Rom 16

1Wan ki̶n riɓet ku wu lap Fiibi ɗyemni̶ghi̶n funu ɗiimat, ɗi wuraa c`in ɗak ndi̶ghi̶n Eki̶lisya ɗin nSenkiriya. 2Wu lap wura ndi̶ghi̶n sum kì̵ Daa shi sar vul-vul, kaa mi̶se ɗi ni ret ku nyem ki̶ Naan mo c`in si. Wu ɓam wura ndi̶ghi̶n mɓam ɗi wuraa riɓet pu wun ɗi, mpeeɗi shikáa fi̶ra, wura ki̶ ɓam gurum mo ɗes, har ki̶ wan shikáa fi̶na zak. 3Wu tok ki̶ Priskila ki̶ Akwila nwan, mo ɗi moo c`in ɗak ashak ki̶ wan ndi̶ghi̶n Kristi Jesu. 4Jí mo ki̶ cín sut, koo ɗi a mpee muut mpee wan. Ba a wan ki̶n pi̶lang mo ɓejee kas, amma har jir ki̶ Eki̶lisya ɗi mo ndi̶ghi̶n pee mo shini-shini. 5Wu tok ki̶ Eki̶lisya ɗi moo kuur ashak ndi̶ghi̶n lu ki̶ mo ni zak. Wu tok ki̶ Ipenetus, gwar ɗi nwan wal wuri zam. A wuri a gwar ɗi wuri shee cínzeen nKristi ndi̶ghi̶n yil Eshiya. 6Wu tok ki̶ Meeri ɗi wura c`in ɗak nwan ɗes hakyeng 7Wu tok ki̶ Andronikus ki̶ Juniyas ɗyemni̶ghi̶n fi̶na mo. Mo a nyem Yahudi mo kaa wan si, ɗi jí mo ndi̶ghi̶n lushaghat ashak ki̶ wan. Mo a ɗiimi̶man mɓut jeplop mo hakyeng, ki̶ zak, a mo a nyem ɗi mo shee so ndang Kristi akuɗang wan. 8Wu tok ki̶ Amfiliyatus shaar fi̶na ndi̶ghi̶n Daa. 9Wu tok ki̶ Urbanus, wuri ɗi wuri c`in ɗak kì̵ Kristi ashak ki̶ wun, ki̶ Sitakis ɗi wan wal nwuri zam. 10Wu tok ki̶ Apellis ɗi gurum mo man nee, wuri a nguso ndang Jesu azeen-nzeen. Wu tok ki̶ nyemtulu kì̵ Aristobulus mo. 11Wu tok ki̶ Herodiyon ɗyemni̶ghi̶n fi̶na ki̶ nyem kì̵ Daa mo ɗi mon ntulu kì̵ Narsisus. 12Wu tok ki̶ Traifona ki̶ Traifusa mo, ɗi mo kì̵ c`in ɗak nDaa ki̶ Persis shaar ɗak fi̶na ɗi wura c`in ɗak kì̵ Naan ɗes hakyeng. 13Wu tok ki̶ Rufus ɗi Naan kì̵ ten bi̶lip wuri ki̶ ni̶ghi̶n fi̶ri, wura ɗi wura ɗee a kaa ni̶ghi̶n fi̶na si zak. 14Wu tok ki̶ Asinkritus, Filegon, Hermes, Patrobas, Hermas ki̶ kaghar ɗyemni̶ghi̶n ɗi mo ashak ki̶ wun ndi̶ghi̶n Kristi jir. 15Wu tok ki̶ Filologus, ki̶ Juliya, ki̶ Nerus, ki̶ ɗyemni̶ghi̶n fi̶ri ɗiimat, ki̶ Olimpas, ki̶ nyem kì̵ Naan ɗi mo ashak ki̶ mo jir. 16Wu tokshik ki̶ shak shang-shang kaa ɗyemni̶ghi̶nshak mo si. Eki̶lisya kì̵ Kristi mo jir mo lop tokshik furu pe wun ɗi. 17Wan ki̶n ɗang pe wun ɗyemnaa mo, wu tap ki̶ nyem ɗi moo j`i ki̶ ɓakpee, ki̶ mo wat cínzeen kì̵ gurum, mpeku mo c`in lek ɗi ki̶ kám ɗi wuu ten wu lap ni. Taji wu ɓàlkáa fuu ki̶ mo kas. 18Mpeeɗi ba nyem mi̶ni moo seyil a nDaa funu Kristi kas, amma moo seyil a mɓut furu mo. Shi liispo kì̵ mo ɗiishang, ki̶ caapee ɗi ba ni nkaa zeen kas, ɓe moo num gurum ɗi ba mo man po ni riret kas. 19Amma wuwun, ɓe gurum mo jir mo kì̵ ki̶lingpo nkaa cínzeen fuu ndi̶ghi̶n po ɗiiret ni, mpeemi̶ni, wan ki̶n c`in retnyit zam shi wun. Wan riɓet ku wu ɗee a nyemseen mo nkaa mbii ɗi mo a ɗiiret, amma wu shwat sar fuu mo aku nkaa pan mbii ɗiibish mo. 20Naan ɗi wuri cín tongriyang ngurum mo jir, wurin mbiyaghas Shetan nder shii fuu mo. Ɗiiret kì̵ Daa funu Jesu Kristi ni tong ashak ki̶ wun. 21Timoti shaarɗak fi̶na, wurii tok ki̶ wun, Lusiyus ki̶ Jesen ki̶ Sosipetar ɗyemni̶ghi̶n fi̶na mo, moo tok ki̶ wun aasi zak. 22Wan Tartiyus, ɗi a wan a nguran wasika ɗiisi ni mPool, wan ki̶n tok ki̶ wun ndi̶ghi̶n Daa. 23Gayus, ɗi wan ki̶n tong a ntulu fi̶ri, ɗi ni a peeɗi Eki̶lisya nii kuur ɗi, wurii lop tokshik fi̶ri nwun jir. Erastus, ɗi a wuri a nguyaa shaghal mu birni ni, ki̶ ɗyemni̶ghi̶n funu Kwartus moo lop tokshik furu. [ 24Ɗiiret kì̵ Daa funu Jesu Kristi ni tong ashak ki̶ wun jir. Amin.] 25Wu yit ku mu kwoop Naan! Naan wurin mmak le ku wu ɗar ɓal-ɓal ndi̶ghi̶n cínzeen fuu, ntiit ki̶ po ɗiiret ɗi wan kám ni nwun nkaa Jesu Kristi, ki̶ ntiit ki̶ mbii ɗi ni a ɗiisi̶sok mpee ɓit mo ɗes, ɗi mo kì̵ ɗel yam-yam. 26Amma mo kì̵ put ki̶ mbii ɗi gyet ni a si̶sok agaak yaksi. Mo kì̵ kám ni ngurum ɗin ndi̶ghi̶n yil ni mo jir, ɗi mo ki̶ sat ni ndi̶ghi̶n takarda kì̵ nyemsatpo kì̵ Naan mo. Ɗi Naan ɗiingaa-ngaa wuri kì̵ ten sat mmo, ku mo sat ɗi ngurum mo jir, mpeku gurum mo cínzeen ɗi, ku mo c`in ɗyen kì̵ Naan ɗi zak. 27Pe Naan ɗi wuri mmi̶shin ɓejee, ɗi wuri man mbii mo jir, ɗiihai ni ɗee a mu wuri ndi̶ghi̶n Jesu Kristi har ngaa-ngaa. Amin.

will be added

X\