1 Tesalonicenses 2

1Pjeyoga, miydëmi pjšú ga tjawa jek öör tjeng bomi îk ši beno pjšú, owa ðëme. 2Miydëmi pjir ga tjawa äätë bomi shwoy ðëm obishko ga tjawa šöng Filipos kjokyo. Eshko ga tjawa šaraba owa ara, ðëbo weno borwa kong owa bakoe. Eni ëmdë ga tjawa kjimtara Sbörë ba tjšõkwo roy pjšú šë bomi kong, tjawa wšoyoga šöng ara gueniyo. 3Tjawa tjšõkwo šono pjšo bek eröe. Tjawa diktong šöng ðëme. Tjawa wotjšîno ðëbo owa shäryë ë tjok ðëme. Ëye jyãpgwërwa wšo šororwa ðëm bakoe. 4Dënashko ga tjawa tjšîna Sbörë, ga tjawa iara beno šöng ba tjšõkwo roy pjšú šaga oba kong. Tjawa tjšêno, nopga ber šöng wopjšú borwa tjok wšo ðëme. Tjawa tjšêno, Sbö ber wopjšú borwa tjok wšo, shji wotjšîk šöng ðë îya sök wêšë kjîshko. 5Miydëmi pjšú ga tjšõkwo wošëso ber pjšú oba kong wšo ši šorwarë ðëme. Miyde Sbörë om go ga tjawa opshäryono nopga to šöng dbur töng ba kong erö wšo wšeniyo dik ðëm bakoe. 6Tjawa to šöng poshrëmi wšo ðëm, poshrëya obšërë wšo ðëm bakoe. Tjawa Sbö tjšõkwo roy šagaga Cristo ãska. E kjîshko ga pjãy kjwe ichororwa borwa kjimtë dbo go ga pjšúe. Gueniyo tjawa opshäryono eni ðëme. Tjawa opyono beno šöng wotöy bomi tjok, mekëga ba wapga dë wšeni. 8Pjãy woydërwa ara. Sbö tjšõkwo roy pjšú šororwa bomi kong wopjšúe. Gueniyo erö ðëme. Tjawa wopjšú bomi tjok kjîshko ga tjawa opyono beno šöng ðë pogo shäryë bomi kong wšo. 9Pjeyoga, tjawa šöng Sbö tjšõkwo roy pjšú šë bomi kongshko ga ëye kong pak twërwa woydë ðëme. E kjîshko ga tjawa parkono shkë dba, tjawa dröno däw, dši ðë wšêk borwa kong wšo. ¿E woyo bomi kong ðëmdo? 10Pjãy omîno šöng, ga Sbö omîno bakoe. Tjawa šöng pjãy Jesús tjšõkwo kjragaga tjokshko ga tjawa jëk šöng pjšo bek, tjawa pogo ðëye dret Sbö bokso, nopga bokso bakoe. 11Miydëmi pjšú ga dataga opshäryë ba wapga tjok sorë ga tjawa opshäryono pjãy kjšara kjšara tjok eni bakoe. 12Pjãy poshdunorwa, pjãy dbokjrë wšo, pjãy wosonkë ðëm wšo bakoe. Sbö, e tjwšõ ara, ga pjãy roke ber šöng ba tjok, sök no pjšuyo îyado šishko. E kjîshko ga pjãy šöng pjšo beke šororwa bomi kong, Sbö ber sök wopjšú bomi tjok wšo. 13Sbö tjšõkwo roy pjšú ši, e nopga î ðëme. E Sbö î. Ga kuromishko ga tjšõkwo ši kjroromi jšõkoyo eni. E kjîshko ga tjawa wopjšú Sbö tjok îyado. Tjšõkwo ši kjroromi kjîshko ga pjãy kjšopswara beno wotjšîk obšë. 14Pjãy shduna bomi pjeyoga eshko so širë. Sbö tjšõkwo kjragaga töno beno tjeng Cristo Jesús tjok šöng Judea kjokyo ši shdungga ba pjeyoga judíoga obi širë eni bakoe. 15Judíoga ëre, e Tjšapga Jesús zröga, Sbö tjšõkwo šagaga tek dënashko so ši zröga bakoe. Tjawara ichara šok to kjok shto obšë. Sbö wopjšú ba tjok šok ðëme. Epga šöng nopga uunkong wšoyo. 16Tjawa tjšê woydë nopga judío ðëm wšeniyo kong, döya Sbörë wšoshko ga tjawa ichara šok ba shäryë ðëme. Eni ga ðëbo owa shärye šok jek këgong këgong. E kjîshko ga Sbö iirkë ara ba kong, ga epga shdûya döröe. 17Pjeyoga, tjawa opshino jek bomi zšong bäng dwayo dbar kjwöbö ga shji ëng îk ðëm, gueniyo pjãy woyotjšînwa ara. Ga pjãy înwa woydë ara kjîshko ga tjawa dröno ara jek bomi îk wšo. 18Tjawa wotjšîno jek bomi îk šororwa. Tja Pablo, tja jek bomi îk šoror pjšöböso, gueniyo tja sona Ärë. 19Tjawa šöng Tjšapga Jesús tjwe iröng obi ši koshë šöng wopjšúe. Eshko ga tjawa šan wopjšú bomi kjîshko ba tjok, tjšõkwo šororwa bomi kong ši kjroromi jšõkoyo kjîshko. 20Jšõkoyo ga bomi kjîshko ga tjawa šöng wopjšú, woowa ðëme.

will be added

X\