Hechos 26

1Eshko ga Pjšu Agripa tjšê Pablo kong ga “Woydër ga pja tjšês bop kjîshko om go shara” še. Kuya ga orkwo poyono, pjãy kjinkozong šokšo wšeni, ga tjšê ga 2”Tjšapga Pjšu Agripa, tja shäng jûshko bop bokshto, “Ðëye šara judíogarë bor kjîshko ši, e eni ðëme” šër bop kong miydëp wšo, ga tja wopjšúe. 3Tjawa judíoga, tjawa ðëbo shäryë sorë ši miydëp sök pjšúe. Tjawa ëng dboryë kar kar ðë kjîshko ši miydëp pjšú bakoe. Eni ga miydër ga tja tjšê bop kong ga tja kup sök pjšúe. E kjîshko ga rokër bop kong ga tja kus sök wop tjok sira guing. 4”Tja miyde judíoga uunkongdë tek chirawashko dwayo. Tja shäng bor kjokshko, ðëm ga Jerusalén kjokyoshko ga tja opshäryë sorë, e miyde šok pjšúe. 5Miyde šok pjir ga tja fariseo tek dëna tjän, ga še šok woydë wšeni ga še ga pjšúe. Ga tjawa fariseoga, judíoga kjok ðgwekkšo ši jnenwa yõtso anmoyõ, judíoga ðamo ši kjinmo. 6Tjšõkwo šara Sbörë borwa tjšapgaga tek dënashko so kong jšõkoyo ši, e koshër sök îyado. Era eni tjok ga tja söra šok, tek shrono shäng, tja ðgwekoba e kjîshko wšo. 7”Israel tjëyoga uunkong kjringgwo sak kjwara kjingsho pjök (12) ši, tjšõkwo šara ši koshe šöng îyado. E kjîshko ga Sbö, e poshrëya shkë dba, ga parkë šöng ba kong îyadoe. Ga tjšõkwo koshe šöng ši, tja omkoshë shäng bakoe. ¡Tjšapga Pjšu Agripa, tja rote judíogarë šöng e kjîshko! 8¿Shji judíoga wotjšîk ga shji wošono ga shji woshre Sbörë iröng obi jšõe šëy ðëm ega? 9”Dënashko ga tja wotjšîno om go ga bek wšo ga tja parkë Jesús, Nazaret so ši nopga wšoyo šoror. 10Ga shäryoror eni eshko Jerusalén kjokyo. Tja ichaga syõshtaga kägäyogarë, ga Jesús tjšõkwo kjragaga ši ichoror no shdûzšong uyo roshko arae. Ga zrökobashko ga tja tjšêno ga “Kjwe zrökko” šoror bebi. 11Enido ga tja öör shäng ba wšêk judíoga syõ uyo šok obšë obšë ši roshko. Wšênor ga shdun ara, Jesús šãywe owa wšo šër. Ga tja iirkono ara ba kong šok, ga irpjanor Jerusalén kjokyo šishko dö ðëme. Irpjanor jek shäng kjok shto obšë obšë, oba tjëyo eniyo ðëm wšeniyoshko bakoe. 12”Shäryër shäng eni kuzong ga pjšara ga tja jek shäng jongya Damasco kjokyo, tja ichak syõshtaga kägäyogarë, pak twara šok bor kong ši shäryër wšo. 13Gueniyo dšo dšuw dik ga în ga iök shjiy ter tjwe kjok dogo dwayo, kãšã dbo dšo kjinmo, jek ðetðet, ga tja kopjrina beno pjang pjribri bor yorkagaga jek šöng ši tjok. 14Eshko ga tjawa dgono jer šöng töshko, ga kur ga ëbo tjšê bor kong arameo tjšõkwo go ga “Saulo, Saulo, ¿tja irpjam ega? Pja opyë shäng bor wšoyo ga pja opshdung shäng om goshko, e so öng ðë, ba shpokkšo dbo stek ši te om go kjoyoe” še. 15”Kur ga tja tjšê ga “Tjšapga, ¿pja ë?” ““Tja Jesús. Irpjam to shäng wše, e tja. 16Pja kojõzong. Tja weno shäng bop kong ëre, pja kjroror ber shäng bor parkaga wšo kjîshko. Woydër ga ðëye înop ëre, ðëye pin bop kong ši, e šëp oba kong. 17Ga pja to shäng ba šëshko ga pja wšikër judíoga wšoshko dwayo, nopga judío ðëm wšeniyo wšoshko dwayo bakoe. Pja ichër jongya nopga judío ðëm wšeniyo kong jšõkoyo. Woydër ga epga ber šöng