Juan 1

1Shäng kjšara ko Tjšõkwo. Kjok ëre dämär, ðëye ðëm obishko ga e sök tjän. E sök Sbö tjok, ga e Sbö. 2Ðëye ðëm obishko ga e sök Sbö tjok. 3Ba go ga ðëbo tjeng kës ëre shäryara Sbörë Ðëbo tjeng kës îy šöng ëre, e shäryara ba go. 4Ðëbo tjeng së kës ëre, e šaga erë. Shji uunkong ber šöng së tjagšën wšeni, e šaga erë bakoe. Shji kong kjok miydë twaga ši e, e bi kong ga iök jong shjiy wšeni. 5Kjok ro sî šishko ga iök ši jong shjiy îyado, e sjëya kjok ro sî širë ga äe. 6Eebor ga domer weno shäng kjšara ko Juan, e ichaga Sbörë. 7Ichara Iök Shjiy ši roy šë oba kong, nopga uunkong mär ber šöng ba go wšo. 8Juan, e Iök Shjiy ši ðëme. E shrono shäng Iök Shjiy ši roy šaga eröe. 9Iök Shjiy jšõkoyo ši, shji uunkong ber šöng kjok miydë ara ši šaga erë, ga eshko ga tjwe döröe. 10Eshkoshko ga sök kjok ëre kjing go, ga kjok ëre shäryara kës ëmdë ga e ë miydaraba ðëme. 11Öör shäng kjok baîya šishko, gueniyo wšokjrara ba tjëyogarë ðëme. 12Gueniyo no kjong kjongda omwšokjrono, ga beno šöng mär ba go. Epga iara beno šöng Sbö wapga. 13E weno beno Sbö wapga, shji nopga wen kjok ëre kjing go dik ðëme. E šaga domerdë ðëm, e šaga Sbörë. 14Ga Tjšõkwo ši, e weno beno no, ga beno sök shji nopga tjok. E Data Sbö Wa kjšaraso, e Sbö bakoe. E kjîshko ga e dbo ara, ga ba dbo kãšã înoy wêšëe. E go ga Sbö wopjšú ši, Sbö tjšõkwo bek ši, e shrono beno sök bi tjok, îy, kuy wšo. 15Juan tjšêno ba kjîshko, tjšê ga “Kjupäshko ga tja tjšêno bomi kong ga “No tjwe bor irgo kjšara. Gueniyo tja ðëm obishko ga sök tjän. E kjîshko ga tjwšõ ara bor kjinmo” šoror eni. Ga šoror ši shäng kjwe” še. 16Ba wopjšú ara ši kjîshko ga shji uunkong kjimte îyado. 17Dënashko ga kjok ðgwekkšo twara Sbörë Moisés kong, še bi kong wšo. E goshko ga e ðë miydoroye. Ga Sbö wopjšú ši sorë, Sbö tjšõkwo bek ši ðë, era miydoroy Jesucristo go. 18Sbö, e îga ërë ðëme. Gueniyo ba Wa kjšaraso ši, e Sbö bakoe. Data Sbö miyde sök owa ðëm, ga e sorë šaga erë bi kong. 19Pjšara ga syõshtagaga Sbö kong, ba kjimtagaga Leví tjëyoga, e ichara judío tjšapgaga kjok ðgwega wšeniyo šöng Jerusalén kjokyo širë tjšê Juan kong ga “¿No pjšuyo ichara Sbörë shrono shäng ši, e pjare?” “Tja ðëme” še ba kong wêšëe. 21Ga kjakrokara šok jek obi ga “¿Eni ga pja ë? ¿Pja Elías tjwaydere?” “Ðëme” še ba kong. Ga kjakrokara šok jek obi ga “¿Sbö tjšõkwo šaga tjwe šëba ši pjare?” “Ðëme” še ba kong. 22Eni ga tjšê šok ba kong ga “Eni ga pja ë šos borwa kong om go, roy sörwa borwa ichagaga kong wšo” še. 23Kuya ga tjšê ba kong šok ga “Kjibokwo tara Sbö tjšõkwo šaga tek dënashko so Isaíasdë. Tjšêno beno eni: ““Kjok dogro no ðëmshko ga ëbo tjšê shäng dbo go ga ‘Irbo shäryozî ber bek Tjšapga tjwe ši kong’ še.” Ëbo tjšê shäng dbo go šara ši, e tja šayde” še. 24Fariseoga šöng eshko kjšöbö. 25Kuya šok ga tjšê ba kong ga “Pja no pjšuyo ichara Sbörë shrono shäng ši ðëm, pja Elías ðëm, pja Sbö tjšõkwo šaga tjwe šëba ši ðëm bakoe šëp shäng eni. ¿Eni ga pja no wë ega?” 26”Nopga wër shäng di goshko. Gueniyo bomi tjrëko shäng kjšara, era ë miydëmi šöng ðëme. 27No tjwe bor irgo kjšara ši e. Bek wšo ga tja ba drepkwota dök wšo ðëm, e tjwšõ ara bor kjinmo anmoyõ kjîshko” " še ba kong. 28Ðëbo shäryono kës eni ši, e shäryono Betania kjokyo, Jordán diyo kjwo kašëkong, no we jer shäng di roshko šishko. 