2 Corintios 9

1Tjšõkwo tër bomi kong, dbur tömi šöng bi pjeyoga kong ši kjîshko ðëm ga pjšúe. 2Miydër ga obšë kjimtëmi woydë jšõkoyo. Tja krono ara Macedonia sopga kong bomi kjîshko. Tja tjšê ba kong ga “Eeri ga öötong šu pjšara ga Acaya sopga wotjšîno ðëbo twë obšë kong” šër eni. Kuya šok ga kjone kjone wotjšîno šöng eni bakoe. 3Gueniyo bi pjeyoga ichër jek äär bomi shwoy, pjãy kjimte dbur töng wšo. Eni ga tja äär eshkoshko ga pjãy poshäryono šöng pjir tjän, pjãy šãyworor sorë ši eni. 4Macedonia sopga jek bor tjok, ga pjãy wšêya šok šöng wšêp wšeni ga tjawa ber šöng šökshko, pjãy šãywororwa pjšú kjîshko. Eni wšeni ga pjãy ber šöng šökshko bakoe. 5Shäryë eni ðëm wšo ga rokoror bi pjeyoga kong ga jek bomi îk bäm go, pjãy kjimte dbur twëmi ši töng, šoromi jšõkoyo sorë ši eni. Shäryoromi eni pjir ga tjawa äärshko ga dbur tönomi tjeng pjir ši twëmi om go borwa kong ga pjšú, pjãy ichaga ërë ðëme. 6Oba tjšê ga “Ëye dwša dgono ara ga bo kjrë ara. Ëye dwša dgono chira ga bo kjrë chira bakoe” šëba eni îyado. Tjšõkwo ëre woyoshrozîa. 7Woyde ga pjãy kjšara kjšara ðëbo twë, woyotjšîmi bomi pjšúshko sorë ši eni. Gueniyo shäryëmi, woydëmi ðëm wšeni ðëm, pjãy ichëba kjîshko ðëm bakoe. Ëye ðëbo twë wopjšú ga woyde Sbörë arae. 8Sbö wopjšú ši kjîshko ga pjãy kjimte ðë pogo go ga pjšú, ðëye pjir bomi kong ðëm wšo. Ga ðëbo twe bomi kong e kjinmo, obšë kjimtëmi e go ga pjšú wšo, 9tak pjang ba tjšõkwo go sorë ši eni. Tjšê ga“Nopga šöng song ši kjimte,kong ðëbo twe ara.Ðëbo pjšú shäryara ši,e ber îyado wšo.” 10Dwša dguëy wšo ši, e twaga Sbörë bi kong. Dši uëy wšo ši, e twaga erë bakoe. Ga pjãy kong ðëbo twe ara, obšë kjimtëmi ga pjšú wšo, ðëbo pjšú wen ara ba kjîshko wšo. 11Eni ga pjãy kong ðëbo twe obšë obšë ara, obšë kjimtëmi wopjšú îyado wšo. Eshko ga ðëbo twëmi ši kjre bi pjeyogarëshko ga epga ber šöng wopjšú Sbö tjok ba kjîshko. 12Kjimtoromi enishko ga ðëye woyde ši ber ba kong. Gueniyo erö ðëme. Nopga ara ber šöng wopjšú Sbö tjok bakoe. 13Kjimtoromi enishko ga miyde nopgarë e go ga pjãy mär Cristo go jšõkoyo, ga Sbö poshrëya šok e kjîshko. Cristo roy pjšú ši kjroromi. Ga obšë kjimtoromishko ga Cristo košoromi bakoe. 14Eshko ga Sbö wopjšú ši kjîshko ga epga kjimtara ara bomi kjîshko. E kjîshko ga ber šöng syõshtë Sbö kong bomi kjîshko wopjšúe. 15Ðëbo shäryara Sbörë bi kong kësbang anmoyõ. Šëy ga tjšõkwoyo drete. Shji wopjšú ba tjok e kjîshko.

will be added

X\