Colosenses 1

1Kjibokwo ëre taga tja Pablorë, bi kjšara Timoteo tjok. Tja kjrara Sbörë beno ba tjšõkwo roy šaga Cristo Jesús ãska. 2Pjeyoga Cristo tjšõkwo kjragaga šöng Colosas kjokyo, kjibokwo ëre ichërwa jek bomi kong. Pjãy Sbö nopga. Rokërwa bi Data Sbö kong ga ba wopjšú ši kjîshko ga pjãy kjimte ara, pjãy ie ber šöng wšêp bakoe. 3Dënashko ga tjšõkwo bek ši kuromi, ga kjroromi. Sbö tjšõkwo roy pjšú ši e. Eerishko ga pjãy roy kurorwa ga pjãy mär šöng Cristo Jesús go, Sbö nopga uunkong woydëmi ara bakoe. Shäryëmi šöng eni, bomi potjwšêkkšo jnek tjeng kjok dogo twe Tjšapgarë bomi kong še ši kjîshko. E kjîshko ga tjawa syõshtë Sbö kongshko ga tjawa wopjšú ba tjok bomi kjîshko. Sbö, e bi Tjšapga Jesucristo Data. 6Dënashko ga ðëye shäryara Sbörë bi kong ba wopjšú kjîshko ši roy öötong bomi kong. Eerishko ga Sbö tjšõkwo bek ši shdöktong jek këgong, kjok kjwang jîkong. Kuya nopgarë ga tjšõkwo kjre, ga epga kjšopswe ber jëk šöng obšë, pjãy omshäryono sorë ga eni. 7Tjšõkwo šaga bomi kong bäm go ši, e borwa kjšara Epafras. E woydërwa ara. E parkë shäng Cristo kong borwa tjok, pjãy kjimte wšo. 8Pjãy kjimte Sbö Sëyarë ëng woydë ara kar kar ši roy söga borwa kong ši e. 9E kjîshko ga pjãy roy kurorwa tek šëkong ga tjawa beno šöng syõshtë bomi kjîshko îyado. Rokërwa Sbö kong ga ba kjok miydë ši twe ba Sëyarë bomi kong, ðëye woyde shäryëmi ši miydëmi wêšë wšo. 10Rokërwa ba kong eni, ðëbo pjšú shäryëmi îyado wšo, e miydëmi jek këgong këgong wšo bakoe. Eni ga Tjšapga Jesús ber wopjšú bomi kong, pjãy jëk nopga baîya dik kjîshko. 11Dbo ara ši, e Sbö eröe. Eni ga rokërwa ba kong ga pjãy kjimte ara, ðëbo wen tjwe bomi kong owashko ga Cristo rayëmi ðëm wšo, pjãy ber šöng wotöy, wopjšú wšo. 12Sbö sök no pjšuyo îyado šishko ga kjok shjiy ara anmoyõ. Ga pjãy iara Data Sbörë beno šöng ðëbo twe ba nopga kong eshko ši kjrë wšo. Woydërwa ga pjãy ber šöng wopjšú ba tjok e kjîshko. 13Shji šöng kjok ro sî roy wšeni obishko ga shji döra Ä wšoshko dwayo. Ga ba Wa woyde ara ši, e iara beno shäng bi pjšuyo shara. 14Ba kjîshko ga shji döktong bi shdunggšo dbo dorko dwayo, owa pjang bi go ši šöna beno dret bakoe. 15Sbö, e îgöy ðëme. Gueniyo Cristora înoy, ga e so Sbö kjoyoe. Kjok shäryayde Sbörë ðëm obishko ga Cristo sök tjän. Ðëbo shäryara Sbörë kës ši, e iara beno tjeng ba wšoshko. 16Ba go ga ðëbo uunkong shäryara Sbörë. Ðëbo tjeng kjok dogo, ðëbo tjeng kjok ëre kjing go, ðëbo wêšë, ðëbo îgöy ðëm, sëya ðë dbo ara wšeniyo, obšë ichagaga wšeniyo, e shäryara ba go uunkong, ga uunkong ši twara beno ba kong bakoe. 17Ðëbo shäryak ðëm obishko ga e sök tjän. Ðëbo tjeng kës ši mär ber tjeng ba go. Cristo ðëm ga e tjeng ame. 18Ba tjšõkwo kjragaga, e ba doyo wšeni, ga ba kägäyo ši e. Epga iaga ber šöng së jšõkoyo ši e. E woshrono iröng obi, nopga wošono obšë ši bäm go. E kjîshko ga beno tjwšõ ara, ðëbo obšë kjinmo. 19Woydara Sbörë ga e om go ber pjang Cristo go jšõkoyo. 20E ichara Sbörë srëng kwong pjang kjšös go, ðëbo uunkong ber tjeng wšêp Sbö tjok wšo,ber tjeng bëy ba tjok iröng obi wšo, ðëbo tjeng kjok dogo, ðëbo tjeng kjok ëre kjing go bakoe. 21Dënashko ga pjãy šöng bëy Sbö tjok ðëme. Eshko ga ðëbo owa shäryëmi šöng ara kjîshko ga pjãy ba moskwoga wšeni. 22Gueniyo Cristo wošono jšõkoyo kjîshko ga pjãy iara Sbörë beno tjeng bëy ba tjok iröng obi, pjãy ie ber šöng pjšo bek, pogo ðëye ber dret ba bokso wšo. 23Gueniyo woyde ga pjãy mär ber šöng Cristo go. Tjšõkwo pjšú kjroromi ši, e jyõ šëmi sira ðëme. Tjšõkwo pjšú ëre roy shdöktong kjok kjwang jîkong. Tjšõkwo šër shäng ši e. 24Ðëbo weno bor kong owa bomi kjîshko. Tja wopjšú e kjîshko. Cristo Jesús tjšõkwo kjragaga, e ba doyo wšeni, ga Cristo shdunaba ara ba kjîshko. Eerishko ga tjara shdungoba shara, ga tja wopjšú e kjîshko. 25Tja iara Sbörë beno shäng parkë bomi kong, ba tjšõkwo kjragaga obšë ši kong bakoe. Tja ichara beno shäng ba tjšõkwo kës ši šë bomi kong. 26Tjšõkwo ëre jnena Sbörë tjeng tek dënashko dwayo, gueniyo eerishko ga šara ba nopga baîya šöng ši kong. 27Shäryara eni, woydara ga tjšõkwo pjšú, owa ðëm jnek tjeng ši miydëmi pjãy nopga judío ðëm wšeniyo širë wšo. Tjšõkwo ši eni: Cristo ber shäng bomi tjok ga pjšú, ga ðëbo twe ba nopga kong šara Sbörë ši, e ber bomi kong bakoe. 28Cristo roy šërwa nopga kong, ga epga poshdunwa, pinwa, borwa kjok miydë tjeng kës ši go. Shäryërwa eni, nopga töno beno tjeng Cristo tjok ši jëk bëy wšo, îya Sbörë šöng pjšo bek wšo. 29Tja parkë ara e kjîshko. Tja drön ara, e shäryër wšo, dbo twe Cristorë bor kong kës ši go.

will be added

X\