Kăl-Fĕlibb 2

1Ămăra, šămad tinmĕdhilăm jer-iman-năwăn dăɣ-tĕssĕba n-tassaɣt ta jăm d-Ălmasex, šămad tănimăṭṭăfăm jer-iman-năwăn dăɣ-tărha i-ad-tăṭṭĕfăm iyyăn n-emm s-tărna n-Unfas, adiš, nĕmărhăt jer-iman-năwăn, tĕnmĕḍinăm tăhanint. 2Ămăra d-jăm tartit jat s-iyyăn n-ulh, kunta tărham ad-hi-ijrĕẓ a-wa hăm, adiš, nĕmĕṭṭĕfăt jer-iman-năwăn, tĕnmărhĕm jer-iman-năwăn, tumasăm šund iyyăn n-ăwadĕm, talăhăm d-ăddinăt oharnen iyyăn n-ittus. 3Wăr tăjjăt a dăɣ-wăr kĕttĕwăm ar iman wi-năwăn, wăr săjarăt iman-năwăn ăddinăt, ănn-ak, sărĕsăt iman-năwăn, tĕjĕm făw ăddinăt wi iyyăḍnen jĕnnĕj-wăn. 4Wăr tošelăm ɣas ḍarăt tĕnfa n-iman-năwăn, ănn-ak, immăɣet hak iyyăn dăɣ-wăn i-a-wa he infun tamĕtte iket-net. 5Tălălăt ĕnniyăt wa făll-igla Ɣisa Ălmasex, tĕglĕm fălla-s kăwăneḍ-dăɣ. 6Ǝnta, a-wa ămoos Măssinăɣ, ămoos-t iket-net măšan, wăr-itter ad-has-tumas tumast n-Măssinăɣ măltaɣ dăɣ-ăkkermămmăy i-ad-isigdăh iman-net d-Măssinăɣ s-ăššil, 7ănn-ak, oyyă a-wen-dăɣ iket-net, ijă-dd iman-net akli, olăh-dd d-dăgg-adĕm i-ad-dăr-săn alăh hărăt iket-net. 8Ăsrăs iman-net i-ad-ămašăl erhet n-Măssinăɣ, irḍa s-tamăttant, tamăttant ta sĕmmăt n-tajĕttewt. 9Tĕssĕba n-a-wen-dăɣ ămešăl, a făl t-iḍkăl Măssinăɣ jĕnnĕj-hărăt iket-net, ikf'-e isĕm t-illan jĕnnĕj-ismawăn iket-năsăn. 10A-wen, ij'-e Măssinăɣ dăɣ-tĕssĕba n-a-s ed ătwăɣra isĕm wa n-Ɣisa, ad-data-s irkăɣ a-wa ihăn išĕnnawăn d-a-wa ihăn ăkall d-a-wa t-illăn daw-ăkall, iɣbĕd-t; 11ăjjayhĕn ăddinăt iket-dăɣ-năsăn, a-s Ɣisa Ălmasex, a-s Emăli; itwĕsĕmɣăr s-a-wen-dăɣ isĕm wa n-Abba Măssinăɣ. 12Ayĕtma, kăwăneḍ-i ĕkneɣ tărha, mašălăt măjrăd n-Măssinăɣ, săxdĕmăm ĕlɣĕllas wa kăwăn-ikfa Măssinăɣ dăɣ-tuksĕḍa-net d-asĕmɣar-net. A-wen ăjăt-t jer-ĕlleɣ-t jere-wăn băršeɣ ašăl-i-dăɣ d-wăr ɣur-wăn t-ĕlleɣ, ĕjlĕyăt daɣ hullan dăɣ-a-wen-dăɣ ed 13Măssinăɣ iman-net i săr-wăn dd-orăwăn tărha d-tădabit n-iji n-a-wen a kăwăn-e-idhĕlăn i-ad-tudabem amišĕl n-erhet-net. 14A tăjjăm-dăɣ, ăjăt-t wăla abjĕnjĕn, wăla tekenẓart. 15Wăr kăwăn-itĕggaret uḍlem wăl' iyyăn, išdajăt, umasăt aratăn n-Măssinăɣ wăr-iwer ălɣib wăl' iyyăn kud-dăɣ tĕzzaɣăm jer-ĕzzurĕyăt tĕfraɣăt, tănimăšrăyăt i-Măssinăɣ. Umasăt i-ăddinăt šund ănnur ămilăwlăwăn dăɣ-tihay s-ĕmmĕk-wa-dăɣ s-ăsimăɣmăɣăn etran dăɣ-išĕnnawăn. 