Yaqub 4

1Ǝndek siha s-dd-han imjărăn d-ikĕnnasăn wi kăwăn-hănen? Ajăn wădden erk derhanăn wi tĕggasnen dăɣ-ulhawăn-năwăn? 2Sadărhanăm a ăjjeen wăr jărrĕwăm, wăr t-jărrĕwăm ed tămoosăm išĕnja n-imăjjan n-iman s-iha munkăẓi ulhawăn-năsăn, tăsidăwăm a-wen d-amjăr d-akĕnnas. Wăr jărrĕwăm a-wa tattărăm dăɣ-Măssinăɣ ed tajjăm-as erk utăr 3meɣ daɣ a-wa tattărăm wăr t-jărrĕwăm ed a-s t-tattărăm, tattărăm-t s-erk ĕnniyăt dăɣ-wăr kĕttĕwăm ɣas ar tănoflayt n-iman-năwăn. 4Imĕzzĕna yaden! Ajăn wăr tĕssenăm a-s tărha n-a-wa făll-tĕgl' ăddunya, isakaḍ d-Măssinăɣ? Ere daɣ wa ijăn ăddunya tamidit, ij'-iman-net, ašănjo n-Măssinăɣ. 5Ajăn tăɣelăm a-wa innă ĕlkĕttab, bănnan a făl tăn-innă: "Osamăɣ făll-unfas wa jeɣ dăɣ-ulhawăn-năwăn, wăr-ăqbelăɣ făw oharăɣ-tăn d-iyyăn." Măjrăd-wen-dăɣ, Măssinăɣ a t-ijăn. 6Măšan a-wen iket-net, ojăr-t ănnuɣmăt wa hanăɣ-ihakk. Inn'-anăɣ ĕlkĕttab: "Măssinăɣ, ikfăr i-wi ăkkubrătnen, ihakk ănnuɣmăt i-wi data-s sarasnen iman-năsăn." 7Sărĕsăt iman-năwăn dat-Măssinăɣ, ĕkfărăt i-Iblis ad-kăwăn-ajĕj. 8Ẓihĕẓăt-dd iman-năwăn Măssinăɣ, ad-kăwăn-dd-ahĕẓ. Ya inăsbăkkaḍăn, šĕšdĕjăt ifassăn-năwăn, šĕšdĕjăt ulhawăn-năwăn kăwăneḍ-i jănen ăššăk dăɣ-a-wa hăm. 9Sĕllăqqĕwăt iman-năwăn, isnanăt, tĕṭṭĕfăm iba, šuršĕm; tumaset taḍăẓẓa-năwăn uḍĕf n-iba, tĕjĕm tedăwit-năwăn, tisnant. 10Sărĕsăt iman-năwăn dat-Emăli i-ad-kăwăn-iḍkĕl. 11Ayĕtma-ɣ, wăr tănmaẓămăm jer-iman-năwăn. Ere itiẓĕmĕn ă/n/na-s, isawar-t uḍlem, alămăr a itiẓĕm, isawar-t uḍlem; alămăr ya, wăr-tăddobed ad-fălla-k ila tărha n-ămašal, sawarăd-t daɣ uḍlem. 12Măssinăɣ ɣas a-s ălwakil d-ălqa/l/li, inaqq, isidur. Kăyy-š, ma tăqqalăd, sawarăd uḍlem ănhăraj-năk? 13Ḍarăt-a-wen daɣ, kăwăneḍ-i jănnanen: ašăl-i meɣ ašĕkka, ad-năssakăl s-aɣrĕm măndam, năj'-in dăɣ-s awătay n-mamăla dăɣ-nărbăx. 14Xăxx-dăɣ, imĕskay, ajăn tĕssanăm a-wa hawăn-itwăr ašĕkka? Ajăn kăwăneḍ făw, ma tăqqal tămudre-năwăn? Ajăn wădden, wăr tămoosăm ar tahălayhălayt ăwway aḍu s-e-d dd-tĕzjăr, šik-dăɣ a-s hin-layyăm. 15A ăniihăjjăn, ad-tĕnnĕm: kunta irḍa Emăli s-a-wen, kunta nĕddar năɣlas, ad-năj a-wa d-a-wa. 16Măšan ămăra-dăɣ, wăr t-illa a kawăn-išlan săl ibărajăn săr-wăn dd-orawăn erk inĕzjam-năwăn, ĕlmĕdăt a-s abăraj šund-wen-dăɣ, wăr-oleɣ. 17Ǝkkasăɣ-kăwăn dăɣ-taɣdărt a-s ere issanăn a-wa ihă emărked, ăqqima-dăɣ, wăr t-ija, ofa abăkkaḍ.

will be added

X\