1 Kăl-Kurĕnta 8

1Ayĕtma! Dăɣ-a-wa dd-iqqălăn isălan n-isan wi itĕkkat ăwadĕm i-ăṣṣănămăn, ĕnta da a-wa hawăn-janneɣ dăɣ-săn: musnăt, iket-nănăɣ nĕla dăɣ-s hărăt măšan, musnăt, isabăraj, a-s ija a-wen, tărha, sartay; 2ere ordăn iman-net musnăt, ilmĕdet a-s wăr-ăzzăbbăt almud hărwa 3măšan, ăwadĕm wa irhăn Măssinăɣ s-ulh imdan, wen ĕnta, izzay-t Măssinăɣ. 4Dăɣ-isălan n-isan wi ămoosnen takute i-ăṣṣănămăn, ăṣṣănămăn, wădden wăla a ĕnḍărrăn, Măssinăɣ, ĕnta ɣas, wăr-ila amidi. 5Tidĕt, han hărătăn ăjjootnen išĕnnawăn d-ăkall jan ăddinăt imălan făll-iman-năsăn, ordan daɣ ăddinăt a-s a-wen-dăɣ tidĕt 6măšan, ɣur-năɣ năkkăneḍ, wăr t-illa a săl Măssinăɣ, ĕnta a-s Abba-nănăɣ, ĕnta a dd-ixlăkăn a-wa t-illăn iket-net, ĕnta a hanăɣ-ilăn; wăr t-illa ar iyyăn n-Emăli, Ɣisa Ălmasex, idĕm-net a dăɣ-dd-ixlăk hărăt iket-net, ĕnta daɣ a hanăɣ-iṭṭafăn tămudre. 7Măšan, kud-dăɣ nĕssan a-s ăṣṣănămăn wădden hărăt-dăɣ, ăddinăt, wăr-ogdehăn musnăt. Iyyăḍ, ăynayăn s-ălɣibadăt n-ăṣṣănămăn, a-wen-dăɣ a făl ed ĕkšăn isan ikat ăwadĕm i-ăṣṣănămăn, ad-ĕššĕkăn iman-năsăn a-s jan a ămmiḍăsăn. 8Ḍarăt-a-wen daɣ, wădden amĕnsi a hanăɣ-e-iẓĕnnĕmihĕẓăn d-Măssinăɣ; isan-win-dăɣ, jer-tĕkšed-tăn wăla, wăr kăy-ifneẓ, wăr kăy-ăssewăḍ a-wen s-wăla a ĕnḍărrăn. 9Ăjăt ĕnniyăt i-iman-năwăn, wăr t-illa a-s wădden xălal-awăn măšan, a tăttăm-dăɣ, wăr-itumaset a ăddoben ad-isiḍĕw ere wărăn ikna ĕṣṣuhu dăɣ-immun-net dăɣ-abăkkaḍ. 10Kunta kăyy-i ijrăhăn hărăt, inhay-kăy ere wărăn ikna ujreh n-hărăt tăqqiimăd tattăd dăɣ-ehăn n-ăṣṣănămăn, wădden ad-kăy-iššĕk, arĕw-dd săr-s a-wen-dăɣ ad-ăkš ĕnta-dăɣ isan-win-dăɣ ikăt ăwadĕm i-ăṣṣănămăn? 11Dihen, ad-umas ujreh-năk i-hărăt ĕssĕbab n-tanmĕšrayt i-ă/n/na-k wa wărăn ikna ujreh n-hărăt s-ĕnta dăɣ-ămmut-as Ălmasex s-ĕmmĕk wa s-hak-ămmut kăyy-dăɣ. 12Ere ăssoḍăn ă/n/na-s dăɣ-tanmĕšrayt šund-ten-dăɣ, ad-dăɣ-s ĕḍmĕnăn iman-net ed a-wa ija abăkkaḍ, toyyăm-t daɣ kăwăneḍ, ij'-e. Ere daɣ wa ijăn a-wen, Ălmasex a-s itajj tihăyyen, itirĕm-t. 13A-wen-dăɣ a făl kunta amĕnsi a madăn-umas ĕssĕbab n-tanmĕšrayt i-ă/n/na-k, adiš săxrĕm-t i-ad-wăr-itumas a-wen, tanmĕšrayt i-ă/n/na-k dăɣ-ăddin.

will be added

X\