Sughun 22

1Ɗangɓe ngulop kì̵ Naan wuri kám mee dung nwan, ɗi ni a mu am mu seen. Am ni ɗong yet-yet. Am ni put a peetong mu mulki kì̵ Naan, ki̶ mu Laatum ni. 2Am ɗiisi ni sham a naar kì̵ ar ɗiiɗes mu birni ni. Ting mu seen nii ɗar mpo dung ni koo nkoghop ɗiiɗang ye. Nii làa-làa mu kiyeet mo kaghapaat baavul, koo tar ɗiiɗang ye mu laating mo. Komting ɗiisi ni a mpee bar gurum ɗii mu yil ni mo jir, shini-shini. 3Ba mee mbii ɗiibish mmak ɗel ndi̶ghi̶n birni ni kas. Peetong mu mulki kì̵ Naan ki̶ Laatum, mon ntong ndi̶ghi̶n birni ni, ki̶ ki̶rom fi̶ri mon nseyil nwuri. 4Mon nnaa yit kì̵ Naan, ki̶ mon nran sum fi̶ri nkaa pukiyeen furu mo. 5Ba mee par kuɗi zak kas. Ba mon nwaa kuɗi ki̶ c`in ɗak ki̶ peeɓang mu fitila, koo mu puus kas, mpeeɗi Daa Naan wurin ncín peeɓang mmo, ki̶ mon nse mulki har ngaa-ngaa. 6Ngulop kì̵ Naan wuri sat nwan nee, "Po ɗiisi ni mo mak ɗi gurum ncínzeen mmo," ki̶ mo azeen zak. Daa Naan ɗi wuri cín Riin fi̶ri nyemsatpo fi̶ri mo, wuri lop ngulop fi̶ri, mpeku ngulop ni wuri kám ɗin nki̶rom fi̶ri mo, mbii ɗi yak mon nc`in akiyeen ki̶lak. 7"Wu naa wan ki̶n j`i ki̶lak. Ngo ɗi wuri tap ki̶ po ɗi mo ran mo ndi̶ghi̶n takarda ɗiisi, ɗi mo put a pu Riin kì̵ Naan ɗi, ɓe ngo mi̶nin nkat ɗiiret." 8A wan Joon ɗi wan ki̶ling, ki̶ wan naa mbii ɗiisi mo, kaaɗi wan ki̶ling mbii ɗiisi mo, ki̶ wan naa mo, ɓe wan taa nyil ntoghom kì̵ ngulop kì̵ Naan ɗi wuri kì̵ kám mbii ɗiisi ni mo nwan. 9Amma wuri sat nwan nee, "Taji a seyil nwan kas, ne wuɗi a ki̶rom kaa wan si, ki̶ ɗyemni̶ghi̶n funu nyemsatpo kì̵ Naan mo, ki̶ jir nyem ɗi moo tap ki̶ po ɗiiriran ndi̶ghi̶n takarda ɗiisi ni. Wu seyil a nNaan!" 10Ngulop ni wuri sat nwan nee, "Po kì̵ Naan ɗi mo ndi̶ghi̶n takarda ɗiisi, taji a sok mo kas, mpeeɗi pee ni wul, mpeku mbii ɗiisi ni mo c`in ɗi. 11Wu yit ku nguc`in mbii ɗiibish mo, ɓe wuri sekiyeen ɗi ki̶ c`in ni. Wu yit ku nguc`in mbii ɗiirap mo, ɓe wuri sekiyeen ɗi ki̶ c`in mo. Nguc`in mbii ɗin ndi̶re mo, wu yit ku wuri sekiyeen ɗi ki̶ c`in ɗin ndi̶re fi̶ri. Ngo ɗi wuri a ɗiiɓang ɓe wuri sekiyeen ɗi a ɗiiɓang." 12"Wu naa wan ki̶n j`i ki̶lak, ashak ki̶ kwat fi̶na. Wan ncín ni nkoo a weye, ntiit-ntiit ki̶ mbii ɗi gurum kì̵ ten c`in mo. 13Wan a Alfa ki̶ Omega, ɗi a wan a ti̶leng ki̶ mbii mo, ki̶ ɗin mɓwoon kì̵ mo, wan a ɗin nshee ki̶ kyes kì̵ mbii mo jir zak. 14Nyem ɗi mo vwang lée furu mo ɓang-ɓang, ɓe mon nkat ɗiiret, mpeeɗi a mon nkat iiko mpee se laating ɗii mu seen ni, ki̶ mon nɗel mpolu ni mo, mpee ɗel ndi̶ghi̶n birni ni. 15Mɓwoon kì̵ birni ni, ɓe as mo ɗi, ki̶ soghot mo, ki̶ nyemngaa mo, ki̶ nyemtukáa mo, ki̶ nyemseyil nk`um mo, ki̶ jir nyem ɗi mo wal nc`in ɗung mo. 16A wan Jesu ki̶n lop ngulop fi̶na, mpeku wuri c`in langting ɗiisi mo nwugha, mpee Eki̶lisya mo. A wan a cirem mu dang kì̵ Devid, ki̶ a wan a Zar mangɓit, ɗi nii ɓangpee si." 17Riin ki̶ matpoo ni, mo sat nee, "A j`i" Wu yit ku koo a weye, ɗi wuri ki̶lingpee, ɓe wuri sat nee, "A j`i." Wu yit ku koo a weye ɗi neen am tu wuri, mpee am mu seen, ɓe wu yit ku wuri j`i, mpeku wuri lap am mu seen ni shwaa ɗi shi zughum. 18Wan ki̶n sat, nkoo a weye shiɓal ne koo a weye ɗi wuri ki̶lingpo ɗi mo ran ndi̶ghi̶n takarda ɗiisi, ɗi mo put a pe Riin kì̵ Naan ɗi. Katɗang mee ngo le mee po ɗiki̶ nkaa ɗi mo kì̵ ten ran mo ndi̶ghi̶n takarda ɗiisi ni, ɓe Naan wurin ncín kwat ngwar mi̶ni a shi jeel ɗi mo kì̵ ten ran mo ndi̶ghi̶n takarda ɗiisi. 19Katɗang mee ngo mang mee mbii baa ki̶ ni, ndi̶ghi̶n po ɗi mo a riran, ɗi mo put a pe Riin kì̵ Naan ndi̶ghi̶n takarda ɗiisi, ɓe Naan wurin nshang pak ɗiiret fi̶ri baa ki̶ni aku ndi̶ghi̶n laating mu seen ɗi gwar mi̶nin nse, ki̶ wurin mbaa ki̶ pak mbii ɗi gwar mi̶ni nkat ndi̶ghi̶n birni ɗiiɓang ni zak, kaaɗi mo sat ndi̶ghi̶n takarda ɗiisi ni si. 20Gwar ɗi wuri kì̵ c`in langting mpee mbii ɗiisi ni mo jir, wuri sat nee, "Ii, wan j`i ki̶lak-ki̶lak. Amin. A j`i, Daa Jesu." 21Ɗiiret kì̵ Daa Jesu tong ashak ki̶ wun jir. Amin.

will be added

X\