Sughun 16

1Ɗangɓe wan ki̶ling mee ɗoo ɗiiɓal ndi̶ghi̶n Lu kì̵ Naan ɗiiɗes ni, ni sat nyemlop ki̶ Naan ɗiipovul ni mo nee, "Wu so wu ɗoo mbii ɗin ndi̶ghi̶n ɗaa ɗiipovul ɗii mu tughup kì̵ Naan ni mo nkaa yil ni." 2Ngulop kì̵ Naan ɗin nshee wuri so ɗoo mbii ɗi ni ndi̶ghi̶n ɗaa ɗi wuri ki̶ ni nkaa yil ni. Ɗangɓe si̶rap ɗiishwal ɗi mo bish naa, mo pwas nyem ɗi mo ki̶ alama mu luwa nkaa sut si, ki̶ nyem ɗi jí mo seyil mmuriin kì̵ luwa ni. 3Ngulop kì̵ Naan ɗiivul wuri so ɗoo mbii ɗi ni ndi̶ghi̶n ɗaa ɗi wuri ki̶ ni nkaa bahar, ɗangɓe am ni cighi̶r ɗee kaa toghom kì̵ ngu mumuut si. Mbii ɗi mo ki̶ seen ɗi moo tong ndi̶ghi̶n am, mo murap jir. 4Ngulop kì̵ Naan ɗiikun, wuri so ɗoo mbii ɗi ni ndi̶ghi̶n ɗaa ɗi wuri ki̶ ni nkaa dung am mo, ki̶ tuɓut mo. Am ni mo cighi̶r ɗee a toghom. 5Wan ki̶ling ngulop ɗi wurii tap ki̶ am mo, wuri sat nee: "Wugha a ɗin ndi̶re, mpee canɗiyeel ɗiisi mo. Wugha a ɗiiɓang, wugha ɗi gyet yam, ɓe wugha ɗi, wugha ɗi wugha ɗi yaksi. 6Mpeeɗi gyet mo ɓeer toghom kì̵ nyem fugha mo, ki̶ toghom kì̵ nyemsatpo fugha mo zak. Amma wugha ki̶ cín toghom mmo shwaa ntiit-ntiit ki̶ kwat furu." 7Ɗangɓe wan ki̶ling mee ɗoo a peewus mbiizughum ni sat zak nee, "Ii, Daa Naan ɗiiɓal met jir. Azeen-nzeen, canɗiyeel fugha ni mo azeen, ki̶ mo a ndi̶re zak." 8Ngulop kì̵ Naan ɗiifeer, wuri so ɗoo mbii ɗi ni ndi̶ghi̶n ɗaa ɗi wuri ki̶ ni, nkaa puus. Ɗangɓe mo cínɓal mpuus ni, mpeku ni caan gurum mo ɗi shi wus. 9Tal kì̵ puus ni fes ɓaan gurum mo, shiɓal, har mo satpo ɗiibuu nkaa sum kì̵ Naan, ɗi wuri ki̶ iiko nkaa jeel ni mo. Amma mo kwar tuwap, ba mo kwoop ɗiiɗes kì̵ Naan kas. 10Ngulop kì̵ Naan ɗiipaat, wuri so ɗoo mbii ɗi ni ndi̶ghi̶n ɗaa ɗi wuri ki̶ ni, nkaa pee mu mulki mu luwa ni. Ɗangɓe mulki kì̵ luwa ni cighi̶r ɗee a peenkoo. Ɓe gurum mo i̶rap liis furu mo mpee jeel ɗi mon nkaa shwaa ni. 11Gurum mo waa satpo ɗiibuu nkaa Naan, mpee shwaajeel ɗi mo nkaa shwaa ni, ki̶ si̶rap furu mo zak, amma jir ki̶si, ɓe mo kwar tuwap, mpee ɗak ɗiibish ɗi mo kì̵ ten c`in mo. 12Ngulop kì̵ Naan ɗiipeemee, wuri so ɗoo mbii ɗi ni ndi̶ghi̶n ɗaa ɗi wuri ki̶ni, nkaa dung Yufiretus ɗiiɗes si, ɓe am ɗi ni ndi̶ghi̶n dung ɗiisi ni ɗel fii, mpeku ni ɗak ar ɗi mmishkagham ɗi mon nj`i nkoghop puus ki̶kàa. 13Ɗangɓe wan naa riin ɗiibish mo kun, ɗi mo kaa nzargong mo si, mo j`i pwat ndi̶ghi̶n po kì̵ kus nw`oo sí, ki̶ ndi̶ghi̶n po kì̵ luwa sí, ki̶ ndi̶ghi̶n po kì̵ ngusatpo Naan mu ɗung sí. 14Riin ɗiibish ɗiisi ni mo nkaa c`in mbii aapo mo ɗes hakyeng. Mo so pe mishkagham mu yil ɗiisi mo jir, mpeku mo kyak mo le ɗi ashak mpee c`in lek parpuus ɗiiɗes mu Naan ɗiiɓal met jir sí. 15"Wu naa wan nj`i a kaa wat si! Nyem ɗi mo tong shi gongpee, ɗi mo ki̶ lée furu mo a li̶lop, mpeku taji mo put ngum, ku mo kat naashoop ɗi kas, ɓe nyem mi̶ni mon nkat ɗiiret." 16Riin ɗiibish ɗiisi ni mo kyak mishkagham mu yil ɗiisi mo le ashak, mmee peeɗi moo pet ni shi liispo mu nyem Yahudi mo a Armageddon. 17Ngulop ɗiipovul, wuri so ɗoo mbii ɗi ni ndi̶ghi̶n ɗaa ɗi wuri ki̶ni nkaa kut. Ɗang mee ɗoo ɗiiɓal j`i put ndi̶ghi̶n Lu kì̵ Naan ɗiiɗes, a peetong mu mulki ni nee, "Ni kì̵ c`in!" 18Ki̶ zak, pee ni mi̶lep, nluupet, ki̶ pee ni gwan. Yil ni yoghon shiɓal, ɗi ba yil kì̵ kyam yoghon kaa mi̶ni si kas, pugyet ɗi gurum mo yaa tong ɗi ndi̶ghi̶n yil ni. 19Birni ɗiiɗes ni ɓàk kun, ki̶ kaghar birni ɗin ndi̶ghi̶n yil ni mo jir, mo shirip. Naan wuri pan Babilon ɗiiɗes si, har wuri cín kap ɗi ni gam ki̶ am anab ɗi ni a mu tughup fi̶ri nwura shwaa. 20Koo rep laayil ɗiiɗang ye ɗi am neer ni cighi̶rkaat, ɓe ni su so lagham, ki̶ ɗengjwak mo su so lagham zak. 21Ɗaghar ɗiinan-nan mo pwat nɗengnaan, har mo sham taa nkaa gurum mo, koo a ɗaghar ɗiiɗang ye ɓe toghon kì̵ ni wul kaa mu bufu ki̶i̶n si. Gurum mo satpo ɗiibuu nkaa Naan, mpee shwal ɗi moo shwaa ni, mpee sham kì̵ ɗaghar ɗiisi ni mo, ki̶ zak, mpeeɗi jeel ni fes shwal zam hakyeng.

will be added

X\