1 Bɛdèmbɛ̀ kóo kótì dìèmmɛ̀ Asɑfu yɛ̀nfɛ̀ bɛ̀ dìè nfɛ̀ kɛ biennɛ̀ tibómbonti iwɛ̃ĩ kpɛti. 2 Kuyie nyètìrì feímu Sudɑɑ kɔbɛ cuokɛ̀, ku yètìrì dɛumu bɛmbɛ Isidɑyɛɛribɛ borɛ̀. 3 Ku cĩ́ɛ̃̀tɛ̀ bo Sɑdɛmmu nwe kù ɑ̃ Siyɔ̃ɔ̃ nwe. 4 Dɛǹdɛ Kuyie nkèkɛ́mɛ̀ bɛtɑ̃ntɑ̃ũbɛ̀ pie, bɛ dɔpììtì nɛ̀ bɛ̀ kpɑ̀rìse, bɛ kpɑ̀rìnɛntì timɔu. 5 A nɑ́ɑ̀ ndɛumu nɛ̀ ɑ wenniku, ɑ dɛumu kɛ pɛ̃ɛ̃tɛ́ yɛtɑ̃rɛ̀ yɛ̀ɛ̀ do bonɛ̀ dimɔ̀nnì. 6 Yɛkɔ̃m̀bɔ̀ yɛmbɛ̀ yɛ̃̀ nkɛ duɔ́mu kɛ̀ bɛ̀ bɛ̀ ɛí, bɛkpɑ̀rìtiebɛ nɔu bɛ̀ìtɛ̀mu. 7 Kuyie nSɑkɔbu do tũ nkù kuù pɛ́i, sikpɑ̀rìnɑɑsɛ̃ĩ́ nɛ̀ bɛhɑ̃ɑ̃pɔ̀nsɑ̃ndèèbɛ̀ kɛ̀ bɛ̀ yɛ̃̀ nkɛ duɔ́. 8 Kuyie nhɑ duò tikɔ̃m̀bùɔ̀tì nti, kɑ̀ɑ miɛkɛ pɛikɛ dìì yiè we mbo dɑ́ɑ́tí kɛ́cómmú ɑ ììkɛ̀? 9 Kuyie nhɑ bo kɛĩ́nkɛ̀ nkɛ kɛ nɑ́ɑ́nní ɑ tɑ̃ɑ̃tɛ́ tì, kɛ̀ kufɔ̃wɑɑ́ mpĩ kɛtenkɛ̀ kɔbɛ kɛ̀ bɛ̀ yɛ̃ nyúóó! 10 A ìtɛ́ dìì mɔ̀nnì kɛ bo bekɛ́nɛ̀ kutenkù, kɛ́dɛɛtɛ́ bɛ̀ɛ̀ kɛ̃́kùnnɛ bɛmɑ́ɑ̀. 11 Bɑ́ bɛnìtìbɛ̀ kó kɛmiɛkɛ kɛ̀ dɛ̀úkùnkomu ɑ yètìrì, bɛ̀ɛ̀ bo cootɛ́ ɑ miɛkɛ bo pɛikɛ dìì yiè bɛ̀ bo ɑ̃nnɛ́ dibɑnni ɑ kpɛ́í. 12 Dí dɔúnnɛ̀ di Yiɛ̀ nKuyie nyɛnɔ̀ kɛ́ yɛ̀ dɔ̀ɔ̀, díndi bɛ̀ɛ̀ kù tɔ̀kɛ́nɛ̀, pɑ̃mmúnɛ̀ ku yɛpɑ̃rɛ̀, kù duò tikɔ̃m̀bùɔ̀tì nti. 13 Kuù kèkíí sikpɑ̀ɑ̀tìbìí kó muwemmu, kutenkù kó bɛkpɑ̀ɑ̀tìbɛ̀ í kù dɑɑti.