16Ăjăt-asăn isălan n-Ălĕnžil-i tĕṭṭăfăm ihăkkăn tămudre, dihen, afăl ašăl-wa dd-iqqăl Ălmasex, ad-hi-umas alkum-năwăn-has tăsonḍaḍt tăssiitbătăt a-s wăr-ăxdemăɣ, wăr-ĕnheyăɣ aɣăna bănnan. 17Tĕssĕba n-a-wen a făl wăr hi-issărmăɣ făw ad-inɣĕl ašni-nin, ămmătăɣ făw, umasăɣ šund takute tăwweḍăt făll-immun-năwăn s-Măssinăɣ. Ăddiweɣ, oharăɣ dăr-wăn daɣ tedăwit-ten-dăɣ. 18A-wen-dăɣ a făl dăwătăt i-ad-dăr-wăn ahărăɣ năkk-dăɣ tedăwit ta jăm. 19Kunta otăs Emăli Ɣisa s-a-wen, diha-dăɣ s-a ĕnḍărrăn, jarăɣ ăṭṭăma n-ad-săr-wăn-in-šĕmmišĕlăɣ Timoti i-ad-hanăɣ-dd-ăj isălan-năwăn, ismaḍ ulh-in. 20Ǝnta-en-dăɣ ɣas a dăr-i oharăn ăddăgaẓăt wa jeɣ fălla-wăn, wăr ɣur-i t-illa daɣ ere săl ĕnta. 21A-wa iyyăḍăn dăɣ-ăddinăt, ĕššăɣĕlăn n-iman-năsăn ɣas a dăɣ-ošalăn wădden dăɣ-wi n-Ɣisa Ălmasex. 22Dăɣ-a-wa dd-iqqălăn Timoti, tĕssanăm kăwăneḍ iman-năwăn a-s ănaxdim s-tidĕt a ămoos; ikf' iman-net hullan i-iji n-isălan n-Ălĕnžil, nămoos năkk d-ĕnta šund abba d-rure-s. 23Ǝnta-en-dăɣ a-s jarăɣ ăṭṭăma n-ad-t-in-šĕmmišĕlăɣ săr-wăn, afăl ĕlmădăɣ a-wa dăɣ-i-dd-e-išrĕyăn. 24Ǝkkasăɣ ăššăk a-s kunta otas Emăli a-wen-dăɣ, wăr-e ăhajăɣ wăr kăwăn-in-oseɣ năkk iman-in. 25Măšan, iket-di d-ităjj a-wen, ăšimašălăɣ-in săr-wăn Ibbafărodit wa n-ă/n/na-ɣ dăɣ-ăddin dăr-oharăɣ ălxidmăt i-Ɣisa. Wăr t-illa anmănɣ ĕjjašăɣ dăɣ-iji n-isălan n-Ălĕnžil s-wădden ănmăjjaš-t dăr-i, ĕnta-en-dăɣ a săr-i dd-tăšmašălăm, ăwway-ahi tirjĕt-năwăn. 26Naqq'-e tenere-năwăn. Ikm'-e măsăllăt wa jăm n-a-s ărhin hullan. 27Tidĕt-dăɣ a-s ărhin har ăbas t-norda tămudre măšan, oḍăn-as Măssinăɣ tăhanint, oḍăn-ahi-tăt năkk-dăɣ i-ad-wăr făll-i dd-tiwwaḍ tisnant tojărăt ta hi-tărmasăt ămăra-dăɣ. 28A-wen-dăɣ a făl t-in-ăsrarădăɣ săr-wăn i-ad-t-talĕsăm ahănay, tăddăwem, tĕfnĕẓ făll-i tisnant năkk-dăɣ. 29Sĕbbărrĕkăt-t afăl kăwăn-in-iqqăl, tĕjĕm-as daɣ asĕbbărrĕk wa dăr-ănihăjja ere ila Emăli ed ăddinăt šund-win-dăɣ a ănihăjjănen d-ad-tăn-sĕmɣărăm. 30Ǝnta-en-dăɣ a dăɣ-hawăn-ăssewălăɣ, ĕnneɣ-awăn, dăroɣ hin-ăssijjă a-wa-dăɣ has-ija ălxidmăt i-Ălmasex. Iglă har ijă iman-net dăɣ-miši, ij'-ahi dăɣ-idăggan-năwăn a-wa s-ănihăjja a-s kăwăneḍ a hi-t-ijăn ĕnnăr t-tĕllam edes-hahi.

will be added

X\