Sughun 2

1"A ran lop so pe ngulop kì̵ Naan ɗi wurii tap ki̶ Eki̶lisya ɗi nin nyil Afisus nee, Lop ɗiisi ni, a po ɗi ni put mpo kì̵ gwar ɗi wuri ki̶ zar mo povul nsarse fi̶ri si, ɗi wurii mwaan nnaar kì̵ peele fitila ɗiipovul si mo, ɗi mo ɗak mo a shi zinariya si. 2Wan man ɗak ɗi wun kì̵ ten c`in ni, ki̶ jeel fuu, ki̶ gung fuu zak. Ba wuu shaar ki̶ nyemɗiibish mo kas. Wuu kyam shiimwaan kì̵ nyem ɗi mo sat nee, wuɗun a jeplop kì̵ Jesu mo, amma ba mo a jeplop kì̵ Kristi kas. Wuu ten wu man ne, moo c`in a ɗung. 3Wu gung, koo ɗi wun nkaa shwaajeel mpee sum fi̶na, ɓe taji wu baa mɓwoon kas. 4Amma wan ɗi ki̶ mee mbii mi̶ndong nkaa wun ɗi wan ki̶n riɓet sat ni nwun. Ba wu kuɗi wuu wal nwan kaa ɗi gyet wuu wal nwan nshee si kas. 5Taji wu mander nshiimwaan fuu ɗi gyet yam, akuɗang wuu táa wu pal si kas. Wu tuwap, mpeku wu baa wu mwaan ɗi ndi̶ghi̶n ar ni, kaa gyet yam si. Katɗang ba wu tuwap kas, ɓe wan ndung j`i, kun mang peele fitila ni ɗi a peeɗar ki̶ni. 6Amma mbii mi̶ndong ɗi wan ki̶n kwoop wun mpee ni a nɗiisi, wuu kwar ɗak kì̵ nyem Nikolaitan mo, kaaɗi wan ki̶n kwar si. 7Ngo ɗi wuri ki̶ kom, mpee ki̶lingpee ɓe wuri ki̶ling mbii ɗi Riin ni nkaa sat ni nyemso ɗang Naan mo. Ngo ɗi wuri se koghorong, ɓe wan ncín pee nwuri se laating ɗi ni a mu seen, ɗi ni kàa ndi̶ghi̶n bong kì̵ Naan." 8"A ran lop so pe ngulop kì̵ Naan ɗi wurii tap ki̶ Eki̶lisya ɗi nin nyil nSimena nee, Lop ɗiisi ni a po ɗi ni put mpo kì̵ gwar ɗi wuri a ɗin nshee, ki̶ a wuri a kyes ki̶ mbii mo jir, ɗi gyet wuri kì̵ muut, amma yaksi wuri ki̶ seen. 9Wan man jeel fuu, ki̶ zak, wan man nee, ba wun a nyemlong mo kas, amma shi zeen, ɓe wun a nyemlong. Wan man po ɗiibish mu nyem ɗi moo lesut a nyem Yahudi mo, amma shi zeen, ɓe ba mo a nyem Yahudi mo kas. Mo a nyem kì̵ Shetan mo. 10Taji wu kat mee ki̶i̶rmuut nkaa jeel ɗi wun ndung shwaa ni kas. A ki̶ling! Shetan wurin nkyam wun. Wurin nle pak fuu mo ndi̶ghi̶n lushaghat, wun nshwaajeel mpee teer mo kaghapaat. Amma wu gung, taji wu kwar wan kas, koo ɗi mon nti̶twa wun, ɓe wu gung, mpeku wan cín zughum ɗiiɗes ɗi ni a seen ɗi nwun. 11Ngo ɗi wuri ki̶ kom, ɓe wuri ki̶ling mbii ɗi Riin wuri nkaa sat ni (Eki̶lisya) nyemso nɗang Naan mo. Ngo ɗi wuri se koghorong, ɓe ba muut ɗi vul nin ntung wuri kas." 12"A ran lop so pe ngulop kì̵ Naan ɗi wurii tap ki̶ Eki̶lisya ɗi nin nyil Pagamum nee, Lop ɗiisi ni put a mpo kì̵ gwar ɗi wuri ki̶ kwai ɗi ni se koghop vul si. 13Wan man nee, peeɗi wuu tong ɗi ni, ɓe Shetan wuri kì̵ le mbiitong mu mulki fi̶ri a mpee mi̶ni. Wuu yaa sum fi̶na ɓal-ɓal. Ba wu cíipo fi̶na kaaɗi gyet mo tu Antipas nguc`in langting fi̶na azeen-nzeen ndi̶ghi̶n peetong kì̵ Shetan si kas. 14Amma wan ki̶ rep pak mbii mo lee nkaa wun. Wun ki̶ pak gurum mo nnaar fuu, ɗi moo so a ndang kám mu