Juan 12

1Israel tjëyoga döktong tek Egipto kjokyo dwayo dbaryo shrëkkšo ši, kjwe dbargwo tjer (6) obishko ga Jesús jek öötong shäng Betania kjokyo, Lázaro sök šishko. Dëna ga Lázaro wošono, ga woshrara Jesúsdë iröng obi. 2Öötong shäng eshko ga dši shäryaraba ba shrëkkšo. Ga dši ši pjšorgara Martarë nopga uunkong tjeng eshko ši kong, ga tjrëko Lázaro sök bebi. 3Eshko ga María poshtikkšo šõ pjšëbšë tjwšõ ara wšeniyo söno bayo eeje bapkwo kjwara kësbang tjung, ga tyara Jesús dre kjing go, ga dona ba käkzong go. Eshko ga u ši roshko beno šõ poshtikkšo šõ pjšëbšë ši eröe. 4Jesús oppinggaga tjeng ši tjrëko sök kjšara ko Judas Iscariote, Jesús soynega ši e. Ðëye shäryë eshko ši îya ga tjšê ga 5”¿Kjwe zãya kjweni ega? Soynena kjwe dburyo shaya bayo domer parkë dbargwo sak dbäw pjšogšo mya (300) ãska wšeni, oba song wšeniyo kjimtokšo wšo dey” še. 6Šara eni, oba song wšeniyo kjimte woydë kjîy ðëme. E iak beno shäng dbur bapkwo daga ba pjeyoga kong. Ošö ga dbur iak tjeng ba bapkwo roshko ši šûyotke, e šûgwang kjîshko. Šara eni e kjîshko. 7Kuya Jesúsdë ga tjšê ba kong ga “¡Wêyê! Poshtikkšo kjwe beno bor kong, tja iëba sakshkoshko ga bor doyo ëre beno poshtik pjir tjän wšo. 8Oba song wšeniyo, e šöng bomi tjok îyado, gueniyo tjara shäng bomi tjok îyado ðëme” še. 9Eshko ga Jesús öötong shäng Betania kjokyo ši roy miydara judíoga ararë, ga shrono šöng ba îk. Shrono šöng Lázaro îk bakoe. Wošono, ga woshrara Jesúsdë iröng obi ši e. 10Lázaro kjîshko ga judíoga ara mär beno šöng Jesús go. E kjîshko ga syõshtaga kägäyoga wotjšîk šok ga “Lázaro ëmdë ga zröy bakoe” še šok ëng kong eni. No fue grabado 12Wêshko ga Jesús opshino jek Betania kjokyo dwayo jongya Jerusalén kjokyo. Roy miydara nopga öötong šöng eshko dbar shrëk širë. 13Eni ga mek korga kjrara, söra šok jek ba tjok, ga to jongya ba wšokjrë. Ga tjšê šok dbo go ga “Kjwe pjšú jšõe. Ichara Tjšapgarë shrono kjok ëreshko. Kjwe kjimte Sbörë. Kjwe Israel tjëyo pjšuyo. Kjwe kjimte Sbörë” 14E bäm go ga öng so kwomgša kjoyo dre töshko ðgwokšë wšeniyo wšêna Jesúsdë kjšara, ga opyono sök ba kjing go, tak pjang Sbö tjšõkwo go sorë ši eni. Tjšêno beno eni: še. 15”Sión sopga, ðëye bangkjrëmi ðëme. ¡Îzîa! Bomi pjšuyo, e tek sök döröe. Tjwe sirkeno sök öng so kwomgša kjoyo dre töshko ðgwokšë wšeniyo kjing go.” 16Eshko dbaryo ga ðëbo shäryono ši, e ðë šokšo miyde Jesús oppinggaga tjeng širë šöng ðëme. Gueniyo Jesús briktong to jem kjok dogo irgo ga ðëbo shäryono Jesús kong ëre, e tak beno pjang Sbö tjšõkwo go ba kjîshko tek dëna tjän ši miyde šok kjwšë jã. 17Shinmo Lázaro buk sakshko obishko ga Jesús öör shäng eshko, rokara tek ey dwayo, ga woshrara iröng obi. Ga Jesús opzrëk jek Jerusalén kjokyo roshkoshko ga nopga öör šöng ba tjok sakshko kjupäbäshko ši, e jek šöng ba irgo eshko, roy še šöng oba kong. 18Roy kura nopga šöng eshko širë, ga opshino tek šok ara ba wšokjrë. 19Eshko ga îya fariseogarë šok ga tjšê šok ëng kong ga “¿Îmi ga sorë? Shji zanae. Nopga tjeng kës kjwe to jek ba shwo šëkong drete” še. 20Nopga öötong šöng eshko dbar shrëk ši tjrëko, Grecia sopga šöng kjšöbö bakoe. 21Domer shäng kjšara eshko obi ko Felipe, e Betsaida so. Grecia sopga ši tjšê šok ba kong ga “Tjšapga, tjawa šan woydë Jesús tjok” še. 22Kuya ga jek shäng Andrés shwoy, ga šara ba kong. E irgo ga jek öötong šöng ba šë Jesús kong. 23Kuya Jesúsdë ga tjšê ba kong šok ga “No to ter kjok dogo dwayo ëre ber kësbang, tjwšõ ara nopga uunkong bokshto ši, e dbaryo öötonge. 