1 Kăl-Kurĕnta 16

1Ayĕtma! Dăɣ-isălan n-a-wa s-tărhăm ad-t-sĕdwĕm i-ad-săr-s tĕdhĕlăm imĕššeddĕjăn wi hănen Yărussălam, ăjăt ɣas a-wa dăɣ-s ĕnneɣ i-ălkănisăten ti n-teje ta n-Gălasya. 2Hak ălxad-i n-ašăl ăzzarăn dăɣ-ĕssĕboɣ, ăjet hak ăwadĕm a-wa s-irha s-edes s-a-wa dăr-ogdăh ajăraw-net, dihen, wăr hi-mad-tăqqĕlăm har hin-asăɣ tĕzzar ad-tattărăm asdu n-hărăt siha d-siha. 3Afăl kăwăn-in-oseɣ, ad-sĕnnĕfrĕnăm jer-iman-năwăn meddĕn wi s-tărhăm, dihen, ad-tăn-ăkfăɣ tikarḍiwen tan-ĕḍmannen tĕzzar, sukăɣ-tăn-in Yărussălam d-tirjit-năwăn. 4Kunta daɣ ĕnhăyăɣ a-s wăr hi-t-illa ar ad-dăr-săn idawăɣ, adiš, ad-hi-ilzĕm a-wen. 5Ilkam dăɣ-i ad-kăwăn-in-ăkkăɣ măšan, ad-ĕmmărăɣ teje ta n-Masidunya tĕzzar. 6Dăɣ-a-wa kittĕwăɣ, ărheɣ ad-ăjăɣ ăzzăman ɣur-wăn, sĕssikĕyăɣ iha miši tajrĕst ɣur-wăn, tĕdhĕlăm-ahi dăɣ-asikĕl-in s-idăggan wi iyyăḍnen. 7Wăr-ărheɣ ad-kăwăn-in-ĕmmărăɣ ɣas akĕyăɣ, ănn-ak, ărheɣ ad-ăhajăɣ ɣur-wăn kunta irḍa Emăli s-a-wen. 8Iket-di, ad-ăqqaymăɣ dăɣ-aɣrĕm wa n-Ifăsus har dăɣ-s sĕssikĕyăɣ ămudd wa n-Fantăkawt, 9hannăyăɣ a-s amer-ahi dăɣ-s emm hĕrĕwăn s-hin-ăssawăḍăn isălan n-Ălĕnžil, ărhan ăddinăt ăjjootnen măsăllăt n-isălan-en kud-dăɣ wăr-ăba išĕnja s-wăr-ijreẓ a-wen. 10Afăl kăwăn-in-osa Timoti, ăjăt ĕnniyăt i-ad-wăr t-issărmăɣ hărăt jere-wăn, iyyăn n-ĕššăɣĕl i-Emăli a nĕha năkk d-ĕnta ɣur-wăn, 11wăr t-ilăkkăhet ăwadĕm wăl' iyyăn dăɣ-wăn, ănn-ak, sărɣĕsăt-as asikĕl-net i-ad-hi-dd-iqqĕl šik dăɣ-ălxer ed, năkk hakd ayĕtma-năɣ dăɣ-ăddin wi iyyăḍnen, năqqal-as. 12Dăɣ-a-wa dd-iqqălăn isălan n-ă/n/na-năɣ, Ăbbăloš, ĕttărăɣ dăɣ-s hullan ad-hin-nidaw săr-wăn năkkăneḍ d-ayĕtma-năɣ dăɣ-ăddin, măšan, s-tĕnnĕd ɣas, wăr ija făll-a-wen ămăra-dăɣ, afăl ijraw s-a-wen, ad-kăwăn-in-ăkk ĕnta-dăɣ. 13Ayĕtma-ɣ, ăhlăt iman-năwăn dăɣ-immun, umasăt meddĕn ĕmdanen, ṣuhĕtăt. 14Zăzrăt tărha dăɣ-hărăt iket-net. 15Ăsimătărăɣ-kăwăn d-ad-tĕssanăm hărăt i-Stifanas d-eɣewĕn-net, ĕntăneḍ a ăzzarnen s-immun s-Ɣisa dăɣ-teje ta n-Akaya, ixdăm hullan i-ad-idhĕl imĕššeddĕjăn. Ayĕtma, ărheɣ dăɣ-wăn 16ad-sajadăm i-ăddinăt šund-win-dăɣ, ĕntăneḍ hakd d-ăddinăt wi iyyăḍnen ĕdgăẓnen dăɣ-ălxidmăt n-Măssinăɣ. 17Tĕjraẓ-ahi tăbošăjt ta săr-i dd-ija Stifanas d-Furtinatus d-Akăyyăkos, ĕnhăyăɣ-tăn ɣas, olăh-ahi d-a-s kăwăneḍ a hannăyăɣ, 18ĕssĕnsăn ĕnniyăt-in s-ĕmmĕk wa s-ĕssĕnsăn wa-năwăn. Ǝjrăẓnet-awăn meddĕn šund-win-dăɣ, sĕmɣărăt-tăn. 19Ăhuulăn-kăwăn-in imumĕnăn wi hănen ălkănisăten ti n-Azya. Ăhuul-kăwăn-in Akilas d-Briska d-ălkănisăt ta tažămmaɣăt dăɣ-ehăn-năsăn. Ăhuulăn-kăwăn-in hullan hullan dăɣ-idĕm n-tassaɣt ta nĕja d-Emăli Ălmasex. 20Ăhuulăn-kăwăn-in ayĕtma-wăn dăɣ-ăddin wi t-ĕllănen diha-dăɣ iket-năsăn. Afăl tăɣrăm tăkarḍe-ta-dăɣ, nĕmĕjjăt jer-iman-năwăn isofan janen s-tărha tĕmdat. 21Năkk daɣ Bulĕs, ăhuulăɣ-kăwăn-in. Hannăyăm-t edăgg wa-dăɣ dăɣ-tăkarḍe, năkk iman-in a t-iktăbăn. 22Ilɣăn Măssinăɣ ere wărăn irha Ɣisa Ălmasex. "M|scARANATA|d", a-wen ălmăɣna-net: Emăli, ĕqqĕl-dd šik. |r 23Ikf'-iwăn Emăli Ɣisa ălxer-net. 24Oyyeɣ ɣur-wăn iket-dăɣ-năwăn tărha-nin dăɣ-idĕm n-tassaɣt ta nĕja d-Ɣisa Ălmasex. Amin!

will be added

X\