Sughun 3

1"A ran lop so pe ngulop kì̵ Naan ɗi wurii tap ki̶ Eki̶lisya ɗi nin nyil nSardis nee, A lop ni nɗiisi, ɗi ni put a mpo kì̵ gwar ɗi wuri ki̶ Riin kì̵ Naan mo povul, ki̶ zar mo povul zak. Wan man ɗak fugha, wugha le ku gurum mo pan ne, wugha ɗi ki̶ seen, amma wugha a ɗiimumuut. 2A yaghal ating, mpeku a fwang rep kaghar seen ɗi ni ɗee ni ɗi, mpeku taji ni si̶ghi̶t muut ki̶n ndi̶ng-ndi̶ng. Wan naa, ba shiimwaan fugha ni a ɗiiret nyit kì̵ Naan kas. 3Mpeemi̶ni, ɓe wan ki̶n sat nwugha, a pan mbii ɗi gyet aa ten a ki̶ling mo, ɗi gyet har aa lap mo. A cínzeen mi̶ni mo ɓal-ɓal. A tuwap. Katɗang ba wugha yaghal kas, ɓe wan mbaaj`i a kaa wat si, ɗi ba wughan mman parpuus baaj`i fi̶na ni kas. 4Amma rep pak gurum mo ɗi, nyil nSardis, ɗi mo tap le lée furu mo a ɗiiɓang. Nyem mi̶ni moo mwaan ashak ki̶ wan. Mon nlop lée ɗiipiyaa-piyaa mo, mpeeɗi shiimwaan furu ni mo ret, ki̶ mbii ɗi mo kì̵ ten c`in mo. 5Nyem ɗi mo se koghorong, ɓe mon nlop lée ɗiipiyaa-piyaa mo zak. Ba wan nkyam tu sum furu ndi̶ghi̶n takarda mu nyemseen mo kas. Pe Naan puun fi̶na, ki̶ nyemlop fi̶ri mo, ɓe wan nsat agaak ne, mo a nyem fi̶na mo. 6Ngo ɗi wuri ki̶ kom mpee ki̶lingpee, ɓe wuri ki̶ling mbii ɗi Riin kì̵ Naan wuri nkaa sat nin (Eki̶lisya) nyem so ndang Naan mo." 7Gwar ni sat nwan zak nee, "A ran lop so pe ngulop kì̵ Naan ɗi wurii tap ki̶ Eki̶lisya ɗi nin nyil nFiladalfiya. "Lop ɗiisi ni put a mpo kì̵ gwar ɗi wuri a ɗiiɓang ki̶ wuri azeen. A wuri ki̶ makuli kì̵ Devid. Katɗang wuri wang polu ni, ɓe ba mee gurum mak shaghat ni kas, ki̶ zak, katɗang wuri shaghat pee ni, ɓe ba mee gurum mmak wang ni kas. 8Wan man ɗak fugha. A naa, wan ki̶n ten wangpee nwugha, ɗi ba mee ngo mmak kyam shaghat ni kas. Wan man nee, koo ɗi ba ɓal fugha ni ɗes kas, ɓe wugha kì̵ ɗar ɓal-ɓal ndi̶ghi̶n po fi̶na, ki̶ zak, ba wugha ki̶ cíipo nee a nook man wan kas. 9A ki̶ling, wan nle nyem mu Shetan ɗi moo le sut a nyem Yahudi si mo, amma ba mo a nyem Yahudi mo kas, moo c`in a ɗung. Wan nle ku nyemɗung ɗiisi mo j`i kurum ntoghom fugha, ki̶ nder shii fugha, ku mo man ɗi zak nee, wan wal nwugha. 