1 Corintios 8

1Tjšõkwo šër bomi kong, öng zröraba, sho twaraba sböpga jyãgšo kong ba poshrëkkšo ši kjîshko. Ðëbo ëre kjîshko ga shji uunkong ðëbo miydë sira. Ëye ommiydë ara, obšë kjinmo še ga shäng krë erä. Pjšú wšo ga shji ëng woydë ara kar kar dey, shji uunkong dbokjrë e go wšo. 2Ëye kjok miydë še ga ba kjok miydë ši äätë, woyde dik ðëm obi. 3Gueniyo ëye Sbö woydë ga miyde Sbörë pjšúe. 4¿Eni ga öng sho twaraba sböpga jyãgšo kong ba poshrëkkšo ši uëy ga pjšúre? Miydëy pjšú ga sböpga jyãgšo ðë, e tjwšõ ðëme. Sbö sök kjšaraso eröe. 5Sböpga šöng ara kjok dogo, kjok ëre kjing go šëba. Kowëba ba tjšapga bakoe. 6Gueniyo bi kong ga Sbö sök kjšaraso eröe. Data Sbö ši e. E ðëbo uunkong shäryaga, ga shji šöng së parkë ba kong wšo. Shji Tjšapga kjšaraso bakoe. Jesucristo ši e. E go ga ðëbo tjeng kës ši shäryara Sbörë. 7Gueniyo e miyde Jesús tjšõkwo kjragaga uunkongdë ðëme. Dënashko ga kjone kjone sgara šöng ba sböpga jyãgšo ši poshrëk. E kjîshko ga öng sho ši ue šokshko ga sböpga jyãgšo ši woyotjšîya, ga mär šöng Cristo go ma obi kjîshko ga wotjšîk ga öng sho ši, e uako ðëme še. 8Gueniyo shji wšokjre Sbörë ðëye uëy ši kjîshko ðëme. Uoroy ðëm ga shji beno owa Sbö bokso ðëm, uoroy ga shji beno pjšú anmoyõ ba bokso ðëm bakoe. 9Pjãy döra Sbörë beno šöng öng sho ši uë ga pjšúe. Eni ëmdë ga pjãy sjëke. Ðëye uëmi ši kjîshko ga bomi kjšara mär shäng Cristo go ma obi ši ichëmi dir ðëme. 10Pjãy ië sböpga jyãgšo syõ uyo šishko ga pjãy îya bomi kjšara širë kjwe. Miydëmi pjšú ga öng sho ši uëmi ga pjšúe. Gueniyo bomi kjšara mär shäng Cristo go ma obi ši ommiydë ðëme. Eni ga pjãy îna kjîshko ga omshäryë eni bako kjwe. 11Cristo wošono ba kjîshko. Gueniyo eshko ga Cristo rayara bomi kjšara širë, ðëbo shäryoromi ši kjîshko, miydëmi ga ðëbo ši shäryëmi ga pjšú gueniyo. 12Ðëbo shäryëmi bomi pjeyoga mär šöng Cristo go ma obi ši kong owashko ga e shäryëmi šöng Cristo kong wšeni. 13E kjîshko ga ðëbo uoror ši kjîshko ga bor kjšara ši diktong wšeni ga tja sjëng uë ame dey.

will be added

X\