Hebreos 13

1Pjãy ëng woydos ara kar kar, epenga dö wšeni îyado. 2Nopga miydëmi ðëm wšeniyo äär bomi shwoyshko ga wšokjrozî šöng wopjšúe. No kjone kjone omshäryono Sbö parkagaga kjok dogo so kong eni, miydara šok ðëm gueniyo. 3Nopga šöng kjërshko ši woyoshrozî, pjãy šöng ba tjok eshko wšeni. Nopga shdungoba šöng ši woyoshrozî, pjãy shdungoba šöng ba tjok wšeni. 4Pjãy orkwosmok šöng pjir, tjšõkwo šoromi ëng kong jšõkoyo ši bangkjrozîa. Pjãy pë bomi šanma, bomi boy tjok eröe. Ëye pë no orkwosmono ba tjok ðëm ši tjok ga shdûya Sbörë. 5Sbö tjšêno bi kong ga “Pjãy rayër ðëm, pjãy kjimtër îyado” še. E kjîshko ga shji dbur woydë ara ðëm, pjãy wopjšú tjeng ši tjok dey. 6Eni ga shji tjšê ga “Tjšapga, e bor kjimtaga. E kjîshko ga ðëye shärye nopgarë bor kong ši, e bangkjrër ðëme” šëy eni. 7Sbö tjšõkwo roy šara bomi kägäyogarë bomi kong. E kjîshko ga epga woyoshrozîa. Epga jëktong šöng mär Sbö go sorë ši, e woyotjšîzî, ga pjãy omshäryos eni bakoe. 8Jesucristo, e dënashko sorë ga eerishko ga eni, ga ber eni îyado. 9E kjîshko ga tjšõkwo obšë šëba bomi kongshko ga jšõ šëmi ðëme. Shji dbo ara wšo ga woyde ga shji mär Sbö wopjšú ši go, shji mär kjok ðgwekkšo, shji iche dši obšë obšë uë ðëm ši go ðëme. Era ðëno ðëme. 10Syõshtagaga Sbö kong ba pjeyoga kjîshko parkë šöng Sbö u jong ši, öng zröya, sho suya Sbö kongshko ga sjëngna ši ue šok ga pjšúe. Jesús, e bi kong öng zröraba, sho suraba Sbö kong wšeni, gueniyo e ber syõshtagaga ši kong ðëme. 11Syõshtaga kësbangyo opzrëk jek shto zrek anmoyõ roshkoshko ga öng zröra ši srëng söya jek ba tjok, ðëbo owa shäryara nopgarë ši potjwšêkkšo, gueniyo öng doyo beno tjeng ši sökoba pjola, sukoba u ðëmshko. 12Eni wšeni ga Jesús, e söraba jek kjok eshko ši kjoko shwo šëkong, ga shdunaba, zröraba u ðëmshko bako, nopga ie ber šöng pjšo bek Sbö bokso ba srëng go wšo. 13Ëye wošono eni ga šökyo ara šëba. Woyde ga shji to jek ba shwoy, shji šãywëba owa e kjîshko gueniyo. 14Kjok ëre kjing go ga shji kjok buk îyado wšo drete. Gueniyo shji šöng kjok eniyo tjwe ši koshë. 15E kjîshko ga shji kjimtaga ber Jesúsdë, Sbö poshrëy îyado wšo, shji mär Cristo go šëy îyado wšo bakoe. E ba kong ga öng zröroy, sho suroy, pjono dret ba poshrëkkšo wšeni. 16Gueniyo ðëbo pjšú shäryozî îyado, obšë kjimtozî bomi ðëbo ši go îyado bakoe. Shäryoroy eni ši, e Sbö kong ga öng zröroy, sho suroy, pjono dret ba poshrëkkšo wšeni. 17Sbö tjšõkwo kjraga kägäyoga, e košozîa. Epga iara Sbörë beno šöng bomi daga, ga ðono ga iche ba dboryë, ðëbo shäryara kës ši kjîshko. Epga košozî, ba pak ši shärye šok wopjšú wšo. Eni ðëm ga ba pak ši ber kjang ba kong, ga era ber pjšú bomi kong ðëme. 18Pjãy syõshtos Sbö kong borwa kjîshko. Miydërwa pjšú ga tjawa opshäryë šöng pjšo bek Sbö bokso šërwa eni borwa pjšúshko, ga tjawa drön ara, ðëbo pjšú miydërwa ši shäryërwa eni îyado wšo. 19Rokër bomi kong ga pjãy syõshtos Sbö kong, tja kjimte jek bomi îk wop ä iröng obi wšo. 20Bi Tjšapga Jesucristo wošonoshko ga woshrara Sbörë iröng obi, ga ba srëng kwona ši go ga tjšõkwo shäryara kjrina, ber îyado wšo. Öng wšêp ushko so daga kësbang ši e. Shji iaga ber šöng wšêp ši e bakoe. Eni ga rokër ba kong ga 21ðëbo twe bomi kong uunkong, ðëye woyde ga shäryëmi wšo ši shäryëmi ga pjšú wšo. Rokër ba kong obi ga Jesucristo kjîshko ga ðëye shärye woydë borwa tjok ši, e shärye eni. Jesucristo, e poshrëy, iëy ber kësbang, tjwšõ ara îyado wšo. Ber eni. 22Pjeyoga, kjibokwo toror bomi kong ëre, pjãy dbokjrë e go wšo, ga kjibokwo ëre tjšõkwoyo ara ðëme. Eni ga rokër bomi kong ga tjšõkwo kjrozîa. 23Bi kjšara Timoteo, e döktong kjërshko dwayo tjän. Šër bomi kong miydëmi wšo. Tjwe iröng mašing ga sör jek bor tjok bomi îk. 24”¿Yonde?” šëmi bomi kägäyoga kong. “¿Yonde?” šëmi Sbö nopga uunkong kong bakoe. “¿Pjãy yonde?” še Italia sopga širë bomi kong. 25Rokër Sbö kong ga ba wopjšú ši kjîshko ga pjãy kjimte ara.

will be added

X\