Hechos 10

1Cesarea kjokyoshko ga domer sök kjšara ko Cornelio, e ëngkjwaga kägäyo. Tjwe Italia kjokyo dwayo, parkë sök Cesarea kjokyo, ga ba ëngkjwagaga kowëba Italia sopga. 2Domer, e Sbö poshrëk shäng enido wšeniyo, ba pjeyoga šöng ba ushko ši eni bakoe. Ga dbur twe ara judíoga song, ðëye ðëm wšeniyo kong ba kjimtokšo, ga syõshtë Sbö kong îyado. 3Dbar kjwara dšo töy wšeni ga ëbo îna wêšë gueniyo shji yoîno wšeni. Eshko ga Sbö parkaga kjok dogo so weno shäng ba kong kjšara, ga tjšê ba kong ga “Cornelio” še. 4Îya ga beno shäng sëya ðëm, îya beno shäng drëng erä. Eshko ga tjšê ba kong ga “¿Ðë?, Tjšapga.” “Bop syõkwo ši kura Sbörë, ga bop dbur tworop oba song wšeniyo kjimtokšo ši îna. E kjîshko ga Sbö beno wopjšú bop tjok. Ðëye shäryorop uunkong ši, e beno ba kong ba sënggšo wšeni. 5No ichos kjšara jek Jope kjokyo. Domer sök kjšara eshko ko Simón, kowëba Pedro bakoe. E sök Simón obšë, ðëbo shäryaga öng kwota go wšeniyo, e ushko. U ši jong dšung kjako. Simón Pedro ši rokos tek jûshko bop shwoy” še ba kong, 7ga to jek ey dwayo. E irgo ga ba parkagaga rokara Corneliorë tek do pjök, ba ëngkjwaga kjšara tjok. Ba ëngkjwaga ši Sbö bangkjrë ara, ga parkë shäng Cornelio tjok îyado. 8Ðëye shäryono ba tjok kës ši šara ba kong pjir, ga ichara to jek Jope kjokyo. 9Wêshko dšo dšuw dik ga epga jek šöng irbo bäng ääto Jope kjokyoshko ga Pedro jem sök ba u dbo kjing sdok ši kjing go, syõshtë wšo še. 10Eshko ga pjši ara, ië woydë, ga kong dši shäryëba u roshko wopro ga ðëbo îna, gueniyo shji yoîno wšeni. 11Eshko ga kjok dogo îya jem drëng ga döktong beno jong oojong, ga ðëbo ter tjwe pjang kjok dogo dwayo so kjinyokšo kjoyo, kjarbo kjrochak kjringgwo pkëng (4) beno pjang pogšo kjoyo, šono ter pjang töshko. 12Roshko tjeng öng, äya kjšoshko so, sënwa, ðëbo uako wšeniyo obšë obšë, ðëbo uako ðëm wšeniyo obšë obšë bakoe. 13Eni ga ëbo ybö kura pjšara, tjšê ba kong ga “Pedro, pja kojõzong. Kjwe zrös, ga uozong” še. 14Kuya ga tjšê ga “Ðëme, Tjšapga. Ðëbo uako ðëm wšeniyo, e uotë ðëme” še. 15Eshko ga ybö ši kura jek pjšara obi, tjšê ba kong ga “Ðëye iara Sbörë beno pjšú ba kong wšo ši, e owa šëp ðëme” še. 16Shäryono eni pjšogšo mya. E irgo ga kjinyokšo kjoyo ši poyono jem kjok dogo iröng obi. 17Eshko ga Pedro beno sök wotjšîk ara, woydë buke. Ðëye îna, kura ši ðë šokšo woyotjšîya ara. E wopro ga domerga ichara Corneliorë ši öötong šöng u ši wšêk, ga kjimtaraba sira, ga wšênae. Öötong šöng Simón ushko ga 18tjšêno šok dbo go, tjšê ga “Simón, ¿domer kowëba Pedro ši sök jûshkore?” še. 19Eni ga Pedro shäng wotjšîk ðëbo îna, kura ši kjîy obishko ga Sbö Sëya tjšê ba kong ga “Simón, tja kuzong. Domerga tjwe šöng bop wšêk dogšo mya. 20Pja kojõs, pja opšõs jer dew ba îk. Pja jek ba tjok, ga “Tja jek ðëme” šëp ðëm, epga ichaga tjarë kjîshko” še. 21Kuya ga jer opšono töshko, tjšê domerga shrono šöng ši kong ga “Wšêmi šöng ši tja. ¿Pjãy to šöng ðë?” 22”Tjawa ichaga ëngkjwaga kägäyo ko Corneliorë. Domer, e pjšo bek, Sbö poshrëk shäng enido wšeniyo, roy pjšú judíoga kong, woyde šok pjšú tjë jîkong. Kjupke ga Sbö parkaga kjok dogo so weno shäng ba kong kjšara, ga ichara bop wšêk, pja jek ba shwoy wšo, ðëye šëp ši kuya wšo” še ba kong. 23Kuya ga epga rokara jek kjër roshko, ga e shkëyo ga beno šöng ba tjok eshko. Wêshko ga Pedro to jek ba tjok, ga Jesús tjšõkwo kjragaga šöng eshko Jope kjokyo ši kjong kjong jek ba tjok bebi. 24Kjòshko ga jek öötong šöng Cesarea kjokyo, koshe Corneliorë sök šishko. Eshko ga ba pjeyoga töna šöng ba tjok, oba obšë ba miydë pjšú wšeniyo mana beno šöng ba tjok eshko bakoe. 