1 Kăl-Kurĕnta 13

1Kud-irha siwĕlăɣ awalăn wi n-dăgg-adĕm hakd-dăɣ wi n-ănjălosăn, kunta ămmuukkăn a-wen, afăl wăr-ăsdăwăɣ a-wen d-tărha n-ulh tĕmdat, wăr iẓley măjrăd-in d-emăsli n-tăẓoli tăssewălăt bannăn meɣ tefelt n-daroɣ tĕẓyakăt. 2Kud-irha făw umas a-s wăr t-illa măjrăd n-Măssinăɣ s-wădden ăzizăbbăt-t-dd făll-i i-ad-t-in-sĕssiwĕḍăɣ ăddinăt, kud-irha făw, wăr t-illa ĕddăraj s-wădden ĕssanăɣ-t, kud-irha ăzizăbbeɣ musnăt, kud-irha leɣ immun wa isahanen iḍaɣăn, afăl wăr-ăsdăwăɣ a-wen d-tărha n-ulh tĕmdat, wăr-ămoosăɣ wăla a ĕnḍărrăn. 3Kud-irha, ărmĕsăɣ ehăre-nin iket-net, ăjăɣ-t takute i-tilăqqiwen, kud-irha făw ăjăɣ i-Emăli alkum-wa-dăɣ s-wăr-ăkkulăɣ a-s ărɣeɣ dăɣ-efew dăɣ-tĕssĕba-net, afăl wăr-ăsdăwăɣ a-wen d-tărha n-ulh tĕmdat, wădden wăla a ĕnḍărrăn. 4Ăwadĕm wa s-ha tărha tĕmdat ulh-net, he taẓidert, oolaɣ, wăr-itisĕm făl a ikfa Măssinăɣ wăr t-ikfa, wăr-itĕbărij, wăr-ăssakăy, 5wăr itĕjj a ilăšăn, wăr-igla făl derhan n-iman-net, išmăr, ilammăẓ-in a ăjjeen, 6wăr-ităqqĕs i-a wărăn oɣed, tidĕt a t-isadăwen, 7inašš, iflas, ijar ăṭṭăma, iṣbăr. 8Tărha, wăr-ilkem ad-tăt-ăba, tĕllulĕya dăɣ-isălan n-Măssinăɣ, ad-tĕmdĕw; awalăn wi wăren ătwăssan, ad-tăn-iba, musnăt ad-imdĕw 9ed musnăt, hakd-dăɣ tĕllulĕya dăɣ-isălan n-Măssinăɣ, hak iyyăn dăɣ-năɣ ila dăɣ-s hărăt 10măšan, afăl dd-osa a-wa imdăn, ad-imdĕw a-wa dărrusăn, ijjĕš a-wa imdăn edăgg-net. 11A-s nămoos aratăn, măjrăd n-aratăn a nĕtajj, inĕzjam n-aratăn a nĕṭṭaf, tayĕtte n-ara a-s nărjaš măšan, nămoos meddĕn ɣas, noyy'-in fălla-năɣ a-wa lăn aratăn. 12Tidĕt-dăɣ a-s ămăra-dăɣ, wăr nănnuflăy dăɣ-ahănay n-hărătăn wi n-Măssinăɣ ed ahănay-nănăɣ, olăh d-ahănay wa ităjj ăwadĕm i-iman-net dăɣ-tiset wăššărăt, wăr-ăddobăt s-iyyăt ad-dăɣ-s inhĕy iman-net iket-net măšan, ašăl wa n-tebădde, ad-nĕnhĕy Măssinăɣ s-tiṭṭawen-nănăɣ, nĕzzĕy-t s-ĕmmĕk wa s-hanăɣ-izzăy ašăl-i-dăɣ. 13Iket-di d-ităjj a-wen, ĕllan-t kăraḍ hărătăn ăɣlalnen: immun, ăṭṭăma d-tărha măšan, toojăr-tăn tărha iket-dăɣ-năsăn.

will be added

X\