15”Rokër bop kong ga bor nopga kjëp kjok ëre kjing go dwayo ðëme. Woydër ga wšikëp, ðëbo owa shärye Ärë ba kong ðëm wšo. 16Epga, e nopga pja miydë ðëm wšeniyo dik ðëme. Tja eni ðëm bakoe. 17Bop tjšõkwo, e beke. Eni ga bor nopga ios ber tjeng dboy bop kong, jëk ber šöng pjšo bek bop tjšõkwo bek ši go wšo. 18Epga ichër jek kjok ëre kjing go, tja ichorop ter shrono shäng kjok ëre kjing go sorë ga eni. 19Ba kjîshko ga tja opyono beno shäng dboy bop kong jšõkoyo, epga ber tjeng dboy bop kong jšõkoyo tjšõkwo bek ši go wšo. 20”Tja syõshtë ba kjîshko dö ðëme. Ðono ga tjšõkwo še šok obšë kong, ga kjong kjong mär ber šöng bor go eshko. Tja syõshtë ba kjîshko šok bakoe. 21Data, pja shäng bor tjok, ga tja shäng bop tjok bakoe. E kjîshko ga shji kjšaraso. Woydër ga epga ber šöng kjšaraso eni bakoe. Woydër ga šöng bi tjok, tja ichaga pjarë ši miyde nopga pja miydë ðëm wšeniyorë wšo. 22Epga ioror beno tjwšõ ara, tja iorop beno tjwšõ ara sorë ga eni, epga ber šöng kjšaraso wšo, shji kjšaraso sorë ga eni. 23Tja shäng ba tjok, ga pja shäng bor tjok. Woydër ga ber šöng kjšaraso jšõkoyo, tja ichaga pjarë ši miyde nopga pja miydë ðëm wšeniyorë wšo, bor nopga woydorop ara, tja woydorop sorë ga eni ši miyde šok eni bako wšo. 24”Data, kjok ëre shäryopdë ðëm obishko ga tja woydorop ara. E kjîshko ga tja iorop beno kësbang, tjwšõ ara. Woydër ga nopga tworop bor kong tjeng ši jem bor tjok, ber tjeng tja äär sök šishko wšo, tja iorop beno kësbang, tjwšõ ara ši îya šok wêšë wšo. 25”Data, pja pjšo beke. Pja miyde nopga kjok ëre so širë šöng ðëm, gueniyo tjara ommiydë, ga tja ichaga pjarë ši miyde bor nopgarë pjšúe. 26Pja sorë, e šoror ba kong, miyde šok wšo, ga šër shäng ba kong šok obi. Shäryër eni, epga ëng woydë ara kar kar wšo, tja woydëp sorë ga eni, tja ber shäng ba tjok šok wšo bakoe”

will be added

X\