3 Juan 1

1Kjibokwo ëre taga tja bomi tjšapgarë. Gayo, kjibokwo ëre ichër jek bop kong. Pja bor kjšara, pja woydër ara jšõkoyo. 2Pja bor kjšara. Miydër pjšú ga pja jëk shäng pjšú Sbö tjok. Eni ga rokër Sbö kong ga pja kjimte, bop doyo ber pjšú eni bako wšo. 3Pja roy söra bi pjeyoga kjone kjonerë bor kong. Kuror ga pja mär shäng Jesús go jšõkoyo, pja jëk shäng tjšõkwo bek ši go bakoe. E kjîshko ga tja wopjšú anmoyõ. 4Roy kur ga bor wapga wšeni jëk šöng tjšõkwo bek ši goshko ga tja wopjšú anmoyõ. 5Pja bor kjšara. Tjšapga Jesús tjšõkwo kjragaga kjimtëp enido, pjeyoga miydëp ðëm ëmdë ga kjimtëp bakoe. 6Epga kjimtorop sorë ši šara šok Jesús tjšõkwo kjragaga šöng ši kong. Epga äär eshko obishko ga kjimtos jek eni obi, woyde Sbörë sorë ši eni. 7To šöng Jesucristo pak shäryë, kjimtara nopga Sbö miydë ðëm wšeniyo širë ðëme. 8E kjîshko ga woyde ga bi pjeyoga eniyo tjwe bi shwoy ga wšokjrëy šöng wopjšú, tjšõkwo bek ši shdär jek këgong wšo. 9Kjibokwo ichoror jek Jesús tjšõkwo kjragaga šöng ši kong kjwara. Gueniyo domer shäng kjšara eshko ko Diótrefes. Tjawa koše woydë ðëm, nopga obšë ichë ä kjîshko. 10Tjawa jyõyotke ara. Bi pjeyoga wšokjre woydë ðëm bakoe. Ëye omwšokjrono ga iche tön tjšõkwo kjragaga šöng ši tjok ame. E kjîshko ga tja jek äär eshko ga wšon kjšuwe. 11Pja bor kjšara. Îp ga no obšë ðëbo owa shäryë ga pja omshäryë eni ðëme. Ðëbo pjšú shäryopdë eröe. Ëye ðëbo pjšú shäryë ga e Sbö î. Ëye ðëbo owa shäryë ga Sbö miyde ðëme. 12Domer shäng kjšara ko Demetrio. Era pjšúe še nopga uunkongdë eni. Tjawa omšë eni bakoe. Miydëp pjšú ga tjawa tjšê beke. Ga miydër pjšú ga tjšõkwo še shäng ši, e beke. 13Tja ðëbo šë woydë ara bop kong, gueniyo tër woydë kjibokwo go ðëme. 14Pja în woydë wop ä, shji šan ëng tjok wšo. 15Rokër Sbö kong ga pja ie ber sök wšêpe. Bop pjeyoga šöng jûshko ši, “¿Pja yonde?” še šok bop kong. Bop pjeyoga šöng eshko bop tjok ši, “¿Yonde?” šëp kjšara kjšara kong bakoe.

will be added

X\