Rom 13

1Wu yit ku koo a weye, ɓe wuri c`in mbii ɗi nyemnan-nan mu yil ni mo sat, mpeeɗi ba mee iiko ɗi kas, see shi riɓet kì̵ Naan. Nyem ɗi mo a ɗiinan-nan nkaa wun yaksi, ɓe a Naan cín iiko ni mmo. 2Mpeemi̶ni koo a ngo ɗiiɗang ye, ɗi ba wurii ki̶ling mbii ɗi nyem ɗiinan-nan mo sat kas, ɓe gwar mi̶ni kwar c`in nɗyen kì̵ Naan mmi̶ni. Nyem ɗi mo kwar ki̶lingpo kì̵ nyem ɗiinan-nan mo, ɓe moo ɗul a ɗiyeel j`i nkaa sut. 3Nyem ɗi moo c`in mbii ɗiiret mo, ɓe ba mon nki̶i̶r nyem ɗiinan-nan mo kas. Amma nyem ɗi moo c`in mbii ɗiibish mo, a moo ki̶i̶r nyem ɗiinan-nan mo. Katɗang gurum riɓet tong riyang ki̶ nyem ɗiinan-nan mo, ɓe ni ret ku gurum c`in mbii ɗiiret mo, mpeku nyem ɗiinan-nan ni mo kwoop wugha ɗi. 4Nyem ɗiinan-nan mo a ki̶rom kì̵ Naan mo, mpeeɗi moo c`in ɗak ni a mpee tongriyang fuu. Amma katɗang gurum ki̶ c`in a mbii ɗiibish, ɓe ting wurin nkat ki̶i̶rmuut, mpeeɗi Naan wuri kì̵ ten cín iiko mmo, a mpeku mo kar nyem c`in mbii ɗiibish mo ɗi. 5Mpeemi̶ni ni a ting, ku wu ki̶ling mbii ɗi nyem ɗiinan-nan mo sat, ba a mpee ki̶i̶r tughup kì̵ Naan ɓejee kas, mpeeɗi wu man ndi̶ghi̶n ɗyen kì̵ putughup fuu mo nee, ni a mbii ɗiiret ku wu c`in aasi. 6A mpeemi̶ni, ɗangɓe wuu kwat wap, mpeeɗi nyem ɗi moo kyak wap ni moo c`in a ɗak ki̶ Naan, kaaɗi moo gam ɗak furu mo. 7Mpeemi̶ni wu kwat koo a weye mbii ɗi wun ki̶ ni ngo ni. Koo ɗi a nyemtul shaghal mo, ɓe wu kwat ni mmo. Ki̶ zak, wu ki̶i̶r nyem ɗi ni ret ku wu ki̶i̶r mo, ki̶ wu cín ɗiiɗes nyem ɗi ni ret ku wu cín ɗiiɗes ni mo zak. 8Taji wu ɗyel káat mmee gurum kas, see walnshak. Koo ngo ɗiiɗang ye ɗi wuri wal ngi̶ni̶ghi̶n fi̶ri, ɓe gwar mi̶ni gam a Waar ni mmi̶ni. 9Waar kì̵ Naan ɗi ni sat nee: "Taji a c`in ngaa kas, ki̶ taji a tukáa kas. Taji a cín wat kas, ki̶ taji a c`in zughur mbii kì̵ gurum kas." Waar ɗiisi mo ki̶ kaghar waar ɗi mo ɗee ɗi jir, mo kyak mo, mo lang a nkaa Waar ɗiisi mi̶ndong, ɗii ni sat nee, "A wal ngi̶nang fugha kaa sak fugha si." 10Katɗang gurum wal gi̶ni̶ghi̶n fi̶ri, ɓe ba wurin nc`in mee mbii ɗiibish nwuri kas. Mpeemi̶ni wal ni a gam ki̶ Waar ni. 11Wu gung ku wu c`in mbii mo ɗi jir, mpeeɗi wu man nee, pee ni wul, ku wu mii ɗi nsaam, mpeeɗi ɓam funu ni kus ki̶ mun yaksi, met ɗi jí mu shee cínzeen. 12Mpar ni kus ki̶ kyes, ɓit ni kus kì̵ mang. Mpeemi̶ni, ɓe wu nook c`in ɗak ɗi mo a mu peenkoo. Mu ɓwaghat sun shi leelek ɗi mo a peeɓang. 13Wu yit ku mu mwaan ndi̶ghi̶n peeɓang kaa nyem ɗi moo tong ndi̶ghi̶n peeɓang mu puus si. Taji mu c`in mee mbii ashak ki̶ nyemɗiibish mo, koo nyemshwaa yughur mo kas. Mu put ki̶ sun funu mo aku ndi̶ghi̶n ngaa ki̶ cíishik, ki̶ bi̶lep, ki̶ zughur. 14Amma wu mang mi̶se kì̵ Daa Jesu Kristi, ku wu yit pan ɗiibish mo jir ɗi mo pwat a ndi̶ghi̶n pan mu mi̶se fuu mo.

will be added

X\