1 Corintios 10

1Pjeyoga, bi tjšapgaga tek dënashko so jëk to šöng pjäng sho ši dorko, ga dipzono tek Dšung Srëzrën kjwo na šëkong. Woydër ga e woyotjšîzîa. 2Epga wara pjäng sho ši, dšung širë wšeni, ga beno šöng Moisés tjok eni. 3Epga uunkong mär šöng dši ter shrono kjok do dwayo ši go, 4di ichara Sbörë tur ak roy dwayo ši go bakoe. Gueniyo daga ak širë ðëm, daga to shäng ba tjok ši, e Cristo om go širë. 5Eni ëmdë ga Sbö beno wopjšú epga ara tjok ðëm, ga ba dbogšo iara beno tjeng kjok dogro no ðëm šishko ðaw pogo. 6Ðëbo ëre shäryono beno bi kong, shji poshdûya wšo, ðëbo owa ši woyotjšîy baîya dik ðëm wšo. 7Epga kjone kjone sböpga jyãgšo poshrëno, tak pjang Sbö tjšõkwo go sorë ši eni. Tjšê ga “Nopga ši wšoktong, ga iono ara. Pjir ga kojono šok, ga bërkono, ðëbo owa shäryono ara.” Shji opshäryë eni baîya dik ðëme. 8Epga kjone kjone orkwosmono ë tjok ðëm ëmdë ga pono ba tjok. E kjîshko ga wošono dogšo sak dbäw dbäw pjšogšo sak pjök kjingsho sak dbäw dbäw pjšogšo mya (23,000) dbar kjwaraso. Shji opshäryë eni baîya dik ðëme. 9Epga kjone kjone Tjšapga tjšîno. E kjîshko ga epga uara dgurdë, ga wošonoe. Shji opshäryë eni baîya dik ðëme. 10Epga kjone kjone Sbö šãywono owa. E kjîshko ga ba parkaga kjok dogo so ichara ba zrök. Shji opshäryë eni baîya dik ðëme. 11Eerishko ga shji šöng dbar pjitoshko. Ðëbo shäryono epga kong kës ëre beno bi kong, shji poshdûya wšo. 12Eni ga pjãy wotjšîk ga pjãy kjang, pjãy dir ga äe šëmi wšeni ga pjãy opdë ara, pjãy ðëbo owa shäryë baîya dik ðëm wšo. 13Pjãy wotjšîk ðëbo owa shäryëshko ga e wen ë pogo kong eni, e woyotjšîzîa. Shji raye Sbörë ðëme. Eshko ga pjãy ie ber šöng tjšîya äär jong kumi ma go ðëme. Wen bomi kong enishko ga pjãy kjimte, pjãy där eshko dwayo ga pjšú wšo, ðëbo owa shäryëmi ðëm ga pjšú wšo bakoe. 14E kjîshko ga pjeyoga, shji sböpga jyãgšo poshrëk ðëme. 15Tja tjšê bomi kong, pjãy šöng kjok miydë wšeniyo. Ðëbo šër ši enire, de eni ðëmde, ðgwezî pjãydë om go. 16Tjšapga Jesús woyoshrokšo dšiyo ši uëyshko ga shji tjšê Sbö kong ga shji wopjšú ba tjok, kjiðgwo bo dyo dbo ara ši kjîshko. E irgo ga iëy, shji kjimtara Cristo srëngdë ši šokšo. Ga pjšung shosho suk pjir šira toy, ga uëy, shji kjimtara Cristo doyorë ši šokšo. 17Shji šöng eshko ara, gueniyo shji doyo kjšaraso wšeni, pjšung shosho suk pjir uëy ši kjwaraso dö kjîshko. 18Israel tjëyoga öng zrök, sho suk Sbö kong ši woyotjšîzîa. Öng sho ši ue šok eshkoshko ga uunkong šöng eshko ši šöng Sbö poshrëk, ga ber šöng no kjšaraso wšeni e kjîshko. 19Öng sho twaraba sböpga jyãgšo kong ši tjwšõ tjok šotë ðëme. Sböpga jyãgšo ši tjwšõ tjok šotë ðëm bakoe. Gueniyo nopga Sbö miydë ðëm wšeniyo sböpga jyãgšo sëngshko ga ba sënggšo ši ber Ä sëyaga poshrëkkšo, e Sbö poshrëkkšo ðëme. Woydër ga pjãy tön Ä sëyaga tjok ðëme. 21Ä sëyaga sënggšo ši uëmi wšeni ga Tjšapga Jesús woyoshrokšo dšiyo ši uëmi ga äe. 22Shji ymoyotke Tjšapgarë ara. Shäryoroy eni kjwe ga iirkë bi kong ara. ¿Shji dbo ara ba kjinmo šëmiro? 23”Ðëye shäryëy woydë ši shäryëy ga pjšúe” šëmi eni. Gueniyo ðëbo uunkong shäryëy ši ber pjšú bi kong ðëme. Ðëye shäryëy woydë ši shäryëy ga pjšúe. Gueniyo ðëbo tjeng kës ši, shji kjimte ðëme. 24Ðëbo ber pjšú bi kong ši wšêydë ðëme. Ðëbo ber pjšú obšë kong ši wšêydë dey. 25Sbö tjšõkwo tak pjang eni: “Ðëbo tjeng kjok ëre kjing go kës ši, e Tjšapga î.” E kjîshko ga sjëngna tjeng ba soynezšong uyo roshko ši tjwšêmi, uëmi ga pjšúe. Ðëbo shäryëmi šöng oware, de pjšúre, e woyotjšîmi ðëme. Tjwe kjone dwayo kjakrokëmi ë kong ðëm bakoe. 27Sbö tjšõkwo kjragaga ðëm wšeniyo, pjãy maya jek ba shwoy še ga pjãy jek ga pjšúe. Ðëye twe bomi kong eshko ši uëmi pjire. Ðëbo shäryëmi šöng oware, de pjšúre, e woyotjšîmi ðëme. 28Gueniyo ga ëbo tjšê bomi kong ga “Sjëngna kjwe twaraba sböpga jyãgšo kong” še bomi kong wšeni ga uëmi ðëm, ba šaga ši wotjšîk ga sjëngna ši uëy ga äe še kjwe kjîshko. 29Bomi kong ga uëmi ga pjšú, gueniyo uëmi ðëm, obšë ši kjîshko. Gueniyo kjone kjone tjšê bor kong ga “Miydër ga ðëbo shäryër ga pjšúe. ¿Eni ga shäryër ðëm, obšë kjîshko ega? 30¿Tja tjšêno ga “Sbö, tja wopjšú bop tjok, dši ëre kjîshko” šoror pjir ga uër ga äe šëmi bor kong ega?” še bor kong eni. 31Pjãy ië, pjãy di ië, ðëye obšë shäryëmi dö ga shäryozî uunkong eni, Sbö iëba ber kësbang, tjwšõ ara bomi kjîshko wšo. 32Shji obšë ichë dir ðëme. Judíoga, nopga judío ðëm wšeniyo, Sbö tjšõkwo kjragaga, e ichëy dir kjšara ðëme. 33Tjara drön ëë, ðëbo pjšú shäryë oba bokso wšo îyado, ðëbo ber pjšú obšë kong wšo, epga där wšo, ðëbo ber pjšú bor kong wšo ðëme.

will be added

X\