2 Exya 1

1A-wa năkk wa n-ănušăm hin-iktabăn i-Kĕrya ta ăsnăfrăn Măssinăɣ ĕnta d-aratăn-net wi s-tărha ta n-tidĕt a hasăn-jeɣ, wădden daɣ năkk ɣas a hasăn-ijan tărha-ten-dăɣ, irh'-en daɣ e d t-illăm ere issanăn făll-tidĕt ta dd-fălăt Măssinăɣ. 2Tărha a-wen jat făll-tidĕt ta hăt ulhawăn-nănăɣ, wăr-ilkem daɣ ad-tăn-tĕzjar. 3Ăhuulăɣ-kăwăn-in, ĕttarăɣ dăɣ-Abba Măssinăɣ d-Rure-s, Ɣisa Ălmasex, a kăwăn-ikfăn ănnuɣmăt, tăhanint d-ălxer i-ad-năqqayĕm nĕṭṭaf tidĕt-net d-tărha-net. 4Ăsidăwăt-ahi hullan ahănay wa jeɣ n-a-s hărăt dăɣ-aratăn-năm, ĕlkamăn i-tidĕt s-ĕmmĕk wa s-hanăɣ-ăsmătăr Abba d-a-wen. 5Ămăra temărhit-in Kĕrya, ĕnta da a-wa dăɣ-m ărheɣ: wăr ham-in-kĕttĕbăɣ alămăr ăynayăn, alămăr wa ham-in-kattăbăɣ, ăru d-fălla-năɣ t-dd-ăzzăbbăt Măssinăɣ, inn'-anăɣ: "Nĕmărhăt jer-iman-năwăn." 6Tărha, amišĕl n-a-wa innă Măssinăɣ, alămăr daɣ wen-dăɣ, ăru d-has-tĕslăm, ăddălil-net daɣ, i n-ad-tĕnmărhĕm jer-iman-năwăn. 7Ăddunya-ta-dăɣ, ĕjjăšăn-tăt-dd imĕkkorras ăjjootnen wăren ĕqbel a-s Ɣisa Ălmasex, ijjăš-dd ăddunya dăɣ-taɣĕssa n-ăgg-adĕm. Ere s-tĕsled ijanna a-wen-dăɣ, tĕlmĕdăd a-s emĕkkerrĕs d-ăddăžžal n-Ălmasex a ămoos. 8He kăwăneḍ! Wăr-ităbăytalet ălxidmăt wa nĕja jere-wăn, ănn-ak, ĕhĕlăt s-data dăɣ-a-wa s-tomănăm i-ad-tĕjrĕwăm marušăt-net. 9Ere ănmăšrăyăn i-tĕnna n-Ălmasex, unjăy iṭṭăf teɣăre-net, ĕlmĕdăt a-s ănimăšrăy i-Măssinăɣ măšan, ere wa itămašalăn tĕnna-net, iṭṭaf teɣăre-net, osaɣ d-Abba, osaɣ daɣ d-Rure-s. 10Ere kăwăn-in-osăn s-wădden teɣăre-ten-dăɣ n-Ɣisa a iwway, wăr has-torem ehăn-năwăn băršeɣ ad-dăr-s tahĕrĕm isofan i-ad-tăqqĕsăm i-a-wa ijănna. 11Ere has-orăn ehăn-net, ad-dăr-s itinmĕjj isofan, ad-dăr-s ahăr ibăkkaḍăn-net. 12Ill'-e a ăjjeen s-ărheɣ ad-hawăn-t-in-ĕktĕbăɣ măšan, wăr-ăddobeɣ ad-hawăn-t-in-sĕssiwĕḍăɣ s-ălkaḍ d-tăddăwăt. Jarăɣ ăṭṭăma n-ad-kăwăn-in-asăɣ, ămmăjrădăɣ-awăn năkk iman-in, umas-anăɣ a-wen-dăɣ iket-net ĕssĕbab n-tedăwit tĕmdat. 13Ăhuulăn-kăm-in mĕddana-s n-wălătma-m dăɣ-ăddin ta n-diha-dăɣ ăsnăfrăn Măssinăɣ. Amin!

will be added

X\