Hechos 13

1Antioquía kjokyo ga Jesús tjšõkwo kjragaga šöng eshko ši tjrëko Sbö tjšõkwo šagaga wšeniyo šöng kjšöbö, no pinggaga Sbö tjšõkwo go wšeniyo šöng kjšöbö bakoe. Kjšara ko Bernabé; kjšara ko Simón, e kowëba Kjšo Sî; kjšara ko Lucio, e Cirene so; kjšara ko Manaén, e kuno shäng Galilea so pjšuyo Herodes tjok; kjšara obi ko Saulo. 2Eni dbar kjwara ga Jesús tjšõkwo kjragaga ši töno šöng Sbö poshrëk, ië ðëm ba kong bakoe. Eshko ga Sbö Sëya tjšê ba kong ga “Bernabé, Saulo, e rokoror pak shäryë bor kong wšo. Eni ga kjozî ber tjeng dboy bor kong, pak ši shärye šok wšo” še. 3Kuya šok ga shäryara eni. Jek šöng syõshtë obi, ga ië ðëm bakoe. E irgo ga orkwo iono šok domerga do pjök ši dšu kjing go, ber šöng parkë Sbö kong ši šokšo, ga ichara šok to parkë Sbö kong. 4Eshko ga Saulo, Bernabé, e ichara Sbö Sëyarë jek äär jong Seleucia kjokyo, dšung kjako. Eshko ga opyono jek šok kjyong kësbang roy, jek öötong pjono šöng dšung tjrëko ko Chipre. 5Eshko ga kjyong tjyozšong kjokyo buk kjrina ko Salamina. Eshko ga opshino kjyong roy dwayo, ga jek öötong šöng judíoga syõ uyo šok eshko obšë obšë ši roshko. Eshko ga Sbö tjšõkwo šara šok oba kong. Juan jek shäng ba tjok bebi, ba kjimtaga wšeni. 6Eni ga jëktong šöng eshko, öötong šöng dšung tjrëko ši worbo kašëkong ko Pafos. Kjok eshko ga judío wšêna sök kjšara ko Barjesús, šëy Grecia so tjšõkwo go ga Elimas. Domer, e ybi. Tjšê ga “Tja Sbö tjšõkwo šaga” še, gueniyo ichaga Sbörë ðëme. E sök enido kjok eshko sopga ichaga ko Sergio Paulo ši shwoy. Tjšapga no ichaga ši, e kjok miydë ara. Eni ga Bernabé, Saulo, e rokara ba ushko, woyde ga Sbö tjšõkwo še ba kong kuya wšo še. Eni ga epga öötong šöng ba shwoy Sbö tjšõkwo šë, gueniyo ybi ši omwoydë ðëme. “Ðëye še šöng ši kup ðëm dey” še tjšapga no ichaga kong ara, mär ber shäng Jesús go ðëm wšo. 9Eshko ga Saulo, e kowëba Pablo bako, e go Sbö Sëya jšõkoyo. Eni ga ybi ši îya beno shäng drëng ga 10tjšê ba kong ga “Pja owa, pja jyõ ara, pja so Ä kjoyo, pja ðëbo pjšo bek ši wšoyo. ¿Sbö tjšõkwo pjšú ši kjšopswëp bop jyõ go äär jong ðonoro? 11E kjîshko ga eeri ga pja shdûya Sbörë. Pja ber kjok îgö ame, dšo kãšã shjiy ši îp ðëm äär jong ðono jã” Jekdo eshko ga Elimas beno kjok îgö ðëme. E kjîshko ga beno shäng no wšêk, wšosöya wšo še. 12Îya kjok eshko so ichaga širë ga Sbö tjšõkwo kjrara. Ga beno shäng yëy še erä, Sbö tjšõkwo kura ši kjîshko. 13E irgo ga Pablo, ba yorkagaga jek šöng ba tjok ši, e opshino Pafos kjokyo dwayo, ga jek kjyong go äär pjë pjang Perge kjokyo, e Panfilia kjokyo obi. Gueniyo Juanda sano to jek iröng Jerusalén kjokyo. 14E irgo ga epga opshino to Perge kjokyo dwayo, jek öötong šöng Antioquía kjokyo. (Antioquía kjokyo, e ber buk Pisidia kjokyo worbo go.) Eshko ga öötong woshtozšong dbaryo ga opzrëno jek šok judíoga syõ uyo jong eshko ši roshko, ga sirkeno šok. 15Eshko ga kjok ðgwekkšo tara Moisésdë ši, e šaraba, kjibokwo tara Sbö tjšõkwo šagaga tek dënashko sorë ši, e šaraba bakoe. E irgo ga tjšapgaga šöng judíoga syõ uyo ši no ichono tjšê ba kong ga “Pjãy tjšõkwo šë woydë borwa kjimtokšo wšeni ga šëmi ga pjšúe” še Pablo kong, ba yorkagaga šöng ši kong bakoe. 16Eni ga Pablo kojono, orkwo poyono, pjãy kjinkozong šokšo wšeni, ga tjšê ga “Pjeyoga, šër bomi kong ga kuzîa. Israel tjëyoga, tja kuzîa. Judíoga ðëm gueniyo Sbö bangkjrë wšeniyo, tja kuzî bakoe. 