24Šër bomi kong jšõkoyo ga dwša ðë botjyë ber ara wšo ga šon jer kšung kjing go, ga kjer guing. Enira dwša wen ara obi, ðëm ga ðëye wen ðëme. 25Ëye wotjšîk opdë om go, zrökoba bor kjîshko ðëm wšo še ga äär kjok dogo ðëme. Gueniyo ëye wotjšîk ara ber sök së kjok ëre kjing go wšo ðëm ga era ber sök së îyado Sbö tjok. 26Ëye parkë woydë bor kong še ga woydër ga jëk šöng bor tjok îyado, tja äär sök kjone ga e äär šöng eshko bakoe. Ga ëye parkë bor kong ga ie bor Datarë ber šöng tjwšõ ara. 27”Eeri ga tja ëre wosonge. Ðëye shäryër miydër ðëme. Tja shrono shäng na, ðëye wen tjwe bor kong ši wen bor kong wšo. E kjîshko ga “Data, tja kjimtos, tja dös ðëye wen tjwe bor kong šishko dwayo” šër ga äe” še. 28E irgo ga tjšê obi ga “Data, pja ko ios ber kësbang, tjwšõ ara” še. Eshko ga ybö kuraba ter kjok dogo dwayo. Tjšê ga “Bor ko ioror beno kësbang, tjwšõ ara tjän. Ga shäryër jek obi” še. 29Kuya nopga šöng širë ga kjone kjone tjšê ga “E kjrik” še, kjone kjone obi tjšê ga “E Sbö parkaga kjok dogo so ši tjšêkdo ba kong” še. 30Eni ga Jesús tjšê ba kong šok ga “Ybö kuroy ši tjšêno beno bor kong ðëm, beno bomi kong. 31Nopga Sbö miydë ðëm wšeniyo ðgwezšong dbaryo ši öötonge. Kjok ëre ichaga ši, e kjozšong kjok ëre kjing go dbaryo ši öötong bakoe. 32Tjara poyonaba kjok ëre kjing go dwayo jem pjang kjomoshko ga nopga uunkong iër tek šöng bor shwoy” še. 33Šara eni, e wošon sorë ši šokšo. 34Eshko ga nopga šöng ši tjšê ba kong ga “No pjšuyo iche še Sbörë ši ber sök së îyado, tak pjang kjok ðgwekkšo tara Moisésdë ši go eni. Ga pja tjšê ga no to ter kjok dogo dwayo ši pja. ¿Eni ga pja poyongoba pjang kjomo kjšuwe šëp sorë? ¿No to ter kjok dogo dwayo ši pja šëp shäng ši ðë šokšo?” 35”Iök shjiy ëre ber shäng bomi tjrëko dbar kjwöbö obi döe. E wopro ga pjãy jëk šöng bor go, pjãy wšêna shkërëshko ga pjãy sabyë ðëm wšo. Ëye jëk shäng kjok ro sî roy ga jongya kjone miyde ðëme. 36Eni ga iök shjiy ëre shäng obishko ga pjãy mär ber šöng bor go, pjãy opyë ber šöng so tja kjoyo wšo” "še ba kong. Tjšêno ba kong pjirshko ga opshino to eshko dwayo, ga opjnenoe. 37Ðëbo îydëba ðëm wšeniyo shäryara Jesúsdë kës ëre nopga ši bokshto. Eni ëmdë ga mär woydë ba go ðëm obi. 38Shäryono eni, tjšõkwo tara Sbö tjšõkwo šaga tek dënashko so Isaíasdë ši ber jšõkoyo wšo. Jesús dbo kãšã îna, ga tjšêno ba kjîshko. Tjšêno beno eni:" “Tjšapga, ¿borwa tjšõkwo kjraga ëro? ¿Bop dbo ara ši îga ëro?” Tjšêno beno obi eni: “Epga iara Tjšapgarë beno šöng kjok îgö ðëm wšeni, iara beno šöng ðëye kuya woydë ðëm bakoe. Shäryara eni, ðëye îya šok ba bokkwo go ðëm wšo, ðëye kuya šok ðëm wšo, optwë ber šöng bor kong ðëm wšo, epga dör ðëm wšo.” Epga mär ber šöng ba go ga ä e kjîshko. 42Eni ëmdë ga judíoga ara mär šöng ba go, ba ichagaga kjone kjone bakoe. Gueniyo bangkjre šok ga iche fariseogarë opzrëk judíoga syõ uyo roshko ame. E kjîshko ga ðëye šara šok ë kong ðëme. 43Woydara šok ga ber šöng pjšú oba bokso. Ba kong ga e tjwšõ ara, ber šöng pjšo bek Sbö bokso ši kjinmo. 44Eshko ga Jesús tjšêno nopga kong dbo go. Tjšê ga “Ëye mär bor go ga mär bor go dö ðëme. E mär bor ichaga go bakoe. 45Ga tja îyashko ga bor ichaga îya bakoe. 46Tja shrono shäng kjok ëre kjing go iök shjiy wšeni, nopga mär bor go ši ber šöng kjok ro sî roy wšeni ame wšo. 47”Tja shrono shäng nopga kjok ëre so ši ðgwega ðëm, tja shrono shäng ba döga. E kjîshko ga ëye bor tjšõkwo kuno, gueniyo kjrara ðëm ga e ðgwega tjarë ðëm, 48e ðgwega obšërë. Kjok pjir dbaryo šishko ga e ðgwega Sbörë, ga shdûya, bor tjšõkwo kjrara ðëm kjîshko, tja wšokjrara ðëm kjîshko bakoe. 49Tjšõkwo ši šoror bor woshko ðëme. Ðëye šoror ši, šoror sorë ši, e šaga Data Sbö, bor ichaga širë bor kong, 50ga šoror eni. Miydër ga ba tjšõkwo kjragaga ši ie ber šöng së îyado ba tjok. Šoror eni e kjîshko”

will be added

X\