Rom 9

1Wan ki̶n sat azeen, ndi̶ghi̶n sum kì̵ Daa Jesu Kristi, ba wan ki̶n c`in a nɗung kas. Riin kì̵ Naan wuri kám wan nee, mbii ɗiisi mo azeen. Ki̶ wan man ndi̶ghi̶n putughup fi̶na ne, ni aasi. 2Nii sat a nwat putughup nwan ɗak, ɗi ba nii peekyes kas. 3Ba wan kwar, ku ɗi wan shikáa fi̶na wan ɗee a mbiifulup ntoghom kì̵ Kristi ki̶ mo ɓak wan ki̶ Kristi kas, katɗang mi̶ni nc`in ɓam mpee nyem fi̶na mo, ɗi mo a dang fi̶na mo. 4Nyem Yahudi mo, mo a nyem ɗi gyet Naan bi̶lip mo shikáa fi̶ri, mpeku mo ɗee ɗi a jep fi̶ri mo. Ki̶ wuri kám ɗiiɗes fi̶ri mmo zak. Naan wuri kì̵ ten ɓi̶lemcuk shi toghom ki̶ mo, ki̶ wuri cín Waar mmo, mpeku mo seyil ɗi nwuri, ki̶ wuri tuwoorpo mmo ɗes zak. 5A ndi̶ghi̶n cirem ki̶ puun furu mo. A ndi̶ghi̶n dang furu ɓe Kristi wuri j`i ndi̶ghi̶n nan. Naan ɗi wuri a mishkagham nkaa mbii mo jir, mu kwoop wuri har ngaa-ngaa. Amin. 6Ba wan ki̶n sat a nee, po ɗi Naan wuri kì̵ ten sat ni ɗee a buu kas, ba a nyem Yahudi mo jir, a nyem ɗi mo cínzeen nNaan kas. 7Ki̶ zak, ba a jep kì̵ dang mu Abraham mo jir, mo a nyem kì̵ Naan mo kas, amma "a ndi̶ghi̶n Aizik, ɗangɓe a nkat jep ɗi wan ki̶n ten sat mo nwugha." 8Ɗiisi ni ɗee a nee, ba a jep ɗi mo làa mo ndi̶ghi̶n nan mon nɗee a jep kì̵ Naan mo kas. Amma a jep ɗi mon nlàa mo ntiit ki̶ mbii ɗi Naan kì̵ ten sat ni, a mo ɗee a dang ɗi azeen-nzeen mu Abraham. 9Mbii ɗi Naan wuri kì̵ ten sat ni a nee. "Yaghalpee, pee ki̶si, ɓe ɗin mbaaj`i, ɓe Seera wuran nlàa-làa ɗiimish." 10Ba a mi̶ni ɓejee kas, amma jep jan kì̵ Rabeka ni mo aa puun mi̶ndong ashak, puun furu Aizik. 11Amma, akuɗang wuraa làa jan ni mo, akuɗang moo man mbii ɗiibish ki̶ ɗiiret, ɓe pan kì̵ Naan nkaa gurum ɗi wuri kì̵ ten bi̶lip ni mo, ni ɗar. 12Mo sat nwura nee, "Làa ɗin nshee nin ncín ɗak nlàa ɗiilee ni." Ɗiisi ni kám nee, Naan wuri bi̶lip gurum, ba a mpee mee ɗak ɗi gurum kì̵ c`in kas. 13Kaaɗi mo kì̵ ran ndi̶ghi̶n takarda kì̵ Naan si nee, "Wan wal nJekop amma wan kwar Iso." 14Mun nsat a meye? Ba Naan wurii man mbii ɗi wurii c`in ni kas aa? Ba ni aasi kas, koo diɓen! 15Naan wuri sat Mosis nee, "Wan ki̶n naajeel kì̵ gwar ɗi wan ki̶n riɓet naajeel ni, ki̶ wan c`in kussuk ngwar ɗi wan riɓet c`in kussuk ni zak." 16Mpeemi̶ni, ba ni ɗee a nkaa mbii ɗi gurum kì̵ riɓet koo mbii ɗi gurum kì̵ c`in kas, amma ni ɗee a nkaa naajeel ki̶ Naan ɓejee. 