Balam. Gyet a Balam wuri kám mBalak, ku wuri num nyem Yahudi mo, har gyet mo c`in shikbish mpee se mbiise ɗi gyet mo kì̵ ten c`in nk`um, ki̶ c`in mbii ɗiibish mo kaa ngaa si. 15Ki̶ zak, wun ki̶ nyem ɗi moo so ndang kám ki̶ Nikolaitan mo. 16Wu tuwap, kasɓe wan nɗung j`i, kun c`in lek ɗi ki̶ wun, shi kwai fi̶na ɗi ni j`i put mpo fi̶na si. 17Ngo ɗi wuri ki̶ kom, mpee ki̶lingpee, ɓe wuri ki̶ling mbii ɗi Riin wuri nkaa sat ni (Eki̶lisya) nyemso nɗang Naan mo." Ngo ɗi wuri se koghorong, ɓe wan ncín pak manna ɗi ni a si̶sok nwuri. Ki̶ zak, wan ncín jwak ɗiipiyaa ngwar ni, ki̶ sum ɗiipoo a riran ɗiki̶ nkaa jwak ni. Gwar ɗi wurin nlap jwak ni, ɓe a wuri man mbii ɗi mo ran nkaa ni ɓejee ɗak. 18"A ran lop so pe ngulop kì̵ Naan ɗi wurii tap ki̶ Eki̶lisya ɗi nin nyil nTayati̶ra nee, Lop ɗiisi ni put a mpo kì̵ Làa kì̵ Naan ɗi yit fi̶ri moo lapwus kaa mbi̶lem ki̶ wus si, ɗi shii fi̶ri moo mi̶lep kaa shaghal ɗi mo tap ɗak ni si. 19Wan man ɗak fuu, ki̶ wal fuu, ki̶ cínzeen fuu, ki̶ ɗak ɓam ɗi wu c`in mo, ki̶ gung fuu, ki̶ zak, yaksi ɓe wun nkaa c`in ɗak ni met ɗi gyet wu shee c`in nin nshee. 20Amma jir ki̶si, ɓe wan ki̶ mbii ɗiisi mo nkaa wun. Mpeeɗi wu tap wu kiyee mat ɗi moo pet wura a Jezebel sí, ɗi wuraa pet sat a mat satpo kì̵ Naan. A shi ar kám fi̶ra, ɓe wura le ku ki̶rom fi̶na mo c`in mbii ɗiibish mo kaa c`in ngaa, ki̶ se mbiise ɗi mo kì̵ ten cín nk`um. 21Wan ki̶n cín pee nwura, mpeku wura tuwap ɗi, amma wura kwar tuwap mpee shikbish fi̶ra, ɗi ni a mu ngaa. 22Wan nle ku shwal yaa wura, ki̶ wuran nshwaajeel a peesaam ki̶ nyem ɗi moo c`in ngaa ashak ki̶ wura, katɗang ba mo tuwap kas, ku mo nook c`in mbii ɗiibish mi̶ni mo kas, ɓe wan ncín jeel mmo. 23Wan nle ku jep fi̶ra mo murap ki̶ shwal, mpeku Eki̶lisya mo jir mo man ɗi nee, wan a ngo ɗi wan ki̶n man pan ɗi ni ndi̶ghi̶n putughup kì̵ gurum mo, ki̶ zak, wan ki̶n leng putughup furu mo. Wan nkwat koo a weye ntiit ki̶ ɗak ɗi ngo ni kì̵ ten c`in. 24Yaksi mpee kaghar wun nyem Tayati̶ra, ɗi ba wu lap kám kì̵ Jezebel ni kas, ba wu man mbii ɗiibish, ɗi gurum moo pet ni a jurung kì̵ mbii ɗi mo a mu Shetan kas, (ba wan ɗi ki̶ mee mbii mpee sat nwun ɗik mpeku wu c`in kas.) 25See wu ɗar ɓal-ɓal ndi̶ghi̶n mbii ɗi wuu ten wu kám, har parɗi wan mbaaj`i zak. 26Mpee nyem ɗi moo ɗar ɓal-ɓal har mo se koghorong, ki̶ mo c`in ɗyen fi̶na zak, har peekyes ni, ɓe wan ncín ɓal mmo nkaa yil ni mo, kaaɗi wan ki̶n kat ɓal nsar kì̵ puun fi̶na si. 27Mon nc`in mulki nkaa yil ni mo, a shi kám shaghal, ɗang mon mpyan mo, a kaa tughulwan ɗi gurum ki̶ piin ni si. 28Nyem ɗi mo ɗar ɓal-ɓal har mo se koghorong, ɓe wan ncín zar mangɓit mmo zak. 29Ngo ɗi wuri ki̶ kom, mpee ki̶lingpee, ɓe wuri ki̶ling mbii ɗi Riin kì̵ Naan wuri nkaa sat ni (Eki̶lisya) nyemso ndang Naan mo."

will be added

X\