1 Corintios 3

1Pjeyoga, tja shäng bomi tjokshko ga tja tjšê woydë bomi kong, tja tjšê nopga jëk šöng Sbö Sëya go kong sorë ga eni. Gueniyo ga pjãy jëk šöng nopga Sbö miydë ðëm wšeniyo dik kuzong ga tja tjšêno bomi kong, dataga tjšê ba wapga chilawa kong sorë ga eni. 2Chida, e sèyshko ga nä iayde erö, dši kjang ue ga ä kjîshko. Eni wšeni ga tja shäng bomi tjokshko ga pjãy pinor wêšë, tjšõkwo rong kugömi ðëm kjîshko. Gueniyo eerishko ga kugömi šöng ðëm obi. 3Pjãy jëk šöng nopga Sbö miydë ðëm wšeniyo dik obi. Pjãy ymo ara ëng tjok, pjãy ëngšë kar kar bakoe. ¿Eni ga pjãy nopga Sbö miydë ðëm wšeniyo dik ðëmdo? 4Pjãy kjone kjone tjšê ga “Tjawa Pablo î”, kjone kjone tjšê ga “Tjawa Apolos î” šëmi eni. Pjãy tjšê enishko ga pjãy jëk šöng nopga Sbö miydë ðëm wšeniyo dik. 5¿Apolos, e ë? ¿Pablo, e ë? Tjawa Sbö parkaga döe. Borwa kjîshko ga pjãy oppino mär Cristo go. Tjawa ichara Tjšapgarë ðë shäryë ši, e shäryorwarë eröe. 6Dwša dgaga wšeni ši tja, di sguingga dwša kjing go wšeni ši Apolos, gueniyo dwša wengga wšeni ši Sbö. 7Eni ga dwša dgaga ši, di sguingga ši, e tjwšõ ara ðëme. Tjwšõ ara ši, e Sbö, dwša wengga wšeni ši e. 8Dwša dgaga ši, di sguingga ši, e tjwšõ bek, ga potjwšêya Sbörë pak shäryara ši kjîshko. 9Tjawa so Sbö parkagaga kjoyo, ga pjãy so dwša dgokšo kjokyo kjoyoe. Pjãy so u shärye Sbörë shäng kjoyo bakoe. 10Sbö wopjšú ši kjîshko ga tja iara beno u shäryaga wšeni. Eni ga u shakkšo shäryoror bäm goshko. Obšë shäng u ywë ba kjing go. Gueniyo ëye u ywë ga woyde ga shärye yõtso. 11U shakkšo iak buk ši, e Jesucristo, ga ëye omkjšopswë ber obšë wšo ga äe. 12U shakkšo ëre kjing go, kjone kjone u ywë ðëbo srer ðëm, suya ðëm wšeniyo go, dbur sho shõyšør, dbur sho pjšubšún, akkwo wošësowa tjwšõ ara wšeni bakoe. Kjone kjone obi u ywë ðëbo srer, suya wšeniyo go, kjorkwang, kjšo sho, dwša kasho bakoe. 13No ðgwezšong dbaryoshko ga shäryara pjšúre, de oware, e ber wêšëe. Eshko ga ba pak ši tjšîya iök go. 14Ëye ba pak shäryono ši beno pjšú ga potjwšêya Sbörë. 15Ëye ba pak shäryono ši sura pjir ga ba pak ši jeno ba shjiryo, gueniyo era där, no döktong u pjono pjir roy dwayo wšeni. 16Pjãy go Sbö Sëya. Eni ga pjãy Sbö u wšeni. ¿E miydëmi ðëmdo? 17Ëye Sbö u shdök ga pjiya Sbörë bakoe. Sbö u, e zrek, ga ba u še ši, e pjãy om go. 18Pjãy opjyãpgwë om go ðëme. Pjãy kjone kjone kjok miydë kjok ëre kjing go šëmi wšeni ga woyde ga opyë ber šöng kjok miydë ðëm kjok ëre kjing go wšeni, äär ber kjok miydë ara jšõkoyo wšo. 19Sbö kong ga kjok miydë kjok ëre kjing go ši, e tjwšõ ðëm, tak pjang Sbö tjšõkwo go sorë ši eni. Tjšê ga “Ëye ðëbo shäryë ba kjok miydë om go ši goshko ga doshaya Sbörë e go.” 20Sbö tjšõkwo tak pjang eni bakoe: “Nopga kjok miydë ara še ši wotjšîk ðë, e miyde Sbörë pjir, ga ba kong ga tjwšõ ðëme.” 21Ðëbo uunkong twara Sbörë bomi kong pjir tjän. E kjîshko ga ëye krë nopga kjok miydë ara kjîshko ame. 22Tja, Apolos, Cefas, tjawa iara Sbörë beno šöng bomi kjimtaga. Ðëbo tjeng kjok ëre kjing go kës ši, e twara beno pjšú bomi kong. Pjãy šöng sëre, de pjãy wošonore, ðëbo uunkong shärye ber pjšú bomi kong. Ðëbo wen bomi kong eerishko ši, bong kjönma ši, ðono ši, e shärye uunkong ber pjšú bomi kong bakoe. 23Pjãy Cristo î, ga Cristo, e Sbö î.

will be added

X\