Hebreos 6

1Bäm go ga tjšõkwo šaraba bomi kong ara. Cristo tjšõkwo wêšë ši šaraba bomi kong. Ðëbo owa shäryëy šöng ši, e rayëy sorë, shji wošon ðëm wšo, e šaraba bomi kong. Shji mär Sbö go sorë, e šaraba bomi kong. Shji wë sorë, e šaraba bomi kong. Shji orkwo ië ëng kjing go sorë, e šaraba bomi kong. Nopga wošono šöng ši woshrë iröng obi sorë, e šaraba bomi kong. Ðono ga nopga shdûya Sbörë îyado wšo sorë, e šaraba bomi kong bakoe. Tjšõkwo uunkong ëre šaraba bomi kong pjir tjän. Gueniyo woyde ga e šanyotkëy ame, shji opping tjšõkwo kjang ši go dey, nopga wotjšîk këkboga dik wšeni. 3Woyde Sbörë wšeni ga shäryëy eni. 4Ëye tjšõkwo ši kjrono, ga rayara ga rokëy iröng obi ber šöng Sbö tjok ga äe. Ðëbo owa shärye šöng ši, e owa jšõe še ame, ga raye ame bakoe. Ðëbo twara Sbörë ba kong ši kjrara šok tjän. Epga ëng dowšêno Sbö Sëya tjok. Miydara šok pjir tjän ga Sbö tjšõkwo, e pjšúe. Sbö Wa tjwe iröng obi dbo ara go sorë, e miydara šok pjir bakoe. Eni ga Sbö Wa ši rayarashko ga e zröra šok šök pjang kjšös go jek obi wšeni, ga iara šok beno shäng joywëba wšo bakoe. 7Kjok buk kjrina. Shunyo shrë ba kjing goshko ga di ši shura kšung sho širë, ga dwša botjyono pjšú, nopga parkë šöng eshko ši kongshko ga Sbö ber wopjšú kjok ši tjok. 8Gueniyo e wen shkö sho, kjšo sho obšë obšë ðëno ðëm wšeniyo ga Sbö ber wopjšú ba tjok ðëme. Ðono ga e sukoba pjire. 9Pjeyoga, tjawa šan bomi tjok eni ëmdë ga miydërwa ga pjãy opshäryë owa eni ðëme. Ëye döktong ga woyde ga ðëbo shärye pjšúe. Ga miydërwa ga pjãy omshäryë eni. 10Sbö woydëmi ara kjîshko ga ba nopga kjimtoromi ara, ga shäryëmi šöng eni obi. Sbö wotjšîk bek îyado, ga ðëbo shäryëmi šöng ši woyojeya ðëme. 11Woydërwa ga pjãy omshäryë eni jšõkoyo, äär jong ðëbo koshëmi šöng ši shäryono pjir guing. 12Woydërwa ga pjãy opyë šöng shmi jong wšeni ðëme. Ëye kwšeya mär Sbö go ðëm ga ðëbo twe Sbörë ba nopga kong šara ši kjre šok jšõkoyo. Woydërwa ga pjãy omshäryë eni bakoe. 13Ëye tjwšõ ara Sbö kjinmo ðëme. E kjîshko ga Sbö tjšêno Abraham kong jšõkoyo dënashko ga tjšõkwo ši šara ba ko om go ši go. 14Eshko ga tjšê ga “Pja kjimtër ara. Bop tjëyo tek ber bop irgo ši iër ber shdär träk ðëme” še. 15Kuya ga beno shäng ba koshë wopjšú, ga ðëye šara ši kjrara beno ba kong. 16Nopga tjšõkwo šë obšë kong jšõkoyoshko ga tjšõkwo še obšë tjwšõ ara ba kjinmo ši ko goshko, ber ba miydaga wšo. Shäryara eni ga jšõe šëba. 17Eni ga Sbö tjšêno jšõkoyoshko ga woydara ga miydëba ga tjšõkwo ši shärye jšõkoyo, ga kjšopswe ðëme. E kjîshko ga tjšõkwo ši šara ba ko om go ši go. 18Sbö jyõrkë ðëme. Ðëye še jšõkoyo ši, e shärye kjšuwe. Ðëye še ba ko go ši, e shärye kjšuwe bakoe. Ga shji töktong ba shwoy, ga rokoroy ba kong ga shji döya. Eni ga miydëy ga ðëye šara ši shärye eni kuzong ga shji beno šöng wopjšúe. 19Eni ga miydëy pjšú ga ðëye koshëy šöng ši, e shäryë eni. E kjîshko ga shji wotjšîk obšë obšë ðëm, shji wotjšîk ber šöng kjrinaso eröe. Shji mär ber šöng Jesús go. E öötong sök Sbö bokshto kjok dogo bi bäm go, ga beno shäng syõshtaga kësbangyo îyado bi kjîshko, Melquisedec dik.

will be added

X\