Gálatas 5

1Shji döra Cristorë, kjok ðgwekkšo tara Moisésdë ši košëy ame wšo. E kjîshko ga pjãy wokjang, pjãy opyë ber šöng parkagaga tjwšêk šöng pjir wšeniyo dik ame. 2Tja Pablo, tja tjšõkwo kuzîa. Pjãy doyo jyã të, pjãy ber pjšo bek Sbö bokso wšo wšeni ga Cristo beno bomi kong tjwšõ ðëme. 3Šër jek bomi kong obi ga domer ðë doyo jyã të, ber pjšo bek Sbö bokso wšo ga ber shäng kjok ðgwekkšo ðamo ši košë wšo bakoe. 4Pjãy mär kjok ðgwekkšo ši go, pjãy ber pjšo bek Sbö bokso wšo wšeni ga pjãy šöng Cristo tjok ðëm, ga Sbö wopjšú ši ber bomi kong tjwšõ ðëme. 5Gueniyo shji mär Cristo go kuzong ga shji kjimte Sbö Sëyarë, shji ie ber pjšo bek Sbö bokso dbaryo ši koshë šöng wopjšú wšo. 6Shji töno beno tjeng Cristo Jesús tjok ši, e tjwšõ ara bi kong. Ga shji mär ba go kjîshko ga shji obšë woydë îyado. Gueniyo Sbö kong ga shji doyo jyã tëre, de ðëmde, e ðëno ðëme. 7Bäm go ga pjãy jëk šöng Sbö tjok pjšúe. ¿Tjšõkwo bek ši sömi ame šaga ërë bomi kong? 8Pjãy rokara Sbörë tjšõkwo pjšú ši sök wšo. E kjîshko ga bomi songga ši ichaga erë ðëme. 9Oba tjšê ga “Pjšung shosho uukkšo chira dö ëmdë ga pjšung shosho bayo kjöm pogo ga uuya pjire” šëba eni. 10Gueniyo miydër pjšú ga pjãy Tjšapga Jesús î. E kjîshko ga miydër ga wop ä ga pjãy wotjšîk ber šöng botoya dik iröng obi. Ga bomi jyãpgwaga to šöng ši, e shdûya Sbörë, ë ga eni. 11Pjeyoga, shji doyo jyã të, shji ber pjšo bek Sbö bokso wšo šër shäng oba kong kjwe ga tja shdûya judíogarë ðëme. Gueniyo shäryër eni wšeni kjwe ga Cristo wošono pjang kjšös go bi kjîshko ši ber tjwšõ ðëme. 12Gueniyo bomi jyãpgwaga to šöng šira, woydër ga doyo jyã të dö ðëme. Woydër ga epga opkë šok om go dey. 13Pjeyoga, pjãy rokara Sbörë ber šöng ichaga kjok ðgwekkšo tara Moisésdë širë ame wšo. Gueniyo pjãy beno šöng kjok ðgwekkšo ši košë ame wšo ëmdë ga pjãy beno jëk šöng bomi wotjšîk owa ši go wšo ðëm bakoe. Pjãy ëng woydos ara kar kar, pjãy ëng kjimtos bakoe. 14Kjok ðgwekkšo uunkong ši ber kjrinaso wšeni: “Pja opwoydë sorë ga bop kjšara, e woydos eni bakoe.” 15Gueniyo pjãy sjëke. Shäryëmi šöng eni ðëme. Pjãy šöng ëngkjwë ëng tjok kar kar erä. Shäryëmi šöng eni ga pjãy ëng pjik šöng om go erä. 16Eni ga šër bomi kong ga pjãy mär Sbö Sëya go. Enira pjãy jëk bomi wotjšîk owa ši go ðëme. 17Bi wotjšîk owa ši, e owa Sbö Sëya bokso. Ga bi wotjšîk owa ši, e ðëye woyde Sbö Sëyarë ši wšoyo wšeni. Wotjšîk kjring pjök ši, e obšë obšë, ëngkjwë ëng tjok wšeni. E kjîshko ga ošö ga ðëye shäryëmi woydë pjšú ši, e shäryëmi ga äe. 18Gueniyo pjãy mär Sbö Sëya go ga pjãy ichaga kjok ðgwekkšo širë ame. 19Nopga jëk ba wotjšîk owa ši goshko ga ðëye shärye šöng ši îgöy wêšëe. Pë no orkwosmono ba tjok ðëm ši tjok. Ðëbo owa shäryako ðëm ši shärye. Wotjšîk ðëbo owa shäryë obšë tjok erä. 20Sböpga jyãgšo, e poshrëya. Opping ybi, obšë ie wšo. Obšë îywa shjiktëng. Ëngšë kar kar obšë tjok äe. Ymo ara. Iirkë mašinge. Wotjšîk ba kjîshko eröe. Ëngkjwë obšë tjok. Tön dboy dboye. 21Wotjšîk owa obšë kong ba ðëbo kjîshko. Nešõtkë, bërkë, ðëbo owa shärye ara ëng tjok. Ðëbo obšë, so e kjoyo ši shärye bakoe. Šoror bomi kong tjän, gueniyo šër bomi kong jek obi ga ëye sgara shäng eni ga äär Sbö sök no pjšuyo îyado šishko ðëme. 22Gueniyo shji kjimte Sbö Sëyarëshko ga shji ðëbo shäryë obšë. Shji obšë woydë ara. Shji wopjšúe. Shji wšêpe. Shji iirkë mašing ðëme. Shji wopjšú obšë tjok. Shji obšë kjimtë. Ðëye šoroy ši shäryëy eni. 23Shji ðëbo shäryë obšë kong yõtso. Shji ðëbo shäryë ga woyotjšîy yõtso guing. Ðëbo ëre shäryëy ga pjšú, ðgwekkšo drete. 24Ëye Cristo Jesús î ga e ichaga ba wotjšîk owa širë ame. Ba wotjšîk owa ši, e šöra beno pjang kjšös go wšeni. 25Shji iara Sbö Sëyarë beno šöng së jšõkoyo kuzong ga woyde ga shji mär ba go. 26Gueniyo shji krë ðëm, shji ëngšë kar kar ðëm, shji wotjšîk owa ëng tjok bi ðëbo kjîshko ðëm bakoe.

will be added

X\