17Po kì̵ Naan ni sat nkaa Feero nee, "A mpeemi̶ni ɗangɓe wan ki̶n le wugha a mishkagham, mpeku wan kám iiko fi̶na ɗi shi wugha, mpeku nyem ɗin ndi̶ghi̶n yil ni mo jir, mo man sum fi̶na ɗi." 18Ni aasi, Naan wurii naajeel ki̶ ngo ɗi wurii riɓet naajeel ki̶ ni, ki̶ wurii mak le ku putughup kì̵ gurum ɓal, kaaɗi wuri riɓet si zak. 19Amma, meeɓe, memee fuu nsat nwan nee, "Katɗang ni aasi, ɓe cirang ɗang Naan wuri kat mbii ɗiibish ɗi mɓut ngurum ye?" Wugha a we ɗi a mmak c`in ɓeetshik ki̶ Naan ye? 20Wugha a weye shaar fi̶na, ɗi wugha mak mpee pi̶ring po ki̶ Naan ye? Mbii ɗi mo ɗik, ba ni mmak sat nguɗik ni nee, "A ɗik wan ki̶si, a meye?" 21Azeen nguɗik tughul wurin nc`in mbii ɗi wuri riɓet shi wan ɗik tughul ni. Wurin mmak fuwaghap wan ni, ku wuri ɗik tughul ɗiiɗes mpee puuskàam ni, ki̶ wurin nɗik memee a ɗiilee mpee c`in ɗak ɗishik shidaar-shidaar zak. 22Ni aasi ki̶ Naan, wuri riɓet woo tughup fi̶ri, mpeku gurum mo naa ɓal mu iiko fi̶ri ɗi. Naan wurii gung ki̶ nyem ɗi mo wat putughup nwuri. Nyem ɗi mo ɗee a ɗiimumurap mo. 23Ki̶ zak, wuri kám mmun ɗiiɗes fi̶ri ɗi ni ɗes met jir, mpee nyem ɗi wuri riɓet naa mo shi yit naajeel. Mi̶ni a nyem ɗi wuri ɗakpee mmo ndi̶ghi̶n ɗiiɗes fi̶ri. 24Mun a nyem ɗi Naan wuri bi̶lip mun, mpeku mu ɗee ɗi a nyem fi̶ri mo. Ba wuri bi̶lip a pak nyem Yahudi mo ɓejee kas, amma ki̶ pak gurum ɗi ba mo a nyem Yahudi mo kas zak. 25Ntiit ki̶ mbii ɗi mo kì̵ ran ndi̶ghi̶n takarda kì̵ Hosiya, ɗi Naan sat nee: "Nyem ɗi ba gyet mo a nyem fi̶na mo kas, ɓe wan pet mo a nyem fi̶na mo. Yil ɗi ba gyet wan wal nni kas, ɓe wan pet ni a yil ɗi wan wal nni." 26Ki̶ Hosiya wuri sat zak ne; gyet yam ɓe gurum mmak sat nee: "Ba wun a nyem kì̵ Naan mo kas, amma yaksi gurum mak pet mo a jep kì̵ Naan ɗi wuri ki̶ seen." 27Ngusatpo Naan Aizaya wuri ɗiyeep ɗoo shiɓal nkaa nyem Yahudi mo, wuri sat nee: "Koo ɗi nyem Yahudi mo ɗes a kaa ɗiyees ɗi ni ndung ɗiiɗes si, ɓe a kong mon nkat ɓam ɓejee ɗak. 28Ba Daa wurin mɓees kas, wurin ndung j`i ki̶lak-ki̶lak, mpeku wuri tokɗiyeel ɗi nyil ni jir." 29Aizaya wuri waa ba sat ɗiki̶ zak nee: "Katɗang ɗi gyet, Naan ɗiiɓal met jir, wuri yit cirem kì̵ jep mo ɗi mmun kas, ɓe ba ɗi mu kuɗi kas, ɗi muu ɗee a kaa gyet Sodom ki̶ Gomora si." 30Mun nsat a me ɗak ye? Nyem ɗi ba mo a nyem Yahudi mo kas, mo ɗee a ɗiiret nyit kì̵ Naan, mpeeɗi mo cínzeen ndi̶ghi̶n Jesu Kristi, koo ɗi ba jí mo man mee mbii ɗi mon nc`in mpeku mo ɗee ɗi a ɗiiret kas. 31Amma, nyem Yahudi ɗi Naan wuri kì̵ ten bi̶lip mo yam, gyet moo leyit a nkaa Waar ni, ɗi a ni le ku mo ɗee a ɗiiret nyit kì̵ Naan, amma ba gyet mo mak kas. 32A me le ye? Mo taakat, a mpeeɗi gyet mo ben ne mon nkat ɗiiret ni a shi ɗak c`in mukáa furu mo, a koppee ki̶ cínzeen, ki̶ mo canshii nkaa jwak ɗii mu le canshii. 33Ntiit ki̶ mbii ɗi mo kì̵ ran ni ndi̶ghi̶n takarda kì̵ Naan si nee: "Wu naa wan ki̶n le mee jwak ndi̶ghi̶n Zayon. Ɗi ni le ku gurum mo canshii nkaa ni. Jwak ɗi ni le ku mo pal nkaa ni, amma koo ngo ɗiiɗang ye ɗi cínzeen nwuri, ɓe ba ngo nin nkat nashoop kas."

will be added

X\