Rom 5

1Mpee cínzeen funu ndi̶ghi̶n Daa Jesu Kristi, ɓe mu ɗee a nyem ɗin ndi̶re mo nyit kì̵ Naan, ki̶ mu tong riyang ki̶ wuri zak. 2A Daa Jesu Kristi wuri j`i ki̶ mun kus ki̶ Naan, mpeku mu man ɗiiret kì̵ Naan ɗi. Ɗi muu ɗar ɗiɓut, ki̶ mu c`in retnyit, mpeeɗi muu leyit funu mpee parmeeci, ɓe mun ntong ashak kì̵ Naan ndi̶ghi̶n ɗiiɗes fi̶ri. 3Koo ɗi muu shwaajeel ndi̶ghi̶n yil ɗiisi, ɓe muu c`in retnyit ndi̶ghi̶n jeel funu mo, mpeeɗi ndi̶ghi̶n jeel ni, ɓe mwaan funu mo ɗee a ɗiiɓal. 4Katɗang mu gung ndi̶ghi̶n jeel, ɓe nin nle ku mu kat mi̶se ɗi ni ret Naan nyit. Mi̶se funu ɗiisi nin nle ku mu cínzeen ndi̶ghi̶n Naan, ki̶ nin nle ku mu leyit nkaa mbii ɗi Naan wuri sat nee, wurin nc`in ni mun zak. 5Mpeeɗi Daa Naan wuri kì̵ ten kám kiyeet kì̵ wal ɗi wuri ki̶ ni mpee mun, ki̶ wuri cín wal fi̶ri ndi̶ghi̶n putughup funu shi zughum ndi̶ghi̶n ɓal kì̵ Riin fi̶ri Ɗiiɓang. 6Kaaɗi gyet ba mu mak ɓam sun kas, ɓe Daa Jesu wuri j`i ndi̶ghi̶n yil ɗiisi, mpeku wuri muut mpee mun nyemshikbish mo, ntiit ki̶ peeɗi gyet Naan wuri kì̵ ten bi̶lip ni. 7Ni luk mpeku mee gurum muut mpee mee ngo ɗik, koo a mpee mee ngo ɗiiret. Meeɓe, mee gurum mak muut mpee mee ngo ɗiiret. 8Amma Daa Jesu wuri muut mpee mun kaaɗi mu kuɗi a nyemshikbish mo. Ndi̶ghi̶n ar ɗiisi ɓe Naan wuri kám wal fi̶ri mmun. 9Mpee toghom kì̵ Jesu, ɓe Naan wuri lap mun kaa nyem ɗiiret mo si nyit fi̶ri. Ni azeen-nzeen wuri can mun ndi̶ghi̶n tughup kì̵ Naan ɗi nin nɗung j`i. 10Gyet yam ɓe mun a shaarlek kì̵ Naan mo, amma ndi̶ghi̶n muut kì̵ Làa fi̶ri, ɓe mu ɗee a shaar kì̵ Naan. Kaaɗi muu ɗee a shaar kì̵ Naan mo si, ɓe ni azeen Naan ɗi wuri kì̵ seen wuri kì̵ ɓam mun. 11Ba a mi̶ni ɗak kas, yaksi mu kat retnyit, mpeeɗi Naan wuri c`in mi̶ni mmun ndi̶ghi̶n Daa Jesu Kristi, ɗi wuri baa ɓàl mun ku mu ɗee ɗi a nyem ɗi mo tongriyang kì̵ Naan. 12A mpee shikbish kì̵ ngumi̶ndong, Adam, ɓe shikbish ɗel ndi̶ghi̶n yil ɗiisi. Shikbish nii j`i ki̶ muut. Ni aasi, ɓe muut ni taa ntook kì̵ gurum mo jir, mpeeɗi gurum mo jir, mo ki̶ c`in shikbish. 