3 Exya 1

1A-wa năkk wa n-ănušăm hin-iktabăn i-Gayĕs wa s-tărha ta n-tidĕt a has-jeɣ. 2Emărh-in, ĕttarăɣ dăɣ-Măssinăɣ ad-dăɣ-k wăr-ija hărăt, alăh ăssexăt-năk d-ăṣṣahăt wa s-itĕhhal immun-năk s-data. 3Ăsdăwăt-ahi hullan ass wa hi-dd-jăn ayĕtma-ɣ dăɣ-ăddin kăy-dd-falnen, omălăn-ahi iket-dăɣ-năsăn iqqud wa jed dăɣ-tidĕt d-alkum wa jed i-tidĕt. 4Ăywa, năkk, wăr t-illa a săr-i irnan tedăwit n-ad-sallăɣ a-s aratăn-in dăɣ-ăddin, ĕjlayăn s-iqqud dăɣ-alkum i-tidĕt. 5Emărh-in, ijraẓ-ahi hullan a-wa ăhusken tăjjăd i-imumĕnăn iket-dăɣ-năsăn har tawĕḍăd wi n-imăjarăn kăy-in-tammărnen, 6ăjjĕyhăn iket-năsăn dat-ălkănisăt-ta-dăɣ-nănăɣ a-s ăwadĕm irhan ăddinăt a tămoosăd. Ărheeɣ dăɣ-k ad-hasăn-tilalăd hărkuk i-ad-udaben asikĕl ăssimɣărăn isĕm n-Măssinăɣ 7făl-a-s, asikĕl wa hăn, isĕm wa n-Ălmasex a dăɣ-t-han, unjăyăn făw s-ad-ărmĕsăn tadhĕlt dd-falăt inĕẓẓulam. 8Iwar-anăɣ năkkăneḍ-i n-imumĕnăn ad-nĕdhĕl meddĕn šund-win-dăɣ i-ad-dăr-săn nohar ălxidmăt năkkăneḍ-dăɣ i-ad-tĕnfĕš tidĕt n-Măssinăɣ făll-ărori n-ăkall. 9Kăla hin-ĕktăbăɣ tăkarḍe jăzzuulăt i-ălkănisăt-năwăn măšan, igdăl Dutrif-i irhăn tăzert dăɣ-hărăt iket-net asjĕd i-a-wa jănneɣ, 10ăssiilmădăɣ-kăy a-s afăl hin-oseɣ, ad-ăllăɣeɣ i-ăddinăt iket-dăɣ-năsăn tăllăbăst ta itamašal d-tiẓmit ta hanăɣ-ităjj d-bahutăn-wi hanăɣ-isawăr. Tĕzzar daɣ, wăr tĕmda tăllăbăst-net dihen ɣas, ăssewăḍ făll-a-wen iba n-asĕbbărrĕk n-imumĕnăn-wi hin-tammărnen dihen, igdal daɣ i-imumĕnăn-wi ăboknen i-a-wen ad-tăn-sĕbbărrĕkăn, dăɣ-a-s dăɣ-săn isamăhaḍ, ijann'-asăn: "Ere tăn-ăsbărrăkăn, ad-t-ĕkkĕsăɣ dăɣ-ălkănisăt." 11Emărh-in, tălăl a-wa olăɣăn wădden a-wa lăbasăn. Ere itamašalăn a olăɣăn iket-net, u-Măssinăɣ a ămoos măšan, ere itămašalăn a lăbasăn, wăr-issen s-Măssinăɣ. 12Dăɣ-isălan n-Dimitrus, ăjjĕyhăn ăddinăt iket-năsăn făll-milɣaw-net, ilkam i-tidĕt, ăsidăttătnăt timašalen-net iqqud-net i-tidĕt ta n-Măssinăɣ. Năkkăneḍ daɣ, năjjĕyha a-s oɣad, tĕssanăd daɣ kăyy a-s tajuhe-nănăɣ, tidĕt. 13Ărheeɣ ad-hak-ănnăɣ hărătăn ăjjootnen măšan, wăr-ărheɣ ad-hak-tăn-ăjăɣ s-tăddăwat d-aɣănib 14făl-a-s, jarăɣ ăṭṭăma n-ad-kăy-in-asăɣ šik, ĕdwĕnneɣ dăr-k năkk iman-in. 15Tăqqimă-dd dăɣ-ălxer. Ăhuulăn-kăy-in imidiwăn-năk, tăhuulăd-in daɣ imidiwăn-nănăɣ s-iyyăn iyyăn.

will be added

X\