1 A lepan nyem fugha mo nee, ni ret ku mo sham ki̶ káa furu mo nder kì̵ mishkagham mo, ki̶ nyem ɗi mo ki̶ iiko jir. Ni ret ku mo ki̶ling mo, ki̶ zak mo tong shi ɗak sut, mpee c`in koo a ɗak ɗiiɗang ye, ɗi ni a ɗiiret. 2 Ba ni ret ku mo satpo ɗiibish nkaa mee gurum kas. Taji mo c`in jighi̶r kas, amma mo sham ki̶ káa furu mo nder kì̵ gurum mo jir. 3 Gyet mumun shikáa funu, ɓe mun a mwen mo, nyembaashik mo, nyem c`in mbii ɗin nti̶kan mo. Gyet mun a ki̶rom mo, mpee shang mu nan ɗiisi. Pan funu mo jir a ɗiibish shidaar-shidaar, ki̶ kyaghar mbii kì̵ gurum mo shi yit ɗiibish. Gurum mo kwar mun, ɓe mun zak, muu kwar mo. 4 Amma kaaɗi Naan, ɗi wuri a Nguɓam funu, wuri kám ɗiiret fi̶ri ki̶ wal fi̶ri mmun, 5 ɓe wuri ɓam mun. Ɓam ɗiisi, ba ni a mpee mee mbii ɗiiret ɗi muu c`in shikáa funu kas, amma a mpee naajeel fi̶ri, ɗangɓe wuri ɓam mun shi Riin Ɗiiɓang. Wuri wang putughup funu mo, ku mo ɗee a ɗiiɓang, ki̶ zak, wuri cín seen ɗiipoo mmun. 6 Wuri ɗoo Riin fi̶ri nkaa mun ndi̶ghi̶n Jesu Kristi Nguɓam funu. 7 Mpeku shi ɗiiret fi̶ri, ɓe mu ɗee ɗi a nyem ɗiiret mo, ku mu kat seen ɗiiso ngaa-ngaa, ɗi muu leyit nkaa ni. 8 Po ɗiisi ni azeen. Wan ki̶n riɓet ku a sat mbii ɗiisi mo nyem fugha mo shidaar-shidaar, mpeku nyem ɗi mo cínzeen nNaan, ɓe mo lepan furu mo mpee c`in mbii ɗin ndi̶re mo shidaar-shidaar. Mbii ɗiisi mo a ɗiiret, ki̶ zak, mo ki̶ koghop ni mpee gurum mo. 9 A yit katpo ɗiibuu mo, ki̶ taji a watpee buu, ku wu ɗee ntang sum kì̵ puun fuu ɗi mo kì̵ murap mo kas. Taji wu jighi̶r ki̶ shak kas, koo wu ɗee mɓeetshik nkaa Waar mu Mosis mo kas. Mbii kaa mi̶ni mo si, ba mo ki̶ mee koghop ni kas, koo diɓen. 10 Katɗang mee gwar ɗi wuri kwar kám fugha ni, ɓe a gwak wuri yit mi̶ndong, koo yit vul, katɗang ba gwar ni ki̶ling wugha kas, ɓe a yit wuri ɗi. 11 A man nee, gurum kaa mi̶ni si, ɓe pan fi̶ri mo jir a ɗiibish, a ngushikbish, ki̶ wuri shikáa fi̶ri, wuri kì̵ ten man nee; ɗi a ɗiibish. 12 Katɗang ɓe wan lop Artimas, koo a Tikikus so pe wugha ɗi, ɓe a gung, ku a j`i a kat wan ɗi ndi̶ghi̶n Nikapolis, mpeeɗi wan ntong ɗi, har kyes kì̵ tar kut. 13 A gung ku a ɓam Zinas ɗi, ɗi wuri a nguman waar mo, ki̶ Apolos ndi̶ghi̶n ɗak sut mpee mwaan furu, mpeku taji mo kat mee mbii jee kas. 14 Ni ret ku nyem funu si mo cín sut furu mpee c`in ɗak ɗiiret mo, mpee ɓam nyem ɗi mo ndi̶ghi̶n jeel mo. Taji mo tong buu shi sar ɗin nfii kas. 15 Nyem ɗi mo ashak ki̶ wan jir, moo tok ki̶ wugha. A tok ki̶ nyem ɗi mo wal mmun ndi̶ghi̶n cínzeen nNaan jir. Naan wuri le ɗiiret nkaa wun.
