Titus 2

1Amma wugha, a kám ngurum mo mbii ɗi mo a ndi̶ghi̶n kám ɗi ni azeen-nzeen. 2A kám nyem ɗiikukun mo nee, ni ret ku mo ɗee a nyem ɗi mo yaa sut, ki̶ mo le putughup furu mo ɗar a pee mi̶ndong. Taji mo ɗee ntan kas, amma mo ɗee a nyem ɗi mo ɗar ɓal-ɓal ndi̶ghi̶n cínzeen ni. Nyem ɗi mo wal ngurum mo, ki̶ nyemgung ndi̶ghi̶n mbii mo zak. 3A sat mmat ɗiinan mo nee, ni ret ku mo mwaan kaa nyem ɗi mo man Naan si. Taji mo satpo ɗiibish nkaa gurum mo kas. Taji mo ɗee a ki̶rom mu shwaa mwos kas. Ni ret ku mo kám mbii ɗiiret ngurum mo. 4Mpeku mo kám ɗi mmat ɗiiɗween mo, ku mo wal ɗi mmish furu mo, ki̶ jep furu mo zak. 5Nyem yaasut mo, mpeku mo ɗee ɗi a ɗiiɓang ndi̶ghi̶n putughup furu mo, mpeku mo naa tulu furu mo ɗi riret, ku mo ɗee ɗi a ɗiiret, ku mo lekáa furu mo nder kì̵ mish furu mo. Mpeku taji mee gurum katpee satpo ɗiibish nkaa po kì̵ Naan kas. 6A sat jepzi̶lang mo nee, ni ret ku mo yaasut. 7Ndi̶ghi̶n mbii mo jir, ɓe ni ret ku mo ɗee a nyem ɗi moo mi̶se ɗiiret mo. A kám ngurum mo. A kám ngurum mo mbii ɗi ni ndi̶ghi̶n putughup fugha ɗi ni azeen-nzeen, ki̶ taji a ɗee ntan kas. 8A c`in ɗak shi po ɗiiret mo, mpeku taji mee gurum katpee, mpee sat mee mbii nkaa po ɗi aa sat ni mo kas, mpeku nyem ɗi mo kwar ni, ɓe naashoop yaa mo ɗi, mpeeɗi ba mo naa mee mbii ɗiibish, mpeku mo satpo ɗi nkaa mun kas. 9A sat ki̶rom mo nee, mo sham ki̶ káa furu mo nder kì̵ nyem ɗi mo si̶rep mo, ki̶ mo c`in mbii ɗiiret nyem ɗi moo mo zak. Taji ki̶rom mo lappo nyem ɗi mo si̶rep mo shiɓal kas. 10Taji mo c`in wat kas, amma ni ret ku koo a pi̶rang ye, ɓe mo ɗee a nyemzeen mo, mpeku mbii ɗi moo c`in jir, ɓe ni le ku gurum mo satpo ɗiiret ɗi nkaa kám ɗi ni nkaa Naan Nguɓam funu. 11Naan wuri kám ɗiiret fi̶ri mmun, mpeku gurum mo jir mo kat ɓam ɗi. 12Ɗiiret kì̵ Naan ni kám mmun ar ɗi mun nnook c`in mbii ɗiibish mo ɗi nyit kì̵ Naan, ki̶ kyaghar mu yil ɗiisi. Amma ni ret ku mu yaasun funu mo, ku mu mwaan ɗi ndi̶re-ndi̶re zak, mpeku ndi̶ghi̶n mbii ɗi muu c`in mo jir, ɓe ni ret ɗi nNaan nyit. 13Kaaɗi mun nkaa gong puus ɗiiret parɗi mbii ɗi muu leyit nkaa mo nin ngam, ntiit ki̶ mi̶ni, ɓe mun nnaa ɗiiɗes kì̵ Naan funu. Ɗiiɗes met jir mu Nguɓam funu Jesu Kristi zak. 14Mpee mun ɓe wuri cín seen fi̶ri mpeku, wuri can mun ɗi ndi̶ghi̶n mbii ɗiibish mo jir, ki̶ mpeku wuri le mu ɗee ɗi a nyem ɗi putughup funu mo a ɗiiɓang. Ku mu ɗee ɗi a nyem fi̶ri mo, nyem ɗi mo kyaghar c`in mbii ɗiiret mo jir. 15Mbii ɗiisi mo, a mbii ɗi wugha nkám ngurum mo. A c`in ɗak ki̶ iiko ɗi Naan kì̵ cín ni nwugha, mpeku a caa gurum mo ɗi, ki̶ a gwak mo ɗi zak. Taji a yit ku mee gurum ɓák wugha kas.

will be added

X\