17Dënashko ga bi tjšapgaga kjrara Israel tjëyo Sbö širë, ber tjeng baîya wšo. Öötong šöng Egipto kjokyoshko ga kjimtara, iara beno tjëyo kësbange. E irgo ga shira tek kjok eshko dwayo, ba dbo kësbang go. 18Šöng kjok dogro no ðëmshko šu pjšogšo sak pkëng (40) wopro ga kjimtara ara. 19E irgo ga öötong šöng Canaán kjokyoshko ga kjimtara tjëyoga tjeng eshko kjringgwo kjäk (7) ši pjik, kjok ši twe ber ba kong wšo. 20Ðëye šër shäng ëre šuyo öötong sak dbäw pjšogšo pkëng kjingsho sak shkëng (450). “E irgo ga kong nopga iara beno šöng ba ichaga wšeniyo äär jong Sbö tjšõkwo šaga Samuel dbaryoshko. 21Gueniyo ga pjšu rokara šok kjšara Samuel kong, ba ðgwek wšo. Eni ga kong pjšu twara Sbörë beno kjšara ko Saúl, e Cis wa, Benjamín tjëyo. Iara beno sök parkë šu pjšogšo sak pkëng (40). 22E irgo ga Saúl kjara Sbörë, ga David iara beno sök ba shtoshko. E woydara Sbörë ara, tjšê ga “David, Isaí wa ši în ga domer pjšú bor kong, ðëye woydër ga shärye bor kong eni” še. 23”Šu kop ara irgo ga David tjëyo weno shäng kjšara ko Jesús. E ichara Sbörë, Israel tjëyoga dök, šara jšõkoyo dënashko sorë ši eni. 24Jesús wentë shäng oba bokshto ðëm obishko ga Juan to shäng Sbö tjšõkwo roy šë Israel tjëyoga uunkong kong. Tjšê ba kong ga “Ðëbo owa shäryëmi šöng ši, e owa jšõe šozî, ga rayozî, ga pjãy wër jer di roshko” 25Ga Juan shinmotkë dbaryo döröshko ga tjšê ga “¿Pjãy wotjšîk ga domer koshëmi šöng ber bomi pjšuyo wšo ši tja šëmire? Tja ðëme. Gueniyo ga no tjwe bor irgo kjšara. Era tjwšõ ara bor kjinmo anmoyõ. Bek wšo ga tja ba drepkwota dök wšo ðëm, e tjwšõ ara bor kjinmo anmoyõ kjîshko” še. 26”Pjeyoga, pjãy Abraham tjëyoga, pjãy judío ðëm gueniyo Sbö bangkjrë šöng enido wšeniyo, tjšõkwo ëre, e ber shji uunkong kong, shji döya Sbörë sorë, e miydëy wšo. 27Jerusalén sopga, Jesús, e ë miydara šok ðëme. Ba kägäyoga ëmdë ga ommiydono šok ðëm bakoe. Woshtozšong dbaryo kjwobi go ga kjibokwo tara Sbö tjšõkwo šagaga tek dënashko sorë ši še šok, gueniyo ðë šokšo miyde šok ðëme. Eni ga epga om go Jesús ichono shdungobashko ga ðëye jyã tak dënashko ši, e shäryono eni. 28Eshko ga ðëbo wšêya šok Jesús rotë wšo, ber zrökko wšo šara, gueniyo ðëye to wšêna ðëme. Zok ga kjwe rayara to, gueniyo ga twara Pilato kong, iche zrökoba wšo. 29Eni ga ðëye jyã tak pjang Sbö kjibokwo go ba kjîshko ši, e shäryara šok pjire. Ga wošono pjang kjšös go irgo ga doyo šona ba tjšõkwo kjragagarë ter töshko, ga iara šok beno buk sakshko. 30Gueniyo woshrara Sbörë iröng obi. 31Zröydëba ðëm obishko ga jek shäng Galilea kjokyo äär jong Jerusalén kjokyoshko ga ba tjšõkwo kjragaga kjong kjong jek šöng ba tjok. Ga woshrara iröng obi irgo ga dbar kop ara ga Jesús weno shäng epga kong kop arae. Epga eerishko ga beno šöng e îna šok jšõe šaga. 32”Ðëbo roy pjšú šërwa bomi kong. Ðëye šara Sbörë jšõkoyo bi tjšapgaga tek dënashko so kong ši, e shäryara pjir tjän. Jesús woshrara iröng obi, tak pjang Salmo pjök ši go sorë ši eni. Tjšêno beno eni: ““Pja bor wa. Eeri ga îkoba wêšë ga tja bop data jšõkoyo.” 34”Woshrara Sbörë iröng obi, doyo an ðëm wšo, ber wošon ame wšo, šara Sbörë dënashko sorë ši eni. Tjšêno beno eni: ““Ðëye šoror David kong jšõkoyo ši, e šër bop kong jšõkoyo bakoe.” 