10Kaaɗi wugha kì̵ ɗar ɓal-ɓal ndi̶ghi̶n po fi̶na, ki̶ gung zak, mpeemi̶ni ɓe wan ntap ki̶ wugha, mpeku taji mee mbii tung wugha kas, ndi̶ghi̶n teer mu jeel ɗi nin ndung j`i nkaa yil ni, mpeku ni kyam gurum mo ɗi jir ndi̶ghi̶n yil ni. 11Wan ndung j`i ki̶lak-ki̶lak. A yaa mbii ɗi wugha ki̶ ni ɓal-ɓal, mpeku taji, mee gurum yaa wugha ki̶ zughum mu koghorong ni kas. 12Jir nyem ɗi mo se koghorong, ɓe wan nle ku mo ɗee a kaa ndwet mo si ndi̶ghi̶n Lu kì̵ Naan fi̶na, ɗi ba nin nkyam put ɗi ndi̶ghi̶n lu ni kas. Wan nran sum kì̵ Naan fi̶na nkaa pukiyeen furu, ki̶ sum mu yil kì̵ Naan fi̶na, ɗi moo pet ni a Jerusalem ɗiipoo, ɗi ni sham a pe Naan ɗi. Ki̶ zak, wan nran sum fi̶na ɗiipoo nkaa mo. 13Ngo ɗi wuri ki̶ kom mpee ki̶lingpee, ɓe wuri ki̶ling mbii ɗi Riin kì̵ Naan wuri nkaa sat nin (Eki̶lisya) nyem so ndang Naan mo." 14Gwar ni sat nwan nee, "A ran lop so pe ngulop kì̵ Naan ɗi wurii tap ki̶ Eki̶lisya ɗi nin nyil nLodisiya. "Lop ɗiisi ni put a mpo kì̵ gwar ɗi moo pet wuri a Amin. Shii kì̵ mi̶ni nee, 'ni aasi'. Wuri a ngo ɗi azeen-nzeen, ki̶ wuri a langting ɗi azeen. A wuri a kuk kì̵ mbii ɗi Naan wuri le mo jir. 15Wan man ɗak fugha, ba wugha a ɗiizughum koo ɗiital kas. Ngyal ɗi wugha a ɗiizughum, koo ɗiital. 16Amma mpeeɗi wugha anaar-anaar, ba wugha a ɗiital kas, koo ɗiizughum kas, mpeemi̶ni, ɓe wan ntus wugha put aku mɓut mpo fi̶na. 17Wugha sat nee, wugha ki̶ long, ki̶ wugha ki̶ mbii ɗi aa riɓet mo jir! Amma ba wugha man nee, wugha a ngujeel, ɗi ni ret ku gurum mo naa wugha ki̶ yit mu ɓam kas. Wugha a kaa nyemvum mo si. Wugha a kaa nyemjeel ɗi moo mwaan ngum si. 18Wan ki̶n satpo nwugha nee, a seet zinariya pe wan ɗi, zinariya ɗiiret, mpeku a ɗee ɗi a ngulong. A seet lée ɗiipiyaa mo pe wan ɗi, mpeku a paa sak fugha ni ɗi. A j`i a seet yen mu yit zak, mpeku a le ɗi nyit fugha mo, mpeku a naapee ɗi. 19Nyem ɗi wan ki̶n wal mmo, a mo a nyem ɗi wan ki̶n gwak mo. Wan ki̶n cín kar mmo, mpeku mo kám seen ɗi. Mpeemi̶ni, a yaghal azeen-nzeen, mpeku a tuwap ɗi. 20A naa, wan ki̶n ɗar mpolu mu putughup. Wan nkaa ɓwap polu ni, katɗang mee ngo ki̶ling ɗoo fi̶na, ki̶ har gwar mi̶ni wang polu ni, ɓe wan nɗel ndi̶ghi̶n lu ni, har wan se mbiise ashak ki̶ gwar mi̶ni, ki̶ gwar mi̶nin nse mbiise ashak ki̶ wan zak. 21Nyem ɗi mo se koghorong, ɓe wan ncínpee mmo, mpeku mo tong ɗi ashak ki̶ wan nkaa mbiitong mu mulki fi̶na, kaaɗi gyet wan ki̶n se koghorong si. Mpeemi̶ni, ɓe yaksi, wan ki̶n tong ashak ki̶ puun fi̶na nkaa mbiitong mu mulki fi̶ri. 22Ngo ɗi wuri ki̶ kom mpee ki̶lingpee, ɓe wuri ki̶ling mbii ɗi Riin kì̵ Naan wuri nkaa sat nin (Eki̶lisya) nyem so ndang Naan mo."

will be added

X\