Gálatas 6

1Pjeyoga, pjãy mär šöng Sbö Sëya go. Eni ga pjãy kjšara ðëbo owa shäryono ga poshdûzî yõtso. Gueniyo pjãy sjëk, pjãy dir baîya dik ðëm wšo. 2Pjãy kjšara îmi ga song ga kjimtozîa. Eni ga pjãy pina Cristorë sorë ga shäryëmi šöng eni. 3Ëye tja tjwšõ ara, obšë kjinmo še, tjwšõ ara ðëm ëmdë ga opjyãpgwë shäng om go. 4Pjãy ðëbo shäryono pjšúre, de oware, pjãy kjšara kjšara opmiydos om go. Shäryoromi pjšú ga pjãy ber wopjšú ga pjšúe. Gueniyo shäryoromi pjšú, obšë kjinmo šëmi ðëme. 5Pjãy kjšara kjšara pak ðë ga miydaga ber erë om go. 6Ëye, shji pîya Sbö tjšõkwo goshko ga woyde ga ðëbo tjeng bi tjok ši shdöy ba tjok. 7Sbö jyãpgwëy ga äe. E kjîshko ga pjãy opjyãpgwë ðëm bakoe. Ðëye dgoroy ga e bo kjroydë. 8Ëye jëk ba wotjšîk owa ši goshko ga ber shäng shdûya îyado wšo. Ëye mär Sbö Sëya go ga ie Sbö Sëyarë ber shäng së îyado Sbö tjok. 9Eni ga shji sjen ðëbo pjšú shäryë ðëme. Shji wosonkë ðëm, äär bi potjwšêkkšo dbaryo šishko ga shji potjwšêya pjšúe. 10E kjîshko ga kuy ga shji obšë kjimtë ga bue ga kjimtëy dey. Ga Cristo tjšõkwo kjragaga šöng ši kjimtëy ara anmoyõ. 11Tja Pablo, tjšõkwo ëre tër bomi kong bor orkwo om go go shara. Îmi ga tjšõkwo jyãgšo ëre kjwo këskëse. 12Pjãy tjšê ga pjãy döya Sbörë, Cristo wošono pjang kjšös go ši kjîshko šëmi. Gueniyo ëye omšë eni ga shdungoba e kjîshko. E kjîshko ga bomi ichaga doyo jyã të ši, pjãy iche šok eni ga îkoba ga ber šöng wopjšú ba tjok wšo, shdungoba eni ðëm wšo. 13Epga doyo jyã tak pjir ëmdë ga kjok ðgwekkšo tjeng kës ši koše šok ðëme. Gueniyo woyde šok ga epga košëmi, ga pjãy doyo jyã të ber šöng baîya dik, epga krë ara bomi kjîshko wšo. 14Gueniyo tjara krë ðë kjîshko ðëme. Tja krë Tjšapga Jesucristo zröraba pjang kjšös go ši kjîshko eröe. Ba kjîshko ga ðëbo tjeng kjok ëre kjing go tjwšõ bor kong ame, ga nopga kjok ëre so kong ga tja tjwšõ ðëm bakoe. 15Sbö kong ga shji doyo jyã tak pjirde, de ðëmde, e ðëno ðëme. Shji kjšopswara beno tjagšën wšeni ši, tjwšõ ara ši e. 16Tjšõkwo šër shäng bomi kong ëre sömi wšeni ga pjãy kjrara Sbörë beno ba nopga, judíoga kjrara dënashko wšeni. Eni ga rokër Sbö kong ga pjãy uunkong eni ši songe še îyado, pjãy ie ber šöng wšêp bakoe. 17Era eni ga tjara doyo bäng šok, tja shporaba ara, Jesús kjîshko. E kjîshko ga woydër ga eeri jek šëkong ga ëye ðëbo shäryë tjwe bor barwokšo ame. 18Pjeyoga, rokër Tjšapga Jesucristo kong ga ba wopjšú ši kjîshko ga pjãy kjimte ara. Ber eni.

will be added

X\