Sughun 6

1Wan naa kaaɗi Laatum ni, wuri fi̶lap ndiɓen ki̶ stam ɗin nshee. Ɗangɓe wan ki̶ling ɗoo ki̶ memee mɓut mbii ɗiifeer ɗi mo ki̶ seen si. Wuri petpee shi ɗoo ɗiiɓal kaa k`oot kì̵ nluu si nee, "J`i!" 2Kaaɗi wan naapee zak, ɓe wan naa mee bi̶ring ɗiipiyaa ki̶ j`i. Gwar ɗi wuri lang bi̶ring ɗiisi, wuri ki̶ mbuka nsar fi̶ri. Mo c`in mbiikáa ɗi ni a mu koghorong nwuri zak, wuri j`i put kaa gwar ɗi wurii naa nse koghorong a peelek si. Wuri ɗel so, mpeku wuri so se mee lek ni ɗi zak. 3Kaaɗi Laatum ni wuri fi̶lap ndiɓen ki̶ stam ɗiivul ni, ɓe wan ki̶ling ɗoo ki̶ mbii ɗiivul ndi̶ghi̶n mbii ɗiifeer ɗi mo ki̶ seen si mo, wuri petpee nee, "j`i!" 4Ɗangɓe wan naa mee bi̶ring ɗiivul j`i put, ni a naat kaa wus si. Gwar ɗi wuri lang bi̶ring ɗiinaat ɗiisi ni, mo cín iiko nwuri mpeku wuri mang tongriyang baa ki̶ ni aku ndi̶ghi̶n yil ɗiisi, mpeku gurum mo ɗoghom twa shak ɗi, mo cín mee kwai ɗiiɗes nwuri zak. 5Kaaɗi Laatum ni wuri fi̶lap ndiɓen ki̶ stam ɗiikun ni, ɓe wan ki̶ling ɗoo kì̵ mbii ɗiikun, memee mɓut mbii ɗiifeer ɗi mo ki̶ seen si mo, wuri petpee nee, "J`i!" Kaaɗi wan naapee zak, ɓe wan naa bi̶ring ɗiitup ki̶ j`i. Gwar ɗi wurii lang bi̶ring ɗiitup ni, wuri ki̶ ɗaa mu kám mbii mo kaa muudu si ndi̶ghi̶n sar fi̶ri. 6Ni ɗee kaa wan ki̶ling a rep mee ɗoo si, ndi̶ghi̶n mbii ɗiifeer ɗi mo ki̶ seen si mo, ɗoo ni sat nee, "Gurum mmang shaghal ɗak fi̶ri, mu puus mi̶ndong, ku wuri seet muudu mu alkama ɗi mi̶ndong, ki̶ zak, gurum mang shaghal ɗak fi̶ri, mu puus mi̶ndong, ku wuri seet muudu mo kun mu parpi̶ra ɗi. Amma taji a wat mwoor ni ki̶ am anab ni kas." 7Kaaɗi Laatum ni wuri fi̶lap ndiɓen ki̶ stam ɗiifeer ni, ɓe wan ki̶ling ɗoo kì̵ ɗiifeer mɓut mbii ɗi mo ki̶ seen si mo, wuri sat nee, "J`i!" 8Ɗangɓe wan naa mee bi̶ring si, ni a vuun, akiyeen fi̶na, moo pet gwar ɗi wuri lang bi̶ring ɗiisi a muut, ki̶ peetong mu nyemmuut mo nwurin mɓwoon. Mo cín iiko mmo nkaa mi̶ndong mɓut feer ki̶ yil ni, mpeku mo twa gurum mo shi kwai, ki̶ shi neen, ki̶ shi shwal, ki̶ shi luwayil mo zak. 9Kaaɗi Laatum ni wuri fi̶lap ndiɓen ki̶ stam ɗiipaat ni, ɓe wan naa seen kì̵ gurum mo nder kì̵ peewus mbiizughum. A seen kì̵ nyem ɗi gyet mo twa mo, mpeeɗi gyet mo satpo Naan ni, ki̶ zak, mpeeɗi gyet mo sat agaak nee, wuɗun cínzeen, ki̶ gyet mo ɗar ɓal-ɓal ndi̶ghi̶n satpo ni zak. 10Mo petpee shi ɗoo ɗiiɗes nee: "Daa Naan ɗiiɗes, ɗiiɓang, ki̶ ɗi wugha azeen, a pi̶rang ɗang wughan ntokɗiyeel nyemyil ni mo ye? Nyem ɗi gyet mo twa mun si mo, mpeku wugha kwat mo ɗi ye?" 11Mo cín lée ɗiipiyaa mo jwal jir. Ɗang mo waa sat mmo nee, "Wu gung, ɗiilee aku, see ɗuu kì̵ shaar ɗak fuu mo, ki̶ ɗyemni̶ghi̶n fuu ɗi mon ntwa mo, kaaɗi mo twa wun si wul akuɗang." 12Kaaɗi Laatum ni wuri fi̶lap ndiɓen ki̶ stam ɗiipeemee ni, ɓe wan naa yil ni yoghon ɗes zam, ɗangɓe puus ni cighi̶r ɗee a tup kaa lée ɗiitup shek-shek si, ki̶ tar ni cighi̶r ɗee a naat kaa toghom si. 13Zar mo pwat ndi̶ghi̶n ɗengnaan, har mo sham ɗyong nyil, kaaɗi laating ɗiinung moo ɗyong nyil, katɗang kut cutpee ɓal-ɓal si. 14Ɗengnaan ni ɗel lagham kaa ɗi gurum ki̶ ciɓet ti̶barna si, ki̶ mo hi̶r jwak mo, ki̶ jepyil ɗi am neer mo le nnaar, mo hi̶r mo jir aku a pee furu. 15Ɗangɓe mishkagham mu yil ni mo, ki̶ nyem ɗi mo se mulki mo, ki̶ ɗiinan-nan mu sooja mo, ki̶ nyemlong mo, ki̶ nyem ɗi mo ki̶ iiko mo, ki̶ kaghar gurum mo jir, ki̶rom mo, ki̶ jeplu mo, mo so lagham ndi̶ghi̶n goghot mo, ki̶ gaghap ɗin njwak mo. 16Mo ɗang pu jwak ni mo nee, "Wu j`i wu taa nkaa mun, mpeku taji mu naa yit kì̵ gwar ɗi wurii tong nkaa peetong mu mulki si, ki̶ zak, mpeku taji tughup mu ɗiyeel kì̵ Laatum ni kat mun." 17Mpeeɗi puus tughup furu ɗiiɗes nii j`i wul. A we mmak ɓamkáa fi̶ri mpuus mi̶ni ye?

will be added

X\