2 Pedro 1

1Kjibokwo ëre taga tja Simón Pedrorë. Tja parkë Sbö tjšõkwo roy šaga Jesucristo ãska. Bi Sbö, bi döga Jesucristo ši, e pjšo beke. E kjîshko ga tjawa Sbö tjšõkwo roy šagaga iara šok beno šöng mär ba go. Era tjwšõ ara. Nopga mär šöng ba go borwatoy dik, kjibokwo ëre ichër jek bomi kong. 2Sbö, bi Tjšapga Jesucristo, e miydëmi pjšú kuzong ga rokër ba kong šok ga ba wopjšú ši kjîshko ga pjãy kjimte šok ara, pjãy ie ber šöng wšêp bakoe. 3Sbö, e pjšú, kësbang, tjwšõ ara bakoe. Eni ga shji rokara ber šöng së îyado wšo, shji jëk šöng pjšo bek wšo bakoe. Shäryëy eni wšo ga ba dbo ara go ga shji ichara beno šöng ba miydë pjšúe. Ðëye woydëy obšë ðëme. 4Eni ga tjšêno bi kong jšõkoyo ga ðëbo twe bi kong kësbang, tjwšõ ara. E go ga pjãy wotjšîk šöng pjšo bek Sbö dik ga pjšú, pjãy wotjšîk šöng nopga Sbö miydë ðëm wšeniyo to šöng ichaga ba wotjšîk owa širë dik ame. 5E kjîshko ga pjãy mär ba go dö ðëm, pjãy jëk pjšo bek bakoe. Gueniyo erö ðëm, pjãy oppîs ðëye woyde Sbörë ši go bakoe. 6Gueniyo erö ðëm, ðëye shäryëmi wšo ga woyotjšîzî yõtso guing. Gueniyo erö ðëm, ðëbo wen bomi kong owashko ga kuzî kjange. Gueniyo erö ðëm, ðëye woyde Sbörë shäryëmi wšo ši, e shäryozîa. 7Gueniyo erö ðëm, pjãy jëk šöng ëng tjok epenga dö wšeni. Gueniyo erö ðëm, bomi pjeyoga obšë woydozî ara bakoe. 8Shäryëmi eni jek këgong këgong ga bi Tjšapga Jesucristo miydëmi pjšú ši ber bomi kong tjwšõ ara, pjãy ðëno ðëme šëba ga äe. 9Gueniyo ëye ðëbo šër bomi kong ëre shäryë ðëm ga e no kjok îgö yõtso ðëm wšeni, e no kjok îgö ðëm wšeni bakoe. Owa pjang ba go tek dënashko ši šöna Sbörë ba kong beno dret ši, e woyojerae. 10E kjîshko ga pjeyoga, pjãy drön ëë, jëk šöng pjšo bek wšo, pjãy rokara, kjrara Sbörë ši miydëba e go wšo. Shäryëmi eni ga pjãy dir ðëm, Sbö rayëmi ðëm, 11ga ðono ga pjãy äär bi Tjšapga, bi döga Jesucristo ši sök no pjšuyo îyado šishko ga pjãy wšokjre wopjšúe. 12E kjîshko ga tjšõkwo bek ëre woyoshrër bomi kong îyado, e kuromi, ga sömi šöng pjšú gueniyo. 13Tja sök së obishko ga e woyoshrër bomi kong îyado. Miydër ga bor pak ši e. 14Gueniyo tja wošon döröe. Šara Tjšapga Jesucristorë bor kong eni tjän. 15E kjîshko ga ðëbo shäryër shäng ara, tja wošono irgo ga pjãy ber šöng tjšõkwo ëre woyotjšîk îyado wšo. 16Tjšapga Jesucristo dbo ara, ga ðono ga tjwe iröng obi. E šororwa bomi kong eni, înorwa om go ga e kësbang, tjwšõ ara kjîshko. Tjšõkwo ëre shirorwa borwa woshko ðëme. 17E iaga Data Sbörë beno kësbang, tjwšõ ara. Tjšêno ba kjîshko ga “Bor Wa ši kjwe. Woydër ara. Tja wopjšú ba tjok” šara eni. 18Sbö tjšêno eni ši kurorwa ter kjok dogo dwayo. Eshko ga tjawa šöng Tjšapga ši tjok dšup jong zrek šishko. 19Miydëy e go ga tjšõkwo šara Sbö tjšõkwo šagagarë dënashko ši, e jšõe. Kjok ro sîshko ga shji iök borkek shjiy, äär jong kjok shröng jã, Dbar Kjokšo wenshko. Tjšõkwo tara šok ši, e beno bi kong iök shjiy eni wšeni bako, äär jong Cristo tjwe iröng obishko jã. E kjîshko ga tjšõkwo ši woyotjšîzî yõtso. 20Miydozî ga tjšõkwo tara Sbö tjšõkwo šagagarë beno šok Sbö kjibokwo go kës ši, e šaga epgarë om go ðëme. 21Ðëbo tara šok ši shira ba woshko ðëm bakoe. Tjšõkwo šara Sbörë ba kong ba Sëya go ši, e tayde šok eröe.

will be added

X\