Gálatas 1

1Kjibokwo ëre taga tja Pablorë. Tja ichaga norë ðëme. Tja kjraga Jesucristorë, ba woshraga Data Sbö širë bako, ga tja ichara šok beno shäng ba tjšõkwo roy šaga Jesús ãska. 2Jesús tjšõkwo kjragaga šöng Galacia kjokyo, kjibokwo ëre ichër jek bomi kong.Pjeyoga tjšõkwo kjragaga šöng na bor tjok ši, “¿Pjãy yonde?” še bomi kong. 3Rokër bi Data Sbö kong, Tjšapga Jesucristo kong ga ba wopjšú ši kjîshko ga pjãy kjimte šok ara, pjãy ie ber šöng wšêp bakoe. 4Jesucristo optwono wošono, owa pjang bi go ši šòya ber dret wšo, shji döya ðëbo owa tjeng kjok ëre kjing goshko ši dbo dorko dwayo wšo, woydara Data Sbörë sorë ši eni. 5Data Sbö ši, e poshrëy, iëy ber kësbang, tjwšõ ara îyado wšo. Ber eni. 6Dënashko ga Cristo roy pjšú šorowa bomi kong. Ga Sbö wopjšú ši kjîshko ga pjãy rokara, ga ba tjšõkwo ši kjroromi. Eni ga tja wotjšîno ga pjãy jëk šöng e go šoror. Gueniyo pjãy roy shrono owa, koshër sök dik ðëme. Roy kuror ga pjãy Sbö rayono mašing, ga tjšõkwo obšë sömirë shara. Gueniyo tjšõkwo pjšú jšõkoyo ši, e kjrinaso döe. Tjšõkwo kjroromi kjupä ši, e jyõ erä. No kjone kjone omšono bomi kong, pjãy kä ðgwîya wšo. Cristo roy pjšú ši kjšopswe šok woydë ber obšë. Rokër Sbö kong ga ëye tjšõkwo šë bomi kong, šororwa bomi kong dënashko dik ðëm ga shdûya. Šaga tjawarë, šaga Sbö parkaga kjok dogo sorë eni wšeni ëmdë ga tjšõkwo obšë šaga ši shdungga ber Sbörë îyado wšo. 9Šoror bomi kong tjän, gueniyo šër jek bomi kong obi. Rokër Sbö kong ga ëye tjšõkwo šë bomi kong, šororwa bomi kong dënashko dik ðëm ga shdungga ber Sbörë îyado wšo. 10Nopga ber wopjšú bor tjok ši wšêntë ðëme. Sbö ber wopjšú bor tjok ši wšêntë eröe. Tja parkë nopga ber šöng wopjšú bor tjok wšo kjwe ga tja Cristo parkaga ðëme. 11Pjeyoga, tjšõkwo roy pjšú ši šoror bomi kong dënashko ši, e šaga norë bäm go ðëme. Šër bomi kong, miydëmi wšo. 12E šara norë bor kong ðëm, tja pingga norë ðëm bakoe. E šaga Jesucristorë om go bor kong. 13Shäryono eni. Tja wentë ðëm obishko ga tja kjrara Sbörë, ga tja rokara ber shäng ba parkaga wšo, ba wopjšú ši kjîshko. Gueniyo tja dëna shäng judíoga tjšõkwo sökshko ga tja roy sorë miydoromi tjän. Eshko ga tja Jesús tjšõkwo kjragaga wšoyo. 15Ðëbo shäryoror ba kong šok ara, pjir ber dret wšo šoror. Borwa tjšapgaga tek dënashko so tjšõkwo ši söror pjšú, owa ðëm, bor pjeyoga šuyo bor tjok bëy ši kjinmo. Gueniyo eshko ga 16ba Wa pina Sbörë bor kong, miydër wšo, roy šër nopga judío ðëm wšeniyo kong wšo. Eshko ga ðëbo kjakrokoror nopga kong ðëme. 17Eshko ga Sbö tjšõkwo roy šaga Jesús ãska šöng Jerusalén kjokyo. Gueniyo parkë šöng eni bor bäm go ëmdë ga tja äätë šan ba tjok eshko guing ðëme. Tja jekdo Arabia kjokyo. E irgo ga tja tek Damasco kjokyo iröng obi. 18Šu pjšogšo mya irgo ga tja jek öötong shäng Jerusalén kjokyo Pedro îk, ga tja beno sök ba tjok eshko dbargwo sak kjwara kjingsho shkëng (15). 19Tjšapga Jesús šëng Santiago ši înor eshko bakoe. Gueniyo Sbö tjšõkwo roy šagaga Jesús ãska ðamo ši înor ðëme. 20Šër bomi kong jšõkoyo Sbö bokso ga tjšõkwo ëre, e jšõe. 21E irgo ga tja öör jong Siria kjokyo, Cilicia kjokyo bakoe. 22Eshko dbaryo ga Jesús tjšõkwo kjragaga šöng Judea kjokyo ši, tja îyde šok ðëm obi. 23Tja roy kura šok eröe. No kjone kjone tjšê šöng ba kong ga “Bi irpjangga dënashko to shäng Jesús roy pjšú ši pjik wšo šara. Gueniyo eerishko ga to shäng e roy shdök oba kong shara” še šok ba kong eni. 24Eshko ga Sbö poshrëra šok ara bor kjîshko.

will be added

X\