Rom 10

1Ɗyemnaa mo, wan fes nriɓet ndi̶ghi̶n putughup fi̶na, ki̶ wan nkaa c`in aduwa nNaan mpee nyem fi̶na Yahudi mo, mpeku mo kat ɓam ɗi. 2Wan ki̶n naa nee, mo ki̶ putughup mpee wal nNaan, amma ba mo man zeen ni kas. 3Ba mo man ar ɗi Naan wuri le ku gurum mo ɗee a ɗiiret nyit fi̶ri kas, amma mo tang a ar mukáa furu, ku mo ɗee ɗi a ɗiiret. Ni aasi, ɓe mo kwar c`in mbii ɗi Naan sat nee mo c`in. 4Amma, Kristi wuri ki̶ gam mbii ɗi Waar nii riɓet jir, mpeku nyem ɗi mo cínzeen nwuri jir, ɓe mo ɗee a ɗiiret nyit kì̵ Naan. 5Gyet yam, ɓe Mosis wuri ran nee, koo weye ɗi wuri tap ki̶ Waar ni mo jir, ɓe wurin nkat seen ndi̶ghi̶n mo. 6Amma mpee ɗiiret ɗi ni j`i a ndi̶ghi̶n cínzeen, ɓe wuri sat nee, "Taji a pan ndi̶ghi̶n putughup fugha kas nee, a we nkàa wul, ndi̶ghi̶n ɗengnaan ye? Shii kì̵ mi̶ni nee, ku wuri sham ɗi ki̶ Daa Jesu Kristi mmun ye? 7Koo a we nsham a pee nyemmuut mo ku wuri kàa ɗi ki̶ Kristi ye?" 8Takarda ni sat a meye? "Po kì̵ Naan ni ɗi kus ki̶ wun, ni ɗi ndi̶ghi̶n po fuu, ki̶ ni ɗi ndi̶ghi̶n putughup fuu mo." A ni a po ɗi muu sat ni nwun zak, mpeku wu cínzeen ɗi. 9Katɗang a sat shi po fugha nee, Jesu wuri a Daa, ki̶ a cínzeen ndi̶ghi̶n putughup fugha zak ne Daa Naan kì̵ yaghal ki̶ wuri a peemúut, ɓe a nkat ɓam. 10Mpeeɗi a shi putughup ɓe gurum kì̵ cínzeen, ku wuri kat ɗiiret ki̶ Naan ɗi, ki̶ shi po ɓe wuri ki̶ sat, mpeku wuri kat ɓam ɗi. 11Ni a riran ndi̶ghi̶n takarda kì̵ Naan nee "Koo weye ɗi wuri cínzeen ngo ɗi Naan lop, ɓe ba nashoop nyaa wuri kas." 12Po ɗiisi ni a mpee gurum mo jir, mpeeɗi ba Naan wurii shwatyit ngurum mo kas. Koo ɗi gurum a ngu Yahudi, koo ɗi ba a ngu Yahudi kas, ɓe Naan wuri a Daa funu jir, ki̶ wurii le ɗiiret nkaa nyem ɗi moo pet wuri mpee ɓam jir. 13"Koo a weye ɗi wuri petsum kì̵ Daa, ɓe wurin nkat ɓam." 14Amma cirang ɗangɓe gurum mon mpet wuri, katɗang ba mo cínzeen nwuri kas ye? Cirang ɗangɓe gurum mon ncínzeen nwuri, katɗang ba mo ki̶ling sum fi̶ri kas ye? 15Cirang ɗangɓe mon nki̶ling kat ba mo sat Po Naan mmo kas ye? Ni a kaaɗi mo kì̵ ran ndi̶ghi̶n takarda kì̵ Naan si nee. "Shii ki̶ nyem ɗi mo j`i ki̶ po ɗiiret ni, ni ret naa zam." 16Ba a nyem Yahudi mo jir, mo lappo ɗiiret ɗiisi ni kas. Ngusatpo kì̵ Naan Aizaya wuri sat nee. "Daa, a we ncínzeen po ɗi mu sat ni ye?" 17Ni aasi, cínzeen ni j`i a mpeeɗi gurum mo ki̶lingpo ni, ki̶ a po nkaa Jesu Kristi. 18Amma wan sat nee, ba mo kì̵ ki̶ling kas, azeen aa? Azeen mo ki̶ling. Ni a riran ndi̶ghi̶n takarda ki̶ Naan nee: "Ɗoo ki̶ mo ni so wul koo a pee ɗiiɗang ye ndi̶ghi̶n yil ni jir. Gurum mo ki̶ling li̶po ki̶ mo ni jir ndi̶ghi̶n yil ni, har ki̶ pee ɗiijong-jong mo jir." 19Amma wan sat nee, ba gyet nyem Yahudi ni mo man po ni kas aa? Nshee ɓe Mosis nee: "Wan le ku nyem fi̶na mo c`in zughur ki̶ nyem ɗi ba mo a mee mbii ndi̶ghi̶n yil ni kas, mpeku ni le ku mo langtughup ki̶ nyem ɗi ba mo man mee mbii kas." 20Ngusatpo kì̵ Naan Aizaya wuri kat ɓal mputughup, har wuri sat agaak nee: "Naan katpo nee, nyem ɗi ba gyet mo tang wan kas, ɓe mo kat nwan. Wan ki̶n woo san nyem ɗi ba gyet mo tang wan kas." 21Amma mpee nyem Yahudi mo, ɓe Naan wuri sat nee: "Sar fi̶na mo a wuwang koo a pi̶rang ye, mpee lap nyem fi̶na mo, amma a mo a nyemciishik mo, ki̶ mo kwar ki̶lingpo fi̶na."

will be added

X\