bokkwo roshwing pjir wšeni, ga jëk šöng kjok ro sî roshko wšeni ame, jëk šöng iök shjiy roshko wšeni shara. Woydër ga šöng Ä wšoshko ame, ber šöng Sbö wšoshko shara. Woydër ga owa pjang ba go ši šön ber dret, epga iër ber šöng ba pjeyoga mär bor go erö ši tjok wšo. Pja ichër jongya nopga judío ðëm wšeniyo kong, ðëbo uunkong ëre shärye wšo” še bor kong. 19”Tjšapga Pjšu Agripa, eni ga ðëbo ichara Sbörë bor kong kjok dogo dwayo înor shji yoîno wšeni ši jšõe šoror, ga košoror. 20Bäm go ga tjšõkwo ëre šoror judíoga šöng Damasco kjokyo ši kong, e irgo ga judíoga šöng Jerusalén kjokyo ši kong, judíoga šöng Judea kjokyo kjok kjwang jîkong ši kong, nopga judío ðëm wšeniyo kong bakoe. Tja tjšêno ba kong ga “Ðëbo owa shäryëmi šöng ši, e owa jšõe šozî, ga rayozî, ga pjãy optwos Sbö kong dey. E irgo ga ðëbo shäryozî pjšo bek, pjãy kjšopswono jšõe šëba wšo” šoror. 21”Tja shara judíogarë Sbö u zšong bäng, tja zröya šok wšo šara e kjîshko. 22Gueniyo tja kjimte Sbörë shäng. E kjîshko ga tja beno shäng ba tjšõkwo šë nopga uunkong kong, tjwšõ këskës ši kong, tjwšõ chila ši kong bakoe. Ðëye shäryë wšo šara Moisés, Sbö tjšõkwo šagagarë dëna tjän ši, e shäryono eni jšõe šër oba kong. Tjšêno šok ga “Ðono ga no pjšuyo iche še Sbörë ši shronoshko ga woyde ga shdungoba, wošon, ga woshre Sbörë iröng obi, shinmoga tjeng kës ši bäm go. Shäryë eni, ga shji döya Sbörë sorë ši roy shdöya ba pjeyoga judíoga kong, nopga judío ðëm wšeniyo kong bakoe. Shji jëk šöng kjok ro sî roshko wšeniyo kong ga roy ber iök shjiy wšeni” še šok beno pjang ba kjibokwo go eni” še. 24Eshko ga Pablo tjšê shäng opwšikë eni wopro ga tjšõkwo skokza Festorë, tjšê ba kong dbo go ga “Pablo, ¿pja skwêre ðëro? Pja oppino ara ga pja iara beno shäng skwê erä” še. 25Gueniyo kuya ga tjšê ba kong ga “Tjšapga Festo, tja skwê ðëme. Tjšõkwo šër ši, e jšõe. Tja tjšê ši, e bek šotë. 26Tjšapga Pjšu Agripa sök kjwe. Tjšõkwo šër ši, e miyde sök pjšúe. E shäryak šûtshko ðëm, e wêšëe. E kjîshko ga tja tjšê shäng wšêp ba bokshto. Miydër pjšú ga sök kjwe ommiydë pjšúe” 27E irgo ga Pablo tjšê tjšapga Agripa kong ga “Tjšapga pjšu, ¿woyotjšîp ga ðëye šara Sbö tjšõkwo šagagarë ši, e jšõe šëpde? Miydër ga e jšõe šëp” še. 28Kuya ga tjšê ba kong ga “¿Tja kjšopswëp ber Cristo tjšõkwo kjraga mašing jûni šëpdo?” 29”Wop chirare, de wop arare, gueniyo rokër Sbö kong ga pja, nopga uunkong tja kuya šöng jûshko eerishko, pjãy äär ber šöng Cristo tjšõkwo kjraga botoya dik, gueniyo pjrik šöng dröng sho bomi orkwo go jûni botoya dik ðëme” še ba kong. 30Eni ga pjšu ši kojono opshik kjoko wšo, kjok eshko so ichaga tjok, Berenice tjok, nopga sirkeno šöng ba tjok ši tjok bakoe. 31Ga to opshino šöng šan dboshko, tjšê šok ëng kong ga “Domer kjwe ðëye owa shäryara ber zrökko wšo ðëm, shdungko shäng kjërshko ëmdë ðëm bakoe” še šok eni. 32Eshko ga Agripa tjšê Festo kong ga “Domer kjwe “Rokër ga tja ðgwega ber pjšu kësbangyo sök Roma kjokyo širë om go” šara ðëm kjwe ga rayoroy ga pjšúe” še.

will be added

X\