Rom 14

1Gwar ɗi ba wurii ɓal ndi̶ghi̶n cínzeen ni kas, ɓe wu lap wuri koo ɗi ba wuri ki̶ ɓal ni kas. Amma taji wu ɗee njighi̶r ki̶ wuri nkaa mbii ɗi mo ret ku wuri c`in kas. 2Mee gurum, ɓe wuri ki̶ cínzeen ɗi wurin mmak se koo a luwa ɗiiɗang ye, amma gwar ɗi ba wuri ki̶ ɗar ɓal-ɓal ndi̶ghi̶n cínzeen ni kas, ɓe wurin mmak se a mbii ɗi mo sak mo a ndi̶ghi̶n maar ɓejee. 3Gwar ɗi wurii mak se koo a luwa ɗiiɗang ye si, taji wuri ɓak gwar ɗi ba wuri mak se koo meye ni kas. Taji gwar ɗi wuri nook se ni si, wuri naa bish ki̶ gwar ɗi wurii se koo meye ni kas zak. Mpeeɗi Naan kì̵ ten lap wuri. 4Wugha a we, ɗi wugha mak tokɗiyeel nki̶rom kì̵ mee gurum ye? A ngulu kì̵ ki̶rom ni mmak tokɗiyeel nwuri, kyet wurii c`in mbii ɗiiɓish aa, koo ɗiiret ye? Amma wuri ɗar mpeeɗi Naan wuri mak le wuri ɗar. 5Mee gurum ɓe wuri pan nee, mee puus ni ɗes met kaghar puus mo, ki̶ mee gurum ɓe wuri pan nee, puus ni mo a ntiit jir. Wu yit ku koo a weye wuri man pan ɗi ni ndi̶ghi̶n putughup fi̶ri. 6Gwar ɗi wuri naa ne, mee puus ni ɗes met mmee puus si, wuri c`in pan mi̶ni a mpeku wuri cín ɗiiɗes ɗi nDaa funu. Gwar ɗi wurii mak se koo a luwa ɗiiɗang ye si, wuri riɓet ku wuri cín ɗiiɗes nDaa funu, mpeeɗi wuri pi̶lang Naan mpee mbii ɗi wuri se ni. Gwar ɗi ba wurii se koo a meye kas si, wuri kwarse ni a mpeku wuri cín ɗiiɗes ɗi nNaan zak. 7Ba mee gurum ndi̶ghi̶n mun wuri tong ndi̶ghi̶n yil ɗiisi ni a mpee káa fi̶ri ɓejee ɗak kas, ki̶ ba mee gurum kì̵ muut a mpee káa fi̶ri ɓejee kas zak. 8Katɗang mun ɗi ki̶ seen, ɓe mun ki̶ seen ni a mpee Daa. Katɗang mu murap, ɓe mu murap a mpee Daa. Mpeemi̶ni koo ɗi mun ɗi ki̶ seen, koo ɗi mu murap, ɓe mun a mu Daa. 9Mbii ɗi ni le ku Kristi wuri muut, ɗang wuri waa baa yaghal a peemúut, a mpeku wuri ɗee ɗi a Daa ki̶ nyem ɗi mo ki̶ seen yaksi, ki̶ nyem ɗi mo kì̵ murap zak. 10Katɗang ni aasi, ɓe wugha a we ɗangɓe aa tokɗiyeel nɗyemni̶ghi̶n fugha ye? A me le ɗangɓe wugha aa ɓák ɗyemni̶ghi̶n fugha ye? Mpeeɗi mun jir, mun nɗar ntoghom kì̵ Naan mpeku wuri tokɗiyeel ɗi mmun jir. 11Mpeeɗi mo kì̵ ten ran ndi̶ghi̶n takarda kì̵ Naan nee: "Wan ki̶n ten tuwoorpo shi toghom shikáa fi̶na nee, 'Gurum mo jir, mon nj`i kurum nfurum ntoghom fi̶na, ki̶ gurum mo jir mon nsat agaak shi li̶po furu nee, wan a Naan.' " 12Mpeemi̶ni, ɓe koo a weye ndi̶ghi̶n mun wurin nɗar ntoghom kì̵ Naan, ku wuri sat mbii ɗi wuri kì̵ ten c`in mo ɗi jir, shikáa fi̶ri. 13Mpeemi̶ni, taji wu tokɗiyeel nshak kas, amma ni ret ku wu pan ndi̶ghi̶n putughup fuu mo, mpeku taji wu le mmee mbii canshii, mee ɗyemni̶ghi̶n fuu, koo mbii ɗi ni le ku wuri taa ndi̶ghi̶n shikbish kas. 14Wan, ngo ɗi wan a mu Jesu Kristi, wan man a zeen nee, ba mee mbiise ɗi, ɗi ni a ɗiibish mpee káa fi̶na kas, amma katɗang mee gurum cínzeen ne mbiise ɗiisi, ni a ɗiibish, ɓe azeen-nzeen ni ɗee a mbiise ɗiibish pe gwar mi̶ni ɗi. 15Amma katɗang mbiise ɗi wugha aa se ni, nin nle canshii mmee ɗyemni̶ghi̶n fugha, ɓe ba wugha, aa mwaan a ndi̶ghi̶n wal kas. Taji a yit ku mbiise ɗi wugha ki̶ se ni dughun mee gurum ɗi Kristi wuri kì̵ muut mpee gwar ni kas. 16Taji a yit ku mbii ɗiiret ɗi aa c`in, ɓe ni le gurum mo waa satpo ɗiibish nkaa ni kas. 17Ba mulki kì̵ Naan ni a se ki̶ shwaa kas, amma ni a c`in mbii ɗiiret, ki̶ tongriyang, ki̶ retnyit ndi̶ghi̶n Riin Ɗiiɓang. 18Jir ngo ɗi wuri seyil nKristi ndi̶ghi̶n ar ɗiisi, ɓe Naan wurin nlap gwar ni, ki̶ gurum mon nriɓet gwar ni zak. 19Mpeemi̶ni, wu yit ku mu c`in mbii ɗi nin nj`i ki̶ tongriyang, ki̶ mbii ɗi nin nle ku mu cínɓal ɗin nshak. 20Taji wu wat ɗak kì̵ Naan mpee mbiise ɗi wuu se mo kas. Ni azeen nee, mbii mo jir mo a ɗiiɓang, amma ba ni a ndi̶re, ku mbii ɗi wugha ki̶ se, ni le canshii ngurum mo kas. 21Mbii ɗi ni ret ku a c`in nɗiisi, katɗang mpee luwa koo shwaamwos ɗang nin nle canshii nɗyemni̶ghi̶n fugha, ɓe taji a se luwa koo shwaamwos kas. 22Wugha ki̶ cínzeen nkaa mbii ɗiisi mo ɓe a yaa ni gang-gang nnaar fugha kì̵ Naan. Ngo ɗi wuri kat retnyit a ngo ɗi wuri man mbii ɗiiret, ɗang wuri c`in shi putughup mi̶ndong. 23Amma ngo ɗi wuri ki̶ putughup mo vul nkaa mee mbiise ɗangɓe wuri se, ɓe wuri c`in a shikbish, mpeeɗi wuri se baa ashak ki̶ cínzeen kas. Koo mbii ɗiiɗang ye ɗi baa ni a mu cínzeen kas, ɓe ni a shikbish.

will be added

X\