Kăl-Kulĕs 4

1Mĕssaw-s n-eklan! Ăjăt i-eklan-năwăn a-wa olăɣăn d-a-wa oɣădăn dăɣ-a-s tĕssanăm a-s kăwăneḍ-dăɣ, lam Măssi-wăn, iha ălžănnăt, dăɣ-išĕnnawăn. 2Tĕddalăt Măssinăɣ hărkuk, ĕjlĕyăt hullan dăɣ-a-wen, ăkfăt Măssinăɣ semɣar, tumayăm-as. 3Tĕddalăt-anăɣ-in năkkăneḍ-dăɣ i-ad-hanăɣ-ijrĕw Măssinăɣ tašlĕlt s-năxṭăb i-ăddinăt isălan n-Ălĕnžil, nĕsĕfhĕm-tăn ĕddăraj n-Ălmasex wa hasăn-ăttunkălăn s-ašăl-i-dăɣ, ănfalăl-dd ălmăɣna-net ed dăɣ-tĕssĕba n-iji n-isălan-en-dăɣ a făl heɣ tišĕm. 4Tĕddalăt-ah'-in Măssinăɣ i-ad-xaṭṭăbăɣ isălan-en-dăɣ s-ĕmmĕk iknan asĕjrah ed a-wen-dăɣ a hi-iwarăn. 5Iwăret-kăwăn sărho jer-ăddinăt wi n-ajăma wăren ĕzzey Ɣisa Ălmasex, tašlĕlt tĕjrăwăm-dăɣ, ăjăt-asăn isălan-net; tĕyyĕm fălla-wăn a-wa wăr-iha ălfăyda. 6E-d tažăwwabăm i-ăddinăt dăɣ-isălan n-Ɣisa Ălmasex, ăjăt-asăn măjrăd ăẓedăn, ilan temḍe, tĕlmĕdăm daɣ a-wa jănnem i-hăk ăwadĕm. 7Dăɣ-a-wa hi-dd-iqqălăn năkk, isălan-nin, ad-dăɣ-wăn tăn-ăj ă/n/na-ɣ wa ĕkneɣ tărha Tušik. Nohar năkk hakd ĕnta ălxidmăt wa hanăɣ-issăɣlăf Emăli, ăjjĕyhăɣ a-s iɣdal dăɣ-a-wa ităjj iket-net. 8Năkk iman-in a hawăn-t-in-ăssokăn i-ad-hawăn-ăj isălan-nănăɣ, isĕsmăḍ ulhawăn-năwăn. 9Ăsiidăwăɣ-t-in d-Unažĕm wa n-ălkănisăt-năwăn, ă/n/na-ɣ n-ămaɣdal ĕkneɣ tărha a ămoos ĕnta-dăɣ. A dăɣ-wăn ĕjĕn isălan n-a-wa ijăn diha-dăɣ iket-net. 10Ăhuul-kăwăn-in amidi-nin Aristarăq-i dăr-oharăɣ takărmut, ăhuul-kăwăn-in daɣ Marqĕs wa n-ara n-meddĕn n-Bărnăbbas. Ǝnta-en-dăɣ a-s ăru d-kăwăn-ăsmătărăɣ dăr-s, a-s hawăn-ĕnneɣ, afăl kăwăn-in-osa, sĕbbĕlĕlăt-t. 11Ăhuul-kăwăn-in Ɣisa wa itawăɣren s-isĕm Istus. Meddĕn-wi-dăɣ n-kăraḍ ɣas dăɣ-dăgg-Ălyăhud wi n-ălmăssexităn, a hi-ĕdhălnen a ija a-wa-dăɣ dăɣ-ălxidmăt wa heɣ i-ad-tĕtbĕt Tĕmmĕnĕya n-Măssinăɣ; ijmaḍ-t ăššăk a-s ĕknăn asĕsmaḍ n-ulh-in. 12Ăhuul-kăwăn-in Ibbafras wa n-ănaxdim n-Ălmasex, ĕnta-dăɣ, i n-ălkănisăt tĕdi-dăɣ-năwăn. Itajăynan hărkuk dat-Măssinăɣ i-ad-tĕbdadăm dăɣ-immun, wăr t-illa ălɣib kăwăn-iwarăn i-ad-tĕlmĕdăm erhet n-Măssinăɣ iket-net. 13Ăjjĕyhăɣ i-ĕddĕgoẓăt wa ija dăɣ-tĕssĕba-năwăn kăwăneḍ d-kăl-Lăwdisa d-kăl-Irabolis. 14Ăhuul-kăwăn-in Luqa wa n-lăxtur nĕkna tărha, ăhuul-kăwăn-in daɣ Dimas. 15Tăhuulăm-anăɣ-in ayĕtma-năɣ wi hănen aɣrĕm wa n-Lăwdisa, tăhuulăm-in daɣ Ninfa d-ălkănisăt ta tažămmaɣăt dăɣ-ehăn-net. 16Afăl ɣur-wăn tătwăɣra tăkarḍe-ta-dăɣ, ăjăt ĕmmĕk făl tătwăɣra daɣ dăɣ-ălkănisăt ta n-kăl-Lăwdisa, tăɣrĕm daɣ ta tăn-dd-madăt-tĕfĕl săr-wăn. 17Ănnăt-ahi i-Aršibb, ĕnneɣ-as: "Hekăyy! Ăj ĕnniyăt i-ămašal wa kăy-issăɣlăf Emăli, aɣĕd dăɣ-s." 18Edăgg-wa-dăɣ dăɣ-tăkarḍe-ta-dăɣ, năkk iman-in Bulĕs a t-iktăbăn s-ăfuss-in: "Năkk, Bulĕs, ăhuulăɣ-kăwăn-in." Kittĕwăt-dd a-s năkk ya, takărmut a heɣ. Issĕnsă fălla-wăn Măssinăɣ ănnuɣmăt-net. Amin!

will be added

X\