2 Timoti 4

1Ǝttărăɣ dăɣ-k dăɣ-idĕm n-Măssinăɣ d-idĕm n-Ɣisa Ălmasex-i s-ĕnta a madăn-išrăɣ ăddinăt wi ĕddărnen hakd wi ămmutnen d-dăɣ-idĕm n-ašăl wa n-uɣĕl-net d-idĕm n-Tĕmmĕnĕya-net: 2xaṭṭăb măjrăd n-Măssinăɣ, ăj a-wen s-ălwăqq iket-net jer-tĕjrawăd săr-s wăla; sĕssiɣĕd, ăɣtĕl, sĕmmĕtăr ăddinăt. Sĕdĕw a-wa săɣred d-taẓidert tĕmdat. 3Wăr t-ih' ăššăk a-s ilkam ăzzăman d-ăbas ĕšmărăn ăddinăt i-asjĕd i-tijĕttewen n-teɣăre ta n-tidĕt tădduttet, ănn-ak, ad-ilalăn iẓĕjraẓ n-iman-năsăn, ĕkfĕn iman-năsăn ălɣulam s-takărkarăn timĕẓẓujen-năsăn, jannen-asăn a hasăn-ijrăẓăn, 4ad-ĕṭṭubbun timĕẓẓujen-năsăn, usafăn tinfusen tidĕt 5măšan, kăyy, ĕkrĕš ălxal dăɣ-hărăt iket-net, ĕšmăr i-ălɣizabăt, ăj ămašal wa n-amăllănžal, sĕllĕnžĕt ăddinăt, ăj a-wa kăy-iwărăn s-sărho. 6Dăɣ-a-wa hi-dd-iqqălăn năkk, ăssaɣăt n-tekle-nin, ohăẓ-dd, ălwăqq wa d-leɣ s-ad-ăkfăɣ tămudre-nin i-ad-tumas takute i-Măssinăɣ, iwwăḍ-dd. 7Ănmănɣăɣ dăɣ-amjăr wa ufăn dăɣ-imjărăn, ĕssĕmdăɣ temăšejt ta heɣ, ĕṭṭăfăɣ immun; 8ămăra, iqqăl-ahi ălhăk n-tărĕnnawt ta jeɣ, ălhăk-en, a t-ămoosăn, korona, a-wen, takĕnbut n-ĕlɣĕllas ta n-orăɣ hi-mad-ăkf Emăli wa n-emĕššerrăɣ oɣădăn ašăl wa n-tebădde, wădden daɣ năkk ɣas a-s tăt-mad-ăkf, ad-tăt-ăkf i-e d t-illăm ere iknan tărha n-ašăl-wen-dăɣ dd-e-infilĕl Ɣisa. 9Ass-ahi-dd šik 10făl-a-s Dimas, ijăr-ah'-in făl tărha n-wălăt-ăddunya, ikk' aɣrĕm wa n-Tăslonika. Kribus ĕnta, ikkă teje ta n-Gălasya, Titus ikkă ta n-Dălmasya. 11Wăr dd-ăqqima ɣur-i a săl Luqa. Idaw-dd d-Marqĕs afăl dd-gillĕwăd făl-a-s ămiiɣatărăɣ săr-s hullan i-ad-hi-ilal dăɣ-ămašal wa heɣ. 12Ăšmašălăɣ Tušik s-aɣrĕm wa n-Ifăsus, 13afăl dd-gillĕwăd, ĕmmăr-ahi-dd abărnuš wa oyyeɣ ɣur-Qarfăs dăɣ-aɣrĕm wa n-Tărwas, ĕmmăr-ahi-dd dăɣ-ĕlkĕttabăn-in, hullan wi n-ilămawăn. 14Ălxaḍer wa n-enhăḍ, wăr hi-oyya hărăt, ijrăw-as Emăli ălhăk n-a-wa ămešăl. 15Hekăyy! Ăj'-as ĕnniyăt kăyy-dăɣ ed ikna eket hullan dăɣ-akĕnnas n-a-wa nĕsaɣra. 16Dăɣ-tebădde-nin ta tăzzarăt dat-ăššăreɣa, wăr t-illa făw ere hi-idhalăn, hălăɣ iman-in, jărăn-ah'-in ăddinăt iket-dăɣ-năsăn. Ǝttarăɣ dăɣ-Măssinăɣ, ad-wăr hasăn-iṭṭef a-wen. 17Kud-dăɣ jărăn-ah'-in ăddinăt, idhăl-ahi Emăli, ikf'-ahi ăṣṣahăt, ăsdabăt-ahi ad-ăxṭĕbăɣ isălan-net i-inĕẓẓulam, ikkăs-ahi-dd dăɣ-emm n-ahăr. 18Ǝnta daɣ a hi-e-agĕẓăn dăɣ-e d t-illăm ăššar, iɣlĕs-ahi i-ad-ĕjjĕšăɣ Tĕmmĕnĕya-net dăɣ-išĕnnawăn, wăr hi-ăkrănkarăt ešš. Ăqqamet-as ălxurmăt hărkuk. Amin! 19Tăhuulăd-ah'-in Briska d-Akilas d-ehăn wa n-Unizifur. 20Irăštăn, ăqqiim-in dăɣ-aɣrĕm wa n-Kurĕnta, oyyeɣ-in Trufim ărhiin dăɣ-aɣrĕm wa n-Milati, 21ass-ahi-dd šik. Ăhuul-kăy-in Ibbulu d-Badi d-Linus d-Klodya d-ayĕtma-k dăɣ-ăddin iket-dăɣ-năsăn. 22Ăqqima Emăli d-ĕnniyăt-năk, ikf'-iwăn ănnuɣmăt-net. Amin!

will be added

X\