Colosenses 4

1Parkaga sogoga, pjãy kägäyo sök kjšara kjok dogo, e woyotjšîzîa. E kjîshko ga pjãy opshäryos bëy bomi parkagaga tjok. 2Pjãy uunkong syõshtë Sbö kong îyado, pjãy sjen ðëme. Pjãy šöng sjëk îyado. Pjãy šöng wopjšú Sbö tjok îyado. 3Pjãy syõshtë borwa kjîshko bako, Cristo tjšõkwo jnek tjeng pjir ši shdörwa jek këgong wšo. Tja sök kjërshko e kjîshko. 4Woyde ga tjšõkwo ši šër yõtso, kukoba wêšë wšo. E kjîshko ga rokozî Sbö kong ga tja kjimte ba šë eni. 5Pjãy šöng tjšõkwo kjragaga ðëm ši tjokshko ga pjãy opshäryos bëy, Sbö tjšõkwo roy pjšú šëmi ba kong ga pjšúshko ga šozî îyado, pjãy dbar jek ðëme. 6Woyde ga pjãy šan ba tjok yõtso, kuya šok ga ber wopjšú wšo. Woyde ga ðëye kjakroke bomi kong dö ga dboryëmi sorë miydëmi šöng pjir tjän. 7Bi kjšara Tíquico, e parkë shäng Tjšapga Jesús kong bor tjok pjšú îyado. E woydër ara. E ichër jek bomi shwoy bor roy sök bomi kong, pjãy ber šöng wopjšú wšo, pjãy wosonkë ðëm wšo. 9Bi kjšara Onésimo, e bi kjšara jšõkoyo. E woydër ara. E bomi kjok eshko so bakoe. E ichër jek Tíquico yorkë. Ðëbo jëk jong na sorë šãywe bomi kong drete. 10Aristarco shäng na kjërshko bor tjok bakoe. “¿Pjãy yonde?” še bomi kong. Bernabé kjšarayo ko Marcos, “¿Pjãy yonde?” še bomi kong. Jek äär bomi shwoy ga wšokjrozî yõtso, e šoror bomi kong tjän. 11”¿Pjãy yonde?” še Jesúsdë bomi kong. Jesús, e ko Justo bakoe. Tja parkë shäng Sbö ber no pjšuyo sorë ši roy šë oba kong. Bor kjimtagaga šöng ši tjrëko, judíoga šöng domerga dogšo mya ëre döe. 12”¿Pjãy yonde?” še Epafrasdë bomi kong. E bomi kjok eshko so. E parkë Cristo Jesús kong. E syõshtë Sbö kong bomi kjîshko jšõkoyo îyado, pjãy mär Sbö go jšõkoyo wšo, ðëye woyde Sbörë ši miydëmi pjšú wšo, shäryëmi eni îyado wšo bakoe. 13Înor om go ga parkë bomi kong kjang îyado, parkë Laodicea sopga, Hierápolis sopga kong eni bakoe. 14Lucas, no dwšomnega woydër ara ši, “¿Pjãy yonde?” še bomi kong. Demas omšë bomi kong eni bakoe. 15”¿Yonde?” šëmi Laodicea sopga kong, Ninfa kong, Jesús tjšõkwo kjragaga tön šöng ba ushko ši kong bakoe. 16Kjibokwo ëre šoromi pjirshko ga ichëmi jek Jesús tjšõkwo kjragaga šöng Laodicea kjokyo kong, še šok eshko bako wšo. Ga kjibokwo ichoror jek ba kong ši šëmi pjãydë bakoe. 17Pjãy tjšê Arquipo kong ga “Pak twara Tjšapgarë bop kong ši shäryos pjire” šëmi ba kong eni. 18Tja Pablo, kjibokwo pjirzšong ëre tër bomi kong bor orkwo om go go shara. Tja sök kjërshko woyojemi ðëme. Rokër Sbö kong ga ba wopjšú ši kjîshko ga pjãy kjimte ara.

will be added

X\