29Wêshko ga Jesús îya Juandë tek shäng tjwayde ba shwoy ga tjšê ga " “¡Îzîa! Öng Wšêp Ushko So Ðgwokšë ichara Sbörë ši shäng kjwe. Shji öng ushko so zrök, owa pjang bi go ši šòya Sbörë ber dret wšo. Domer kjwe öng ushko so eniyo wšeni, owa pjang bi go ši šòya Sbörë ber dret wšo, shji nopga šöng kjok ëre kjing go kës ši kong. 30Kjupäshko ga tja tjšêno bomi kong ga “No tjwe bor irgo kjšara. Gueniyo tja ðëm obishko ga e sök tjän. E kjîshko ga tjwšõ ara bor kjinmo” šoror eni. Ga šoror ši shäng kjwe. 31Tja shrono shäng no wë di goshko, e ë miyde Israel tjëyogarë wšo, gueniyo tja ëmdë ga ommiydono ðëme” še. 32Ga Juan tjšê jek obi ga “E ë miydër shäng ðëm obishko ga bor ichaga no wë di goshko ši tjšêno bor kong ga “Sbö Sëya to ter kjok dogo dwayo so dunggwo kjoyo, ga opyë ber sök ë kjing go ši, era nopga go Sbö Sëya iche tjwe ber kësbang ba tjok” šara bor kong eni. E irgo ga tja omîno ga Sbö Sëya to ter kjok dogo dwayo so dunggwo kjoyo, ga opyono beno sök ba go. 34Tjara omîno eni, ga šër bomi kong ga e Sbö Wa jšõe” še. 35Wêshko ga Juan shäng eshko obi, ba oppinggaga do pjök tjok. 36Jesús îya shäng ga tjšê ga “¡Îzîa! Öng Wšêp Usho So Ðgwokšë ichara Sbörë ši shäng kjwe” še. 37Kuya Juan oppinggaga širë ga to jek šok Jesús irgo. 38Îya Jesúsdë iröng ga tjšê ba kong šok ga “¿Ðëye woydëmiro?” “Tjšapga no pingga, ¿pja pë buk kjone?” še ba kong. 39Kuya ga tjšê ba kong ga “Pjãy tek bor tjok, îmi wšo” še. Ga to jek šok ba tjok, öötong šöng u jong kjone sök šishko. Dšo töy kuzong ga beno šöng ba tjok eshko äär jong shkë go. 40Kjšara jûni ko Andrés, e Simón Pedro šëng. 41Andrés opshino eshko dwayoshko ga jek öötong shäng ba shjiy ši shwoy ga tjšê ba kong ga “¡Mesías ši, e wšênorwae!” še ba kong. (Mesías, e no pjšuyo iche še Sbörë ši šokšo). 42Eshko ga ba shjiy ši söra jek Jesús shwoy. Îya Jesúsdë ga tjšê ba kong ga “Pja ko Simón. Pja data ko Juan. Gueniyo pja kowëba ber Cefas shara” še. (Cefas, e Pedro šokšo.) 43Wêshko ga Jesús jek jongya Galilea kjokyo še. Jek jëk shängshko ga domer wšêna shäng kjšara ko Felipe, e Betsaida so, Pedro, Andrés, e kjokyo. Felipe îya ga tjšê ba kong ga “Pja tek bor tjok, pja pin wšo” še. 45Kuya ga jek öötong shäng domer obšë ko Natanael shwoy ga tjšê ba kong ga “Tjšõkwo tara Moisésdë kjok ðgwekkšo go, ëbo tjwe kjšara ðono ši kjîshko. Sbö tjšõkwo šagaga šöng ši omtono ba kjîshko bakoe. Domer šara šok ši înorwa. E ko Jesús, e Nazaret so, José wa” še. 46Kuya ga tjšê ba kong ga “¿Nazaret kjokyo šëpdo? ¿Ðëbo pjšú wen eshko šaga ëro?” “Kjweri shji to îk” še ba kong. 47Eshko ga jek öötong šöng Jesús shäng šishko. Natanael îya Jesúsdë ga tjšê ba kong ga “Domer tek shäng kjwe, e Israel tjëyo jšõkoyo, tjšõkwo še ga jšõkoyo, jyõrkë ðëm wšeniyo” še. 48Kuya ga tjšê ba kong ga “¿Tja no eniyo miydëp sorë?” “Pja rokayde Feliperë ðëm obishko ga pja înor sök kjor jong kjšara ko higuera ši dirko” še ba kong. 49Kuya ga tjšê ba kong ga “Tjšapga no pingga, Sbö Wa ši pja, Israel tjëyo pjšuyo ši pja bakoe” še. 50Kuya ga tjšê ba kong ga “Tja tjšêno bop kong ga “Pja înor sök kjor jong kjšara ko higuera ši dirko” šoror eni. Tja tjšõkwo kjrorop e kjîshko. Ga ðëbo îp kësbang, înop kjwe kjinmo” še. 51Ga tjšê ba kong obi ga “Šër bop kong jšõkoyo ga ðono ga îp ga kjok dogo roshwing, ga Sbö parkagaga kjok dogo so jem šöng, ter šöng no to ter kjok dogo dwayo ëre go”

will be added

X\