35”Sbö tjšõkwo tjšêno e kjîshko obi. Tjšêno beno eni: ““Bop Wa iak beno shäng dboy bop kong ši doyo iëp an ber buk eshko ðëme.” 36”Jšõkoyo ga David sök së obishko ga parkono ara ba pjeyoga kjîshko, woydara Sbörë sore ši eni. E irgo ga wošono, ga doyo iaraba beno buk sakshko, ba kjokëga zšong bäng, ga ano pjire. 37Gueniyo ga Jesús woshrara Sbörë iröng obi šira doyo ano ðëme. 38”Pjeyoga, tjšõkwo šërwa bomi kong ši ëre: Owa pjang bi go ši šòya Sbörë ga pjšú, ðëye shäryara Jesúsdë ši kjîshko. 39Ëye mär Jesús go ga ie Sbörë ber shäng pjšo bek ba bokso. Shji ie kjok ðgwekkšo tara Moisésdë širë ber pjšo bek Sbö bokso ga äe. 40Pjãy sjëk, ðëye šara Sbö tjšõkwo šagaga tek dënashko sorë ši wen bomi kong ðëm wšo. Tjšêno beno eni: 41”“Pjãy Sbö tjšõkwo joywë ä, ðëbo shäryër ga îzî yõtsoe. ¡Pjãy sëya ðëm, pjãy wošon! Pjãy šöng së obishko ga ðëbo shäryër kësbange. Šëba eni bomi kong wêšë ëmdë ga pjãy wotjšîk ga ‘E shäryaga Sbörë’ šëmi ðëme’”“ še. 42E irgo ga Pablo, Bernabé, e opshino jek judíoga syõ uyo ši roy dwayoshko ga nopga šöng ši tjšê ba kong ga “Woydërwa ga woshtozšong dbaryo tek këm kjwara go ga ðëye šoromi ši šëmi borwa kong jek obi” 43Nopga šöng eshko ši kjone kjone judío, ðamo ši wenoshko judío ðëm wšeniyo gueniyo kworkwono beno Sbö tjšõkwo kjraga judíoga î dik. Ga opshino eshko dwayo pjirshko ga nopga to jek šöng Pablo, Bernabé tjok ara. Eni ga Pablo, Bernabé, e tjšê ba kong ga “Pjãy mär ber šöng Sbö go, pjãy kjimtara ara kjîshko” še. 44Öötong woshtozšong dbaryo kjwara obishko ga kjok eshko sopga shrono šöng pjir sek, Tjšapga Jesús tjšõkwo še ši kuk. 45Gueniyo ga îya judíoga šöng širë ga oba shrono ara ga ymorkono šok ara, ga Pablo šãywe šok owa, tjšê oba kong ga “Ðëye še shäng ši, e eni ðëme” še. 46Gueniyo ga Pablo, Bernabé, ðëye bangkjre šok ðëm, ga tjšê ba kong ga “Tjawa iak šöng Sbö tjšõkwo ëre roy šë bomi kong bäm go, pjãy judíoga kong. Gueniyo pjãy omkuk woydë sira ðëm, pjãy om go ši opyë ber šöng së îyado Sbö tjok woydë ðëm bakoe. Eni kuzong ga tjawa to jongya ba šë nopga judío ðëm wšeniyo kong shara. 47Tjawa ichara Tjšapgarë ba tjšõkwo tak pjang ši go eni. Tjšêno beno eni: ““Pjãy ioror beno iök shjiy wšeni, nopga judío ðëm wšeniyo kong. Nopga där sorë ši tjšõkwoyo šëmi ba kong äär jong kjok kjwang jîkong wšo”“ še. 48Kuya nopga judío ðëm wšeniyo šöng širë ga beno šöng wopjšúe. Tjšê šok ga “Sbö tjšõkwo ëre, e owa ðëme” še. Eni ga ëye kjrara Sbörë ber šöng së îyado ba tjok wšo ga tjšõkwo ši kjrara. 49Eni ga Sbö tjšõkwo shdöktong kjok eshko kjwang jîkong. 50Gueniyo ga judíoga šöng eshko ši opyono beno šöng Pablo, Bernabé, e wšoyo, ga šanyotkara šok owa wašëga tjwšõ ara, judío ðëm gueniyo Sbö bangkjrë šöng enido wšeniyo kong, domerga tjwšõ ara kjok eshko ši kong bakoe. E kjîshko ga nopga tjwšõ ara ši iirkono ara, ga Pablo, Bernabé, e kroyoywara ara, ichara to kjok eshko dwayo. 51Eni ga Pablo, Bernabé, e opshino kjok eshko dwayoshko ga ba dre pjšungyo šöna šok beno tjeng eshko, e ba wšoyoga ber šöng shdungko šokšo. E irgo ga to jek öötong šöng Iconio kjokyo shara. 52Gueniyo ga Jesús tjšõkwo kjragaga beno šöng Antioquía kjokyo ši, e beno šöng wopjšú, go Sbö Sëya jšõkoyo bakoe.

will be added

X\