25Pedro öötong shäng ba ushkoshko ga Cornelio opshik tek tjwe shäng ba wšokjrë, ga kjök torgö, kjujongö sök ba dre zšong, Pedro poshrëk wšo šara. 26Gueniyo Pedro tjšê ba kong ga “¡Pja kojõzong! Tja no, so pja kjoyo eröe” še. 27Shäng šan ba tjok wopro ga opzrëno jek ba tjok u roshko, ga îna ga oba töno tjeng ara eshko. 28Eshko ga tjšê ba kong šok ga “Miydëmi pjšú ga tjawa judíoga borwa kjok ðgwekkšo go ga tjawa tön nopga judío ðëm wšeniyo tjok ðëm, tjawa äär ba ushko ðëm bakoe. Gueniyo ga tja pina Sbörë ga ëye iara beno pjšú ba kong wšo ši, e owa šër ðëme. 29E kjîshko ga tja rokoromishko ga tja to tek mašing bomi shwoy, ðëye šoror eshko ðëme. Eni ga tja rokoromi ðëno miydër woydë” še. 30Kuya Corneliorë ga tjšê ba kong ga “Eeri ga öötong dbargwo pkëng (4), kjok eni ga tja sök syõshtë bor ushko, shäryër dšo töy enido wšeni. Eshko ga domer weno shäng kjšara bor bokshto, shwong kãšã shjiye. 31Ga tjšê bor kong ga “Bop syõkwo ši kura Sbörë, ga oba song wšeniyo kjimtorop sorë ši îna. 32No ichos kjšara jek Jope kjokyo. Domer sök eshko kjšara ko Simón, kowëba Pedro bakoe. E sök Simón obšë, ðëbo shäryaga öng kwota go wšeniyo ushko. U ši jong dšung kjako. Simón Pedro ši rokos tek jûshko bop shwoy” še. 33”Eni ga nopga ichoror jekdo bop wšokjrë, ga pja opshäryono pjšú, pja to tek. Eni ga tjawa šöng jûshko tjë jîkong Sbö bokso, ðëye šara bop kong ši šëp borwa kong, kurwa wšo” še. 34Kuya ga tjšê ba kong šok ga “Era miydër kjwšë ga shji tjëyoga obšë obšë woyde Sbörë uunkong, shji ber tjeng dboy dboy ame. 35Eni ga nopga kjok shto obšë obšë so ë pogo ba bangkjrë, ðëbo pjšo bek ši shäryë wšeni ga wšokjre Sbörë uunkong. 36Sbö tjšõkwo ichono Israel tjëyoga kong, tjšê ga nopga uunkong pjšuyo ši, e Jesucristo, ga ba kjîshko ga shji ber šöng wšêp Sbö tjok ga pjšúe. 37”Ðëye shäryono Judea kjokyo kjok kjwang jîkong ši, e miydëmi pjire. Bäm go ga domer weno shäng kjšara Galilea kjokyo ko Juan, tjšê ga “Woyde Sbörë ga shji wëba jer di roshko” še eni. 38E irgo ga Jesús, Nazaret so ši weno shäng Galilea kjokyo. Go Sbö Sëya ichara Sbörë shrono beno kësbang ba tjok, ga kong dbo twara kësbange. Sbö shäng ba tjok kjîshko ga to jek shäng ðëbo pjšú shäryë, ga nopga tjeng Ä wšoshko ši poptara uunkong. 39Ðëbo shäryara Jesúsdë ara Judea kjokyo, Jerusalén kjokyo bakoe. Ga tjawa beno šöng e înorwa jšõe šaga. “Ðëbo shäryara kës ši irgo ga šöraba pjang kjšös go, ga zrörabae. 40Gueniyo öötong dbargwo mya ga woshrara Sbörë iröng obi, ga pina borwa kong, înwa wšo. 41Gueniyo ga pina oba uunkong kong ðëm, ëye kjrara Sbörë ber e înorwa jšõe šaga ši kong eröe. Woshrara Sbörë iröng obi irgo ga tjawa iono ba tjok. 42”Tjawa ichara ðëye înorwa ši roy šë oba kong, Jesús iara Sbörë beno nopga šöng sëre, wošonore, e ðgwega šë oba kong bakoe. 43Tek dënashko ga Sbö tjšõkwo šagaga šöng kës ši tjšêno ba kjîshko. Tjšê ga ëye mär ba go ga owa pjang ba go ši šòya Sbörë ber dret Jesús kjîshko” še. 44Pedro shäng tjšê obishko ga nopga šöng kës tjšõkwo kuga ši go Sbö Sëya shrono beno kësbang ba tjok. 45Eni ga tjšê šöng kjok shto obšë obšë so tjšõkwo, ga Sbö poshrëya šok ara. Kuya Jesús tjšõkwo kjragaga judíoga tek šöng Pedro tjok širë ga beno šöng yëy še erä, ba Sëya twara Sbörë nopga judío ðëm wšeniyo kong bako kjîshko. Eni ga Pedro tjšê judíoga ši kong ga 47“Nopga kjwe go Sbö Sëya shrono ba kong, shrono bi kong dik bakoe. ¿Eni ga wëy ga ä šaga ërë?” še. 48Eni ga Jesús tjšõkwo kjragaga judío ðëm wšeniyo ši rokara Pedrorë tek ba shwoy, we Jesucristo ko goshko wšo. Ga rokara šok Pedro kong ga ber sök ba tjok eshko dbar kjwöböso guing še.

will be added

X\