13Akuɗang Naan cín Waar fi̶ri mmun, ɓe shikbish ɗi ndi̶ghi̶n yil ni. Amma peeɗi ba Waar ɗi kas, ɓe ba gurum mak sat nee, komtak a tep Waar ɗi kas. 14Amma yaghal mɓít kì̵ Adam har so wul mɓít kì̵ Mosis, ɓe muut ni se ɗiiɗes nkaa gurum mo jir, har ni le ku mo murap, koo ɗi ba gyet mo c`in shikbish ni ntiit ki̶ ɗi Adam c`in kas, kaaɗi gyet wuri kwar ki̶ling ɗoo kì̵ Naan si. Adam wuri ɗee a kaa kiyeet kì̵ gwar ɗi wuri j`i si, Jesu Kristi mmi̶ni. 15Amma mo aɗik-aɗik, mpeeɗi mbiizughum ɗi Jesu j`i ki̶ ni, ni ɗik ki̶ shikbish ɗi gyet Adam j`i ki̶ ni. Mpee shikbish kì̵ ngumi̶ndong, ɓe gurum mo ɗes mo murap. Amma ɗiiret kì̵ Naan ni ɓal met ndi̶ghi̶n ngumi̶ndong, ɗi wuri a Daa Jesu Kristi, ɓe gurum mo jir mo kat ɗiiret ɗes shi mbiizughum ɗi Naan wuri cín mmo. 16Mpeeɗi ndi̶ghi̶n mbiizughum kì̵ Naan ni, ni ɗik ki̶ mbii ɗi ni put ndi̶ghi̶n shikbish kì̵ Adam. Mbii ɗi ni ndi̶ghi̶n shikbish mi̶ni, ni a ɗiyeel kì̵ Naan, pe gurum mo jir ɗi mo ɗee a ɗiili̶lagham. Amma mbii ɗi ni put ndi̶ghi̶n mbiizughum kì̵ Naan ɗi ni ndi̶ghi̶n Jesu Kristi, ni le ku gurum mo ɗee a ɓuɓwot, koo ɗi mo kì̵ ten c`in shikbish mo yit ɗes. 17Mpee shikbish ɗi ngumi̶ndong c`in, ɓe muut ni se koghorong nkaa yil ɗiisi mpee gwar mi̶ni. Amma mpee Jesu ɓe gurum mo jir mo lap seen pe Naan ɗes, mpeeɗi Naan wuri tang mo kaa nyem ɗin ndi̶re mo si nyit fi̶ri, ki̶ mon ntong ndi̶ghi̶n seen, ki̶ mon nse koghorong nkaa mbii mo jir. 18Ni aasi, mpee shikbish ɗiimi̶ndong ɗi gyet Adam c`in ni, ɓe ni j`i ki̶ muut ngurum mo jir. Ni aasi zak, mbii ɗiiret ɗiimi̶ndong ɗi Daa Jesu c`in ni, nii fwoon gurum mo jir, ku mo kat seen ɗi. 19Gurum mo ɗes, mo ɗee a nyemshikbish mo, mpeeɗi gyet ngumi̶ndong kwar ki̶lingpee. Amma gurum mo ɗes mo ɗee a ɗiiret nyit kì̵ Naan, mpee ngumi̶ndong ɗi wuri tong ɗyen nNaan. 20Waar ɗi Naan wuri cín Mosis ni a rang ye? A me le ɗangɓe Naan wuri cín Waar ni ye? Wuri cín Waar ni a mpeku ni woo ɗi ngurum mo kì̵ c`in shikbish ɗi ɗes-ɗes. Amma koo ɗi shikbish ni ɗes arang ye, ɓe ɗiiret kì̵ Naan ni ɗes met shikbish ni hakyeng. 21Kaaɗi ɓal kì̵ shikbish ni j`i ki̶ muut ngurum mo, ni aasi zak, ɓal mu ɗiiret kì̵ Naan ni le ku gurum mo ɗee a ɗin ndi̶re, ki̶ mo kat seen ɗiiso ngaa-ngaa, ndi̶ghi̶n Jesu Kristi Daa funu zak.

will be added

X\