Matiyu 7

1"Taji wu tokɗiyeel mmee gurum kas, mpeku taji Naan tokɗiyeel nwun kas. 2Mpeeɗi a shi ɗiyeel ɗi wuu tok ngurum mo, ɓe Naan wurin ntokɗiyeel nwun aasi zak. Ɗaa kám ɗiɓen ɗi wuu kám ngurum mo ɗishik, ɓe Naan wurin mbaa kám ni wun a ɗishik zak. 3"A me le ɗang aa daampee nsak ki̶ rep shit ɗi ni ndi̶ghi̶n yit kì̵ ɗyemni̶ghi̶n fugha, amma ba a kak kuk yoghom ɗi ni ndi̶ghi̶n yit mugha kas ye? 4Cirang ɗangɓe wughan mak sat nɗyemni̶ghi̶n fugha nee, 'A yit ku wan fii rep shit ɗi ni ndi̶ghi̶n yit fugha,' amma ba a kak kuk yoghom ɗi ni ndi̶ghi̶n yit mugha kas ye? 5Wugha nguɓutbish, a shee shang kuk yoghom ɗi nin nyit fugha si aku. Ɗangɓe wughan mmak naapee riret, mpee fii rep shit ɗi nin ndi̶ghi̶n yit ki̶ ɗyemni̶ghi̶n fugha si. 6"Taji wu cín mbii ɗiiɓang as mo kas, mpeku taji mo cighi̶r j`i mpee i̶rap wun kas. Taji wu vwet mbii ɗiiki̶rim ntughus mo kas, mpeku taji mo ti̶reng shi shii kas. 7"Wu ɗang, ɗangɓe mon ncín nwun, wu tang, ɗangɓe wun nkat. Wu ɓwap polu, ɗangɓe mon nwang nwun. 8Mpeeɗi koo ngo ɗiiɗang ye ɗi wuri ɗang mbii, ɓe mon ncín nwuri. Ngo ɗi wuri tang mbii, ɓe wurin nkat. Ngo ɗi wuri ɓwap polu ɓe mon nwang nwuri. 9A we ndi̶ghi̶n wun ɗi katɗang làa fi̶ri tal bred pu wuri, ɓe wurin ncín nhi̶k làa ni me? 10Koo katɗang làa ni tal pupwap pu puun ni, ɓe puun nin ncín nw`oo nwuri ye? 11Katɗang wun ɗi wun a ɗiibish mo, wu man cín zughum ɗiiret njep fuu mo, ɗang j`iɗee a puun fuu ɗi wuri ndi̶ghi̶n ɗengnaan aa? Naan wurii cín mbii ɗiiret nyem ɗi mo tal pu wuri. 12Mpeemi̶ni, koo a mbii ɗiiɗang ye ɗi wu riɓet ku gurum mo c`in nwun, ɓe wu c`in mmo aasi zak. Ɗiisi ni a Waar kì̵ Mosis ki̶ kám kì̵ nyemsatpo kì̵ Naan mo." 13"Wu ɗel ndi̶ghi̶n polu ɗiiɗwat, mpeeɗi polu ɗiikaam ni ɗi, ki̶ ar ɗiikaam ni ɗi zak, ɗi nii so ki̶ gurum a peemúut. Gurum mo ɗes moo yaa a ɗi. 14Amma polu mu seen ni a ɗiiɗwat, ki̶ ar ni a ɗiiɗwat, ɗi nii so ki̶ gurum a peeseen. A gurum mo lee-lee ɗi moo kat ni ɗak." 15"Wu tap ki̶ nyemsatpo kì̵ Naan mu ɗung mo, ɗi mon nj`i pe wun ɗi ndi̶ghi̶n shoop kì̵ tum mo, amma ndi̶ghi̶n putughup furu mo, ɓe mo a kaa ncuwe ɗi neen fes láa mo si. 16Wun mman mo a mpee ɗak furu mo. Gurum mmak tal làa ting anab mɓut tinghi̶r me? Koo làa tingkoon mɓut nkuultum me? 17Aasi, koo a ting ɗiiret ɗiiɗang ye ɓe nii làa-làa ɗiiret. Amma ting ɗiibish, ɓe nii làa-làa ɗiibish. 18Ba ting ɗiiret mmak làa-làa ɗiibish kas, ki̶ ba ting ɗiibish mmak làa-làa ɗiiret kas zak. 19Koo ting ɗiiɗang ye ɗi ba ni làa-làa ɗiiret kas, ɓe mon ncan mi̶ni mo vwet nwus. 20Mpeemi̶ni, ɓe wun mman nyemsatpo kì̵ Naan mu ɗung ni mo, a mpee ɗak furu mo. 21"Ba a gurum mo jir ɗi moo sat nwan nee, 'Daa, Daa mon nɗel ndi̶ghi̶n mulki kì̵ Naan kas. Amma see a ngo ɗi wurii c`in ɗyen kì̵ puun fi̶na ɗi wurin ndi̶ghi̶n ɗengnaan.' 22Katɗang parpuus ɗiyeel nin nwul, ɓe gurum mo ɗes mon nsat nwan nee, 'Daa, ba jí mun muu satpo Naan ndi̶ghi̶n sum fugha kas aa? Ba jí mun kì̵ ceen riin ɗiibish mo ndi̶ghi̶n sum fugha kas aa? Ba jí mun kì̵ c`in mbii lukshik mo ɗes ndi̶ghi̶n sum fugha kas aa?' 23Ɗangɓe wan nsat mmo agaak nee, 'Ba wan ki̶n kyam man wun kas koo diɓen. Wu baa aku pe wan ɗi, wun nyem c`in ɗak ɗiibish mo.' " 24"Koo ngo ɗiiɗang ye ɗi wuri ki̶lingpo fi̶na ɗiisi mo, ɗang wuri c`in mo zak, ɓe wuri a kaa nguseen, ɗi wuri ɓwot kuklu fi̶ri nkaa jwak si. 25Fwan ni taa, ki̶ am ni kàa paa kuklu ni, ki̶ kut cut lu ni ɓal-ɓal, amma ba lu ni ship kas, mpeeɗi mo kì̵ ɓwot kuklu ni a nkaa jwak. 26Koo ngo ɗiiɗang ye ɗi wuri ki̶lingpo fi̶na ɗiisi mo, ɗangɓe ba wuri c`in mo kas, ɓe wuri a kaa ngumwen, ɗi wuri ɓwot kuklu fi̶ri nkaa ɗiyees si. 27Fwan ni taa, ki̶ am ni kàa paa kuklu ni, ki̶ kut cut lu ni ɓal-ɓal, ɓe lu ni ship. Ship kì̵ lu ni a ɗiiɗes hakyeng." 28Kaaɗi Jesu wuri kyes satpo ɗiisi mo, ɓe ni aapo ngurum mo zam, mpee kám fi̶ri ni mo. 29Mpeeɗi wuri kám mmo a kaa ngo ɗi wuri ki̶ iiko si, ba a kaa nyemkám Waar kì̵ Mosis mo si kas.

will be added

X\