1 Pedro 5

1Tjšapgaga Jesús tjšõkwo kjraga kägäyo, pjãy poshdun shara. Tja Jesús tjšõkwo kjraga kägäyo bomipjõy dik. Ðëbo weno Cristo kong owa ši, e înor. Ga tjwe iröng obishko ga ba dbo kãšã pîya nopga kong ši, e ber bor kong bakoe. Eni ga ðëbo rokër bomi kong. 2Sbö nopga tjeng bomi wšoshko ši, e so öng wšêp ushko so kjoyoe. Eni ga epga dozî yõtso. Shäryozî šöng wopjšú, bomi woshko, woyde Sbörë ga shäryëmi eni kjîshko. Shäryëy, shji ichëba guing ðëm, shji dbur shak wšo erö ðëm bakoe. 3Nopga ichëy dbo go ðëme. Ðëbo shäryozî pjšo bek ba bokso, epga omshäryë eni bako wšo. 4Eni ga no daga kägäyo ši tjweshko ga bomi sënggšo tjwšõ ara srer ðëm wšeniyo ši twe bomi kong. 5Dwšasga, kjogšoga, bomi kägäyoga košozîa. “Ëye krë ä ga Sbö wotjšîk owa ba kong. Ëye wotöy ga era kjimte wopjšúe.” E kjîshko ga pjãy uunkong ber šöng wotöy ëng kong îyado. 6Sbö dbo ara. E kjîshko ga pjãy opyos ber šöng wotöy ba bokso, ðono ga pjãy ie ber šöng tjwšõ ara wšo. 7Pjãy de Sbörë. E kjîshko ga bomi woydë kës ši iozî ber tjeng ba wšoshko. 8Pjãy sjëke. Ðëbo shäryëmi ga woyotjšîzî yõtso guing. Ä, bomi moskwo ši to shäng kjone pogo dbong to sök pjširö, dši shak, ue wšo wšeni. Pjãy wšêya woydë to shäng eni še. 9Miydëmi pjšú ga ðëbo owa wen tjwe bomi kong ši, e wen tjwe bomi pjeyoga šöng kjok kjwang jîkong ši kong eni bakoe. E kjîshko ga pjãy drön ëë, jšõ šëmi Ä kong ðëm wšo, pjãy mär Jesús go jšõkoyo wšo. 10Pjãy rokara Sbörë ber šöng së îyado ba tjok wšo, pjãy töno beno tjeng Cristo tjok kjîshko. Eni ga ðëbo weno bomi kong owa dbar kjwöbö ši pjirshko ga pjãy ie ber šöng pjšo bek, wokjang, dbo ara, ðëye bangkjrëmi ðëm bakoe. 11E dbo ara îyado. Ber eni. 12Domer sök kjšara jûshko ko Silvano, e bor kjšarayo parkë pjšú wšeniyo. Tja kjimtaga erë kjibokwo ëre të. Toror sira dö, gueniyo ichër jek bomi kong, pjãy dbokjrë e go wšo, pjãy wosonkë ðëm wšo, pjãy woyde Sbörë sorë ši miydëmi pjšú wšo bakoe. Pjãy mär ber šöng tjšõkwo ëre go jšõkoyo. 13Jesús tjšõkwo kjragaga šöng Babilonia kjokyo ši, “¿Pjãy yonde?” še bomi kong. Epga kjrara Sbörë bomipjõy dik. “¿Pjãy yonde?” še Marcosdë bomi kong bakoe. E bor kong ga bor wa wšeni. 14Pjãy ëng woydë ara kar kar kuzong ga “¿Yonde?” šëmi ëng kong wopjšúe. Rokër Sbö kong ga pjãy töno beno tjeng Cristo tjok ši ie ber šöng wšêpe.

will be added

X\