Rom 12

1Mpeemi̶ni, ɗyemnaa mo, wan ɗang pe wun, mpee yit naajeel ɗiiɗes kì̵ Naan, wu cín suk fuu mo kaa mbiizughum ɗi ni ki̶ seen, ɗiiɓang, ɗi ni shang nNaan, ki̶ ni ret lap nwuri zak. Ɗiisi ni a ar ɗi ni ret ku wu seyil ɗi nNaan zak. 2Taji wu mwaan ndi̶ghi̶n shiimwaan kì̵ nyem ɗi ny`iicinsi mo kas, amma wu yit ku Naan wuri cighi̶r kì̵ putughup fuu mo ki̶n ndi̶ng, mpeku wu ɗee ɗi a kaa nyemɗiipoo mo si. Katɗang wu c`in ki̶si, ɓe wu man mbii ɗi Naan wurii riɓet ku wu c`in ɗi ni a ɗiiret, ki̶ ɗi ni a ɗiigi̶gam zak. 3Mpee zughum ɗi Naan wuri cín ni nwan, wan ki̶n sat nwun jir nee, "Taji mee ngo ɗiyeepkáa fi̶ri met ɓal fi̶ri kas." Amma koo a weye ɓe wuri c`in pan nkaa shin fi̶ri ndi̶ghi̶n ar ɗi ni ret, ntiit ki̶ zughum mu cínzeen ɗi Naan wuri cín ngwar mi̶ni. 4Ni a kaaɗi ndi̶ghi̶n gurum mi̶ndong, ɓe wuri ki̶ ɓeep mo ɗes si, koo ɓeep ɗiiɗang ye ɓe ni ki̶ ɗak ki̶ ni. 5Mumun aasi zak, koo ɗi mun a ɗi muu ɓàl ashak ki̶ Kristi mun ɗes, amma mu ɗee a ɗiimi̶ndong. Koo weye ndi̶ghi̶n mun, ɓe wuri a ndi̶ghi̶n gi̶ni̶ghi̶n. 6Mpee ɗiiret kì̵ Naan, ɓe wuri cín zughum mo mmun shini-shini. Mpeemi̶ni wu yit ku mu c`in ɗak ki̶ mo. Meeɓe, Naan wuri cín zughum mmee gwar a mpee satpo ɗi Naan wuri kì̵ ten woo ngwar ni. Ɓe wu yit ku gwar mi̶ni satpo nkaa mbii ɗi Naan kì̵ woo nwuri ntiit ki̶ cínzeen fi̶ri. 7Katɗang ni a ɗak, ɓe wu yit ku gwar ni c`in ɗak ɗi wurin mɓam niyee mo ɗi zak. Katɗang ni a kám, ɓe wu yit ku gwar mi̶ni kám ɗi niyee mo. 8Katɗang zughum kì̵ mee gwar ni a mpee caa niyee mo, ɓe wu yit ku gwar mi̶ni caa mo ɗi. Gwar ɗi wuri cín zughum, ɓe wu yit ku wuri ni cín shi putughup mi̶ndong. Katɗang gurum a ngusel niyee mo, ɓe ni a ting ku wuri c`in ɗak fi̶ri ɓal-ɓal. Nyem ɗi moo naajeel kì̵ gurum mo, ɓe wu yit ku mo c`in ni shi retnyit. 9Wu wal ngurum mo azeen-nzeen. Wu kwar mbii ɗiibish, amma wu yaa mbii ɗiiret ɓal-ɓal. 10Wu wal nshak kaa ɗyemni̶ghi̶n mo si, ndi̶ghi̶n Kristi, ki̶ wu cín ɗiiɗes nshak a pi̶ring. 11Wu c`in ɗak shiɓal fuu jir. Taji wu ɗee a seer mo kas. Wu c`in ɗak shiɓal ɗi Riin cín nwun, mpee seyil nDaa. 12Wu c`in retnyit ndi̶ghi̶n canciin. Wu gung ndi̶ghi̶n jeel, ki̶ wu naa nc`in aduwa. 13Wu cín zughum, mpeku ni ɓam nyemso ndang Jesu Kristi mo ɗi. Wu ɗak suk, mpeku wu lap mi̶zep mo ɗi ndi̶ghi̶n tulu fuu mo. 14Wu le ɗiiret nkaa nyem ɗi moo cínjeel nwun. Ii, wu le ɗiiret nkaa mo, ki̶ taji wu ki̶kàss mo kas. 15Wu c`in retnyit ashak ki̶ nyem ɗi mon nretnyit. Wu wal ashak ki̶ nyem ɗi mon mmaap. 16Wu tong riyang ashak ki̶ gurum mo jir, ki̶ taji wu ɗiyeepkáa fuu kas, amma ni ret ku wu mwaan ashak ki̶ nyem ɗi mo sham ki̶ káa furu mo. Taji wu lesuk ne wun a nyemseen mo kas. 17Taji wu kwat mbii ɗiibish shi ɗiibish kas, wu c`in mbii mo jir ndi̶ghi̶n ar ɗi gurum mo naa ne, ni a mbii ɗiiret. 18Kat ni mak c`in, ɓe wu gung ku wu tong ɗi riyang ashak ki̶ gurum mo jir. 19Shaar fi̶na mo, katɗang mee gurum c`in mbii ɗiibish nwun, ɓe taji wu kwat ngwar ni shi ɗiibish kas, amma wu yit ɗang Naan kwat ni. Kaaɗi mo kì̵ ran ndi̶ghi̶n takarda kì̵ Naan si nee: "Naan wuri sat nee, kwat ni a mi̶na. A wan nkwat. Daa wuri sat aasi." 20Amma wu c`in ɗak ntiit ki̶ mbii ɗi mo ki̶ ran si nee: "Katɗang neenláa nshaarlek fugha, ɓe a cín mbiise nwuri, kat neen am tu wuri, ɓe a cín am nwuri shwaa. Mpeeɗi kat a c`in ki̶si, ɓe aa le a ɗirep wus nkaa káa fi̶ri mmi̶ni." 21Taji wu yit ku mbii ɗiibish mo se koghorong nkaa wun kas, amma wu ɗee a koghorong nkaa mbii ɗiibish ni mo shi c`in mbii ɗiiret mo.

will be added

X\