Rom 3

1Katɗang mbii ni mo aasi, ɓe cirang ɗang can nin mɓam nyem Yahudi mo met kaghar gurum ni mo ye? Ɓe nyem Yahudi mo aa me, ɗi ni le ɗang mo met kaghar gurum mo ye? 2Nii koghop ni ndi̶ghi̶n ar mo ɗes. Ɗin nshee ni, ɓe Naan wuri shee cín po fi̶ri a nyem Yahudi mo. 3Koo ɗi ba gyet pak mo ndi̶ghi̶n mo, mo ɗar nkaa zeen ni kas, ɓe ba mi̶ni mak ɗee ne, Naan wuri mander po fi̶ri kas. 4Ba ni aasi kas, koo diɓen. Koo ɗi gurum mo jir ndi̶ghi̶n yil ɗiisi mo ɗee a nyemɗung mo, ɓe Naan wurii ɗar a nkaa zeen, koo pi̶rang ye. Ni a ntiit-ntiit ki̶ mbii ɗi mo kì̵ ten ran ni ndi̶ghi̶n takarda kì̵ Naan si nee: "Wugha Daa Naan, aa naa nkatpo, ɓe gurum mo jir mo naa nee, mbii ɗi aa sat ni a ndi̶re. Katɗang mo kám wugha, ɓe wugha a koghorong." 5Meeɓe, pak gurum mo sat nee, shikbish ɗi muu c`in ni, nii kám ɗiiret kì̵ Naan ngurum mo. Mun nsat a me ɗak ye? Katɗang Naan wuri kar mun mpee shikbish funu mo, ɓe mun sat nee, ba Naan wuri man mbii ɗi wurii c`in kas aa? (Wan satpo ɗiisi ni, a mpeeɗi pak gurum moo satpo kaa mi̶ni si.) 6Ba nin nkyam ɗen aasi kas, katɗang ba ɗi Naan wuri a ɗin ndi̶re kas, ɓe cirang ɗangɓe wurin ntokɗiyeel nyil ni ye? 7Amma pak gurum mo sat nee, katɗang gurum mo c`in ɗung, ɓe ni kám gurum nee, Naan wuri ɗi azeen, ɓe nii le ku mo cín ɗiiɗes nwuri. Katɗang ni aasi, ɓe cirang ɗang mun nsat ne nguc`in ɗung a ngushikbish ye? 8Shii kì̵ mi̶ni, mo nkaa sat ni nee, mu sat a c`in shikbish ɗak, mpeku gurum mo naa ɗiiret kì̵ Naan ɗi ndi̶ghi̶n shikbish funu mo. Pak gurum mo c`in ɗung nkaa mun nee, mun shikáa funu muu sat aasi. Naan wurin ncín kwat ɗiibish kiyeet kì̵ nyem mi̶ni mo. 9Mun nsat a me zak ye? Kyet mun nyem Yahudi mo, mu ret met kaghar gurum mo wa? Ba ni aasi kas koo diɓen. Wan ki̶n ten sat nwun nee, gurum mo jir koo ɗi mo a nyem Yahudi mo, koo a kaghar gurum mo, ɓe jir, mo a ntiit-ntiit. Mpeeɗi mo kì̵ c`in shikbish. 10Ni a ntiit ki̶ mbii ɗi mo kì̵ ten ran ndi̶ghi̶n takarda kì̵ Naan nee: "Ba mee ngo ɗii c`in mbii ɗiiret ɗi nyit kì̵ Naan kas. 11Ba mee ngo ɗi man zeen ɗi kas. Ba mee ngo ɗiitang pee ku wuri seyil ɗi nNaan kas. 12Gurum mo jir mo cighi̶r ki̶ ki̶ɓwoon nNaan. Mo jir ba mo kuɗi ki̶ mee koghop ni kas. Ba mee ngo ɗi wurii c`in mbii ɗiiret ɗi kas koo mi̶ndong. 13Po ɗi nii put mpo ki̶ mo, nii j`i ki̶ muut nyem ɗi moo ki̶ling ni jir. Moo c`in ɗung ngurum mo, shii li̶po furu mo. 14Po kì̵ mo ni gam ki̶ po ɗiibish ki̶ ɓeespee. 15Shii kì̵ mo ni mo wurung a ar so mpee ɗi mon ntwa gurum mo ɗi. 16Jir peeɗi mo ɗel ɗi, ɓe moo j`i ki̶ lagham ki̶ wat putughup ngurum mo. 17Ba mo man ar tong riyang kas. 18Ba moo ki̶i̶r Naan kas, koo diɓen." 19Mu man nee, Waar ɗi gyet Naan wuri cín ni, a mpeku ni tap ɗi kì̵ gurum mo jir ɗi mo nder ki̶ Waar ni. A mpeku taji mee gurum sat nee ba jí wuɗi man kas. Koo weye ndi̶ghi̶n yil ɗiisi, ɓe wuri man ne, wuri kì̵ c`in shikbish ntoghom kì̵ Naan. 20Ba mee gurum ɗi wurii tap ki̶ Waar ni mo jir ɗi kas, ɗi Naan mmak naa wuri kaa ngo ɗin ndi̶re nyit fi̶ri kas. Mbii ɗi Waar nii c`in, nii kám ngurum shikbish ɗi wuri c`in ni. 21Amma yaksi, ar ɗi Naan wuri le gurum mo ɗee a ɗiiret nyit fi̶ri, ni put agaak. Ba mee mbii ɓal ar ɗiisi ni kì̵ Waar kì̵ Mosis kas. Amma Waar kì̵ Mosis ki̶ Waar kì̵ nyemsatpo kì̵ Naan mo, mo ɗee a langting mpee ar ni. 22Ar ɗi Naan wuri le gurum mo ɗee a ɗiiret nyit fi̶ri, ni a cínzeen ndi̶ghi̶n Jesu Kristi ɓejee. Ba mee mbii ɗi ni ɓàk nyem Yahudi mo ki̶ kaghar gurum mo kas. 23Mpeeɗi gurum mo jir mo c`in shikbish, ki̶ mo taa kat ndi̶ghi̶n ɗiiɗes kì̵ Naan. 24Amma ndi̶ghi̶n ɗiiret kì̵ Naan, ɓe Naan wuri lop Jesu sham mpeku wuri ang nyem ɗi mo cínzeen ɗi wuri nzughum. 25Naan lop Jesu, a mpeku wuri muut ɗi mpee mun, mpeku shi toghom fi̶ri, ɓe wuri vwang shikbish funu mo ɗi, shii kì̵ ni, a nyem ɗi mo cínzeen wuri mi̶ni. 26Gyet yam ɓe Naan gung ki̶ mun, ba wuri cín kwat mun abet, kaaɗi mu c`in shikbish kas. Yaksi wuri nkaa kám ni ngurum mo nee, wuri a nguɗiyeel ɗiiret, ɗi ni a ting ku wuri kwat mun mpee shikbish funu mo, amma Jesu ang mun. A ndi̶ghi̶n ar ɗiisi ɓe Naan wuri nkaa kám ɗiiret fi̶ri, ki̶ wuri le nyem ɗi mo cínzeen nJesu Kristi jir a nyem ɗiiret mo. 27A mpee ɗiiret kì̵ Naan, ɗangɓe wuri le mu ɗee a ɗiiret. Ɓe mun ki̶ mee mbii, ɗi munn nroghop ɗiki̶ aa? Ba mun ki̶ mee mbii kas koo diɓen. Ba ni a mpee mee mbii ɗiiret ɗi mu c`in, ɗangɓe Naan le ku mu ɗee a ɗiiret nyit fi̶ri kas, amma ni a mpeeɗi mu cínzeen ndi̶ghi̶n Jesu Kristi. 28Mu man yaksi agaak nee, ngurum mo mmak ɗee a ɗiiret nyit kì̵ Naan, katɗang mo cínzeen ndi̶ghi̶n Jesu, ba a mpee tap Waar kì̵ Mosis kas. 29Wun, wu pan nee, Naan wuri a Naan kì̵ nyem Yahudi mo ɓejee? Ba wuri a Naan kì̵ kaghar gurum mo jir kas aa? Azeen-nzeen, wuri a Naan kì̵ kaghar gurum mo jir. 30Mpeeɗi Naan wuri a mi̶ndong ɓejee ndi̶ghi̶n yil ki̶ ndi̶ghi̶n ɗengnaan. Wuri lap nyem Yahudi ɗi moo can-can kaa nyem ɗin ndi̶re mo si, katɗang mo cínzeen ndaa Jesu. Ki̶ zak, wurii lap nyem ɗin nsuluk kaa nyem ɗin ndi̶re mo si, katɗang mo cínzeen nJesu Kristi. 31Ɗiisi ni kám nee, wuri lap mun a mpeeɗi mu cínzeen, ɓe mu mak le Waar kì̵ Mosis ni ɗee a ɗiibuu aa? Waash! Koo diɓen. Amma munn, waa mu cín a ɗiiɗes nWaar ni.

will be added

X\