Hebreos 12

1Epga mär Sbö go kjîshko ga pak twara ba kong ši shäryara šok pjire. Shji opping mär Sbö go ba kjîshko ga pjšúe. E kjîshko ga pak twara bi kong ši shäryëy äär jong ba dbo go, shji sjen ðëme. Ðëbo šok bi go kwing ara, bi senggšo wšeni ši döy, ga rayëy. Ðëbo owa, shji iche jëk pjšú ðëm ši rayëy bakoe. 2Jesús woyotjšîydë eröe. Bi iaga ber šöng mär Sbö go ši e, ga shji mär ber šöng ba go îyado ba kjîshko bakoe. Šök pjang kjšös goshko ga kura kjinge. Wošon eni ši šökyo ara ëmdë ga šökyotkara ðëme. Ðono ga ber shäng wopjšú sorë ši woyotjšîyde pjang eröe. E irgo ga öötong sirkeno sök Sbö tjok, ba orkwo këšëkong. 3Ðëbo shäryara nopga owarë ba kong ara ga kura kjinge. Eni ga e woyotjšîzî îyado, pjãy sjen ðëm wšo, pjãy wosonkë ðëm wšo bakoe. 4Pjãy drön šöng ara, pjãy opkjë ðëbo owa šishko dwayo wšo, gueniyo pjãy zröydëba e kjîshko ðëm obi. 5Gueniyo tjšõkwo šara Sbörë beno ba wapga kong kjrina. E woyojeromi tjän. Tjšêno beno eni: “Pja bor wa. Ëye woyde Tjšapgarë ara ga ðgweya, opping wšo. Ëye kjrara beno ba wa wšeni ga shdûya. E kjîshko ga pja ðgweyashko ga ios ber tjwšõ ara, pja opping wšo. Pja wšõyashko ga pja wosonkë ðëme.” 7Wapga uunkong ðgweya ba datarë, opping wšo. Eni ga ðëbo wen bomi kong owashko ga miydozî ga pjãy ðgweya Sbörë shäng, pjãy opping wšo. Shärye bomi kong eni, pjãy ba wapga kjîshko. 8Ba wapga ðgweya uunkong. Eni ga pjãy ðgweya ðëm wšeni ga pjãy ba wapga jšõkoyo ðëme. 9Bi dataga šöng kjok ëre kjing go ši, shji ðgweya, ga bangkjrëy e kjîshko. Eni ga shji ðgweya bi Data, bi iaga beno šöng së jšõkoyo širëshko ga woyde ga košëy. 10Shji ðgwera bi dataga šöng kjok ëre kjing go širë dbar kjwöbö, woydara ga ber pjšú bi kong kjîshko. Gueniyo shji ðgweya Sbörëshko ga era pjšú bi kong îyado, shji äär ber šöng pjšo bek baîya dik wšo. 11Shji ðgwekobashko ga shji šöng wopjšú ðëm, shji šöng woowa. Gueniyo shji oppino e go wšeni ga shji ie ber šöng jëk pjšo bek, wšêp bakoe. 12E kjîshko ga pjãy opyos wokjang, pjãy so no jëk ga dre dbo ðëm, kjrëk kjrëk erä ši kjoyo ðëm wšo. 13Pjãy wotjšîk jëk pjšo bek erä, nopga mär Sbö go jšõkoyo ðëm ši opping jëk pjšo bek wšo, e raye ðëm wšo. 14Pjãy drön ëë, pjãy ber šöng wšêp nopga uunkong tjok wšo. Pjãy jëk pjšo bek erä. Ðëm ga Tjšapga îmi ðëme. 15Sbö wopjšú ši wšokjrozî pjãy uunkongdë, rayëmi ðëme. Pjãy kjšara wotjšîk owa wšeni ga nopga ara iche wotjšîk owa eni bako ga pjšúe. Pjãy sjëk, e shäryë eni ðëm wšo. 16Shji orkwosmono ë tjok ðëm ga shji pë ba tjok ðëme. Sbö bangkjrozîa. Shji opshäryë Esaú dik ðëm bakoe. Dënashko ga Sbö bangkjrara ðëm kuzong ga ba wa këguëyo shtoyo ši soynena dši kjrina kjîshko. 17Miydëmi pjšú ga e irgo ga woydara ga ba data tjšê ber pjšú ba kong, gueniyo jšõ šara ðëme. Sšatong ara ëmdë ga ðëye shäryara ši kjšopswe obi ga äe. 18Pjãy öötong šöng Sbö shwoy, Israel tjëyoga dik ðëme. Epga öötong šöng dšup jong kjwara šishko. Dšup ši porwako ðëm, pjë jong ri ri bakoe. Eshko ga kjok ro yêt, pjšuk ara bakoe. 19Wši pjšukyo kura šok. Eshko ga Sbö tjšê ba kong šok ga “Ëye dšup jong ëre porwono ga e zrökko jekdo ak go, öng ðë ëmdë ga omporwono ga e zrökko eni bakoe” še. Kuya šok ga bangkjrara šok ara, tjšõkwo beno ba kong kjang anmoyõ kjîshko. E kjîshko ga kjšoshtono šok ara, ðëye še ba kong ame wšo. 21Moisés ëmdë ga ðëye îna ši bangkjrara ara bakoe. Tjšê ga “Bangkjrër shäng dete erä” še. 22Gueniyo kjok buk kjrina kjok dogo ko Jerusalén, e buk Sión dšupyo jong eshko ši go. Kjok ëre, e Sbö Sök Îyado ši î. Eshko ga ba parkagaga kjok dogo so töno šöng träk ðëm, wopjšúe. Pjãyda öötong šöng kjok eshko wšeni. 23Jesús tjšõkwo kjragaga woyde Sbörë ara wšeniyo šöng eshko uunkong, ko tak šok kjok dogo ši epga. Ga pjãy töno beno tjeng ba tjok šok eshko Sbö bokshto wšeni. Nopga uunkong ðgwega ši e. Nopga jëktong šöng pjšo bek dënashko ši iara Sbörë beno pjšo bek ba bokso, ga ba sëya ši šöng eshko. Ga pjãy töno beno tjeng ba tjok wšeni. 24Pjãy öötong šöng Jesús shwoy wšeni bakoe. Tjšõkwo tjagšën shäryaga ši e. Ba srëng kwona ši kjroromi, owa pjang bomi go ši šòya Sbörë ber dret e kjîshko wšo. Srëng ëre tjwšõ ara, Abel î ši kjinmo. 25Pjãy sjëke. Sbö tjšê bomi kongshko ga kuzî yõtso. Dënashko ga tjšêno Israel tjëyoga kong kjok ëre kjing go dwayoshko ga kura šok ðëm kuzong ga epga shduna. Eni ga tjšê bi kong kjok dogo dwayoshko ga kuy ðëm wšeni ga jšõkoyo ga shji shdûya bakoe. 26Tjšêno dënashkoshko ga kšung iano jek dete erä. Gueniyo eerishko ga tjšê bi kong jšõkoyo ga “Ðono ga kšung iër ian jek obi, kjopkwo iër ian eni bakoe” še. 27Miydëy e go ga kjok shäryara kës ši, e kje eshko, gueniyo ðëbo wir ðëm ši, era ber îyadoe. 28Sbö sök no pjšuyo îyado kjokyo ši, e wir ðëme. Ga ðono ga shji äär ber šöng eshko îyado wšo. E kjîshko ga shji wopjšú ba tjok dey, ga woyde ga poshrëy, bangkjrëy, woyde sorë ši eni. 29”Bi Sbö, e iök kjok pjikkšo wšeni.”

will be added

X\