1 Exya 1

1Wa t-illăn a-s wăr t-illa a t-illan ihakkăn tămudre ta tăɣlălăt, nĕsl'-as s-timĕẓẓujen-nănăɣ, nĕnhay-t s-tiṭṭawen-nănăɣ, năzjăzz'-e, nĕḍăs-t s-ifassăn-nănăɣ. 2Tămudre-ten-dăɣ, tănfalăl-anăɣ-dd, nĕnhăy-tăt, nămoos tijuhawen-net i-ad-hawăn-năj isălan-net, tĕlmĕdăm a-s tămudre ta tăɣlălăt s-kăla t-tĕlla ɣur-Abba, ăsnăfalăl-anăɣ-tăt-dd. 3A-wa nĕnhăy d-a-wa s-nĕslă, nĕsiɣul'-awăn-t i-ad-tahĕrĕm dăr-năɣ kăwăneḍ-dăɣ tassaɣt ta nohăr d-Abba d-Rure-s Ɣisa Ălmasex. 4A-wen-dăɣ a săr-năɣ dd-orăwăn derhan n-ad-hawăn-in-nĕktĕb tăkarḍe-ta-dăɣ i-ad-tumas tedăwit-nănăɣ, tedăwit tĕmdat. 5Ǝntăneḍ da isălan wi s-nĕslă ɣur-Ɣisa Ălmasex hawăn-nĕsiɣul: Măssinăɣ, ănnur, wăr t-illa a osaɣ d-tihay. 6Afăl nĕnna nosaɣ dăr-s uhĕn-dăɣ năllil tihay, inĕsbuha wăren oher hărăt d-tidĕt a nămoos. 7Măšan, afăl nărjaš dăɣ-ănnur s-ĕmmĕk wa s-dăɣ-s izzăɣ ĕnta iman-net, dihen ad-tĕtbĕt tassaɣt ta n-jere-năɣ năkkăneḍ-i n-imumĕnăn, išĕšdĕj-anăɣ daɣ ašni n-Rure-s, Ɣisa, dăɣ-e d t-illăm abăkkaḍ. 8Afăl nĕnna wăr hanăɣ-werăn ibăkkaḍăn, iman-nănăɣ ɣas a nĕsaswad, wăr nĕnna tidĕt. 9Măssinăɣ, iɣdal, oɣad: afăl săr-s dd-năsfăkkăr ibăkkaḍăn-nănăɣ, ad-hanăɣ-tăn-in-ănš, išĕšdĕj-anăɣ dăɣ-e d t-illăm iba n-iqqud. 10Afăl nĕnna wăr kăla-nămešăl abăkkaḍ, ad-năj Măssinăɣ ănăsbahu ed wăla a-wa innă dăɣ-măjrăd-net, năsibăggăt-t.

will be added

X\