1 Timoteo 5

1Tjšapga këkboga, e ðëbo owa shäryono ga wšõy kjang ðëm, poshdûs yõtso dey, bop data wšeni. Domerga šuyo bop dorko anmoyõra, pja opshäryë bop šëmga tjok sorë ga pja opshäryos ba tjok eni bakoe. 2Wašëga këkbogara, pja opshäryë bop mekë tjok sorë ga pja opshäryos ba tjok eni bakoe. Wašëga šuyo bop dorko anmoyõra, pja opshäryë bop dorga tjok sorë ga pja opshäryos ba tjok eni bakoe. Pja wotjšîk ðëbo owa shäryë ba tjok sira ðëme. 3Syãpgara, kjimtaga ërë ðëm wšeniyo ga kjimtozong. 4Gueniyo ga wapga, tjërga tjok wšeni ga kjimtaga ber epgarë. Sbö bokso ga bek ši e. Epga, e kuna tek chilawa dwayo öötong këskëse. Era ba mekë, ba tjëtë beno syã ši, e kjimtaga ber epgarë shara. 5Syã jšõkoyo, kjimtaga ërë ðëm wšeniyo ga e mär ber Sbö go eröe. Ber shäng syõshtë ba kong shkë dba, kjimte wšo. 6Gueniyo syã, e wotjšîk Sbö ðëm, to shäng ðëye wen ba pjšúshko ši shäryë wšeni ga e tjwšõ ame, no wošono buk wšeni. Era kjimtako ðëme. 7Tjšõkwo ëre šos Jesús tjšõkwo kjragaga kong, ðëbo shäryara šok owa šëba ga ä wšo. 8Ëye ba pjeyoga šöng ba ushko ši kjimtë ðëm ga tjšõkwo kjrara ši, e shärye shäng ðëme. Sbö tjšõkwo kjragaga ðëm šöng ši ëmdë ga ba pjeyoga, e kjimte. 9Jesús tjšõkwo kjragaga kjimtëy wšo ši, e ko tëy kjibokwo go. Syãpga, e ko tëy kjibokwo e go wšo ga woyde ga šu pjšogšo sak tjer (60) jem šëkong eröe. Woyde ga öör sök ba šanma tjok pjšo beke. Woyde ga ðëbo pjšú shärye obšë kong ara, ba wapga kuna pjšo bek, ëye tjwe ba shwoy ga wšokjre sök wopjšú, Jesús tjšõkwo kjragaga äär ba ushko ga dregšo shkwe ber wopjšú wšo, no song wšeniyo kjimte, parkë obšë kong ara bakoe. Woyde ga miydëba e go. Syãpga eniyo ko toydë pjang kjibokwo ši go. 11Gueniyo ga syãpga mite obira ko tako pjang kjibokwo ši go wšo ðëme. Ko tëyshko ga tjšê ga “Tja orkwosmok ame. Tja parkë ber shäng Cristo kong eröe” še jšõkoyo. Gueniyo e irgo ga orkwosmok woydë obi. Eshko ga tjšõkwo šara Cristo kong jšõkoyo ši, e shärye šok ame. E shärye eni ga e ðëbo owa shäryayde. 13E shäryayde dö ðëme. Opsguë šöng shmirkë ara, to šöng sjok sjok oba šöng sorë îk, oba šãywe, tjšõkwo šako ðëm ši še bakoe. 14E kjîshko ga woydër ga syãpga mite obi ši orkwosmok dey. Woydër ga wapga tjok, ga ber šöng ba ushko, ba wapga dë, šãywe bi wšoyogarë ðëm wšo. 15Eerishko ga syãpga kjong kjong Jesús tjšõkwo rayono tjän, beno jëk šöng Ä tjok. Tjšõkwo ëre šër bop kong e kjîshko. 16Eni ga wašëga Jesús tjšõkwo kjraga, ba pjeyoga syãpga tjok wšeni ga woyde ga kjimte om go, pak ši ber Jesús tjšõkwo kjragaga obšë ši kong ðëm wšo, syãpga kjimtaga ërë ðëm šöng ši kjimte šok ga pjšú wšo. 17Sbö tjšõkwo tak pjang ši tjšê ga “Sögša parkokšo wšeniyo, e ichëy dwša kjwokäkshko ga kjamo kjrochako ðëm, dwša ši ue ga pjšú wšo.” Tjšê obi ga “Ëye parkë ga e potjwšêkko.” E kjîshko ga tjšapgaga Jesús tjšõkwo kjraga kägäyo parkë pjšú wšeni ga woyde ga bangkjrëba pjšú, potjwšêkoba pjšú bakoe. Oba pingga Sbö tjšõkwo go, oba poshdungga, e woyde ga bangkjrëba, potjwšêkoba pjšú, obšë obšë ši kjinmo. 19Jesús tjšõkwo kjraga kägäyoga ši rotëbashko ga rotaga no kjšaraso dörë wšeni ga tjšõkwo kjrëp ðëme. Woyde ga no söya ba rotaga širë pjök mya ba tjok, “E înorwa om go jšõkoyo” še šok wšo. Eni ga shdum ga pjšúe. 20Eshko ga ðëbo owa shäryono jšõkoyo wšeni ga woyde ga wšongko oba bokso, bangkjrëba wšo, omshäryë šok eni ðëm wšo. 21Ëye ðëbo owa shäryono ga woydër ga ðgwes yõtso, beke. “Kjwe woydër ara kjîshko ga shdun ðëme” šëy bi pjšúshko ðëme. “Kjwe woydër ðëm kjîshko ga shdun ara” šëy ðëm bakoe. Sbö, Cristo Jesús, Sbö parkagaga kjok dogo so, e šöng bop îga. 22Jesús tjšõkwo kjraga kägäyo kjrëpshko ga shäryëp mašing ðëme. Jëk shäng pjšo bekde îp yõtso guing. Ðëm ga shäng ðëbo owa shäryë wšeni ga owa shärye shäng ši ber pjšú bop kong šëba eni. Ga pja om go ši ðëbo owa shäryë ðëme. 23Gueniyo ga pja bögwo bang ara wop sit wop sit kjîshko ga di iopdë dö ðëm, kjiðgwo bo dyo dbo ara iopdë sira bakoe. 24Kjone kjone ðëbo owa shäryono ši miydëy jekdo. Gueniyo kjone kjone eni ðëme. Miydëy ðëm, jëk sorë înoy yõtso guing. 25Ðëbo pjšú shäryëy ši, e eni bakoe. Ošö ga îkoba wêšë jekdo. Ošö ga îgaba ðëm, gueniyo dbar tjwe kjwara ga miydëba eshko